Ka Nupepa Kuokoa, Volume LXII, Number 6, 8 February 1923 — PAKELE MAI PAU PEAPEA I KE AHI. [ARTICLE]

PAKELE MAI PAU PEAPEA I KE AHI.

Mamuli wale no o ka ike e ia ana o ka a o ke ahi, a hui pu iho me ka eleu o na kanaka kinaiahi, pela i hoopakeleia ae ai na hale e ku kokoke mai ana, ma ke alanui Uniona, i ka manawa i puoho ae ai he ahi, ma kekahi hale kahiko e ku ana ma kela alanui. Ma ka hora eono, o ke ahiahi o ka Poalima aku nei i hala, i a ae ai ke ahi ma kela hale, a nui ka poino i kohoia aku aia nia kahi o ka hookahi kaukani dala, a pakele hoi kekahi hale kiekie, o elua papahele,

• he hale me na rumi hoolimalima, eia nae, aole no i nole ka ikeia ana o na alina a ke ahi mahope mai o kela hale. 0 kela hale i pau i ke ahi, he hale kahiko, o hookahi papahele ke kiekie, o ke kumu nae o ka a ana ae o ke ahi, he ninau pohihihi loa ia. Ua hooka'ulua iki ia ka hoohana ana o na kanaka kinaiahi, i ka lakou iliwai maluna o kela hale, mamuli o kekahi mau pilikia o ke kiwai. I ka manawa e a ana ke ahi i kela hale, ua hooikaika ka poe e noho hoolimalima ana, ma kekahi

hale okoa aku, e hoopakele i ko lakou mau pono hale, ma ka halihali ana i kahi o ka palekana, me ka hele oloko o ka pa, a piha i na ukana o na ano like ole. LADANA, Feb. 2, —He lono kelekalapa o ka loaa ana ae i ka Nupepa Times mai Roma mai ke hoakaka ana ma ka la i nehinei aku la ka hoomaka ana o na Italia e hoohana i ka lakou mau mea kaua me ke keakeaia o ke komo ana aku ahiki maloko o Tarpuna. He 300 ka nui o na kanaka Arabia i make a he elua mau kanaka Italia.