Ka Nupepa Kuokoa, Volume LXII, Number 17, 26 April 1923 — KUU KAIKUNANE HARRY KAHAKAUILA, UA HALA. [ARTICLE]

KUU KAIKUNANE HARRY KAHAKAUILA, UA HALA.

Ka lani kuu home e maha mau ai, Pokole paa 010 kuu noho maanei, No keaha e ohumu ke kau paapu mai, Na eha luhi na kaumaha e. Mr. Solomon Hanohano, Lunahooponopono o ke Kuokoa; Aloha nui:— Ina he wahi rumi kaawalo kekahi o ka kaua elele, e oluolu hoi oe, no'u kekahi wahi keena no ka'u wahi poomanao e kau ae la maluna; a nau hoi ia e hoike ae i ka lono i na pilikana o ka mea i hala, e noho ana i ka Ua Kukalahale i ka huikai o ke kaona. Ma ke Sabati, Aperila 1, hora 10 p. m., ua oluoiu i ke Akua ka Makua mana loa, ka lawe ana aku i lea hanu ola, mai ia Harry Kahakauila aku, a waiho iho la i ke kino lepo na ka ohana e paiauma aku ma ke kae o ka muliwai eleele o ka make. Ua hanauia o Harry Kahakauila ma Wailuanui, Koolau, Maui, iloko o ka mahina o Sepatemflba 13, A. D. 1893, mai ka puhaka mai o Lonokahikini (w) ame P. K. Kahakauila (k); no Wailuanui, a Jmai ia laua mai i loaa mai ai he elua mau ikeiki; a ua mare mua no ko maua papa i ka wahine a ua loaa mai he hookahi keiki me ka wahine mua, e ola nei. Nolaila, i ka hala ana aku la o Harry Kahakauila, ma ke alanui o na mea ola apau, ua liaalele iho oia ia'u kona kaikualiine, kona kaikuaana, ame ko maua mama iloko o j ka nawaliwali ame ka ohana apau e noho ana iloko o na hopmana > ana nona iloko o ka iuuluu ame ke kaumaha. Luuluu wale! Iloko o leona mau la o ke ola ana, he keiki oia iloko o ke kulana oluolu, ho aloha i ko maua makuahine, o kahi mea uuku e loaa&ana iaia, oiai oia e noho Jhana ana me ka hui auwai (Koolau Ditch)' ua hoolawa pu oia iwaena o kona ohana liolookoa. Aloha no! Mainuli o ke leulana onawaliwali o kona, ola kino, ua hoi oia i Kula Sanitarium a ua noho oia ilaila he ehileu maliina, a i kona lioi ana m:u, ua noho pu makou me ka hauoli o ka manao ka i no hoi o ka pau ia, iloko o ka mahina o lune, A. D. 1921, ua paa oia iloko o ka haukapila,o Kalihi, a hookuuia mai iloko o ka mahina o Sept. 1922, a huli hoi mai i ka aina nei me ke kulana nawaliwali o kona ola kino. I kona hoi ana mai i ka aina nei, ua hele niau oia i Hana e ike ai i ke kauka iloko o kela ame keia elua hele ana iloko o ka maliina hookahi, me ia kulana nawaliwali o kona ola kino; e alo ana i ke anu ame na kulupakana eloelo ke Koo lau nei; o lioomanawunui ana i na inea o keia ola ana, me ka manao e loaa mai ana ka palekana, eia nae ua poho wale na upu ana. Minamina wale! E na pali hauliuli o ke Koolau, Wailuanui amo Wailuaiki, kahi hoi o na makua i noho ai a kupa ame •na kupuna, ua hala ua nalo o Harry Kahakauila, ua huna na maka iloko aouli, ua pau ko oukou ike ana i kona helehelena e maaloalo ana ma ko oukou mau ipuka hale, ua hala ua nalo, no ka wa mau loa. E Kawaikau o Keanae, ua nalo na maka o kuu kaikunane mai ia oe mai, aole oe e ike hou ana iaia e hele ana ma kou mau alanui, oiai ua oluolu i ka Miakua Mana loa, ka lawe ana aku i kana o ka uhane, Nana, no i hana mai a Nana no i lawe aku, e hoomaikaiia kona inoa. Ma ka nana ae i na hana a kuu pokii leaikunane, o ka wa i hala, he inea hoomokumokuahua i ka naau ke noonoo ae i kana mau hana maikai, oiai kona wa e ola ana; oiai ua haalele mai oia ia'u ame ka ohana apau e noho iloko o ka luuluu ame ke kaumaha nona. Kuu kaikunane hoomanawanui iloko o na ehaeha ame na hoinoia mai, aole oia i hoopuka i kekahi huaolelo, ua kaomi wale iho no oia iloko ona. Auwe kuu kaikunane e! E na kupa o ka aina mai Kawaikau o Keanae, ahiki aku i ka Wai 0 Oopuola, eia o Harry Kahakauil, ke ku kohana aku nei imua o oukou, mo ho aka la e maalo ae ana ihiua o ko onkou mau maka, oiai, ua hala ka puulena aia i Hilo, ua imi aku la ia Papalauahi. Nal:> na maka huna i ke aouli, hapapa hewa ana na lima i ka paia, aole e loaa, - no ka mea, ua oliuolu no 1 ka Haku ka lawe ana aku i Kana o ka uhane. E na makamaka ame na hoaloha o kuu pokii kaikunane, a pela, pu hoi me na -<£tana apau e noho mai la i ka huikau o ke®kaona, e oluolu oukou e lawe aku i ke aloha o Harr'y Kahakauila ma o'u nei, a pela pu hoi me jia makamaka ame na ohana apau i hui pu mai me a'u iloko o ke kaumaha, e oluolu oukou apau ,c lawe aku i ka'u mau hoomaikai palena ole, a pela hoi me ka oukou mau makana pua no ka manawa hope loa o kuu pokii. Ke haawi aku nei au i ko'u aloha a nui loa ia oukou, a o ia aloha o ia ka oukou apau e hoopaa ai iloko o ko oukou mau puuwai pakahi ka makana i oi ae mamua o na mea apau; wahi a ka Haku. Ke hooki nei au maanei; a na ke Ak»a e kiai pakahi ia oukou a , ia kakou pu apau iloko o Kona

aloha awe Kona lokooiaikai, a Nana no auanei e alakai ia kakou apau ma na ala maikai no kopa inoa. Amene. , Me oe e Sol. Hanohano ko'u aloha nui ame na keiki o ltou keo oa pa'i ko'u welina. O makou iho no ka ohana,. MRS. ALICE NAILIMA, MR. & MRS. E. KAHAKAUILA MR. & MRS. ABE KAIWI, MR. & MRS. NAAUAO ME. & MRS. J. KALOHELANI Maui, Apr. 12, 1923.