Ka Nupepa Kuokoa, Volume LXII, Number 17, 26 April 1923 — KA BILA HOOKUU AUHAU. [ARTICLE]

KA BILA HOOKUU AUHAU.

Ina no ka lilo o ka hila hookuu auhau waiwaipaa hou iloko 0 keia kau o kn ahaolelo o kakou, i kanawai, alaila ua hoea mai i ka \va e uku ai ka poe he mau waiwai ko lakou e paa r>ei. a i hookuuia mai ka auhau ae, malalo o ke kanawai hookuu auhau kahiko, i ko lakou auhau i ke aupuni; pela hoi, ka hoomahuahua hou ae oka oka poe e uku ana 1 ko lakou auhau malalo o ke kanawai hookuu auhau kahiko, c kanono maoli ai ka auhau o kekahi poe o kakou e uku ai, no ko lakou mau waiwaipaa. Ma ke kanawai hookuu auhau e ku nei i keia manawa, ua hookuuia ka poe he mau a>na ko lakou me na home, mai ka auhau ae, ina i oi ole aku ka waiwaiio o ko lakou waiwaipaa, : ka hookahi kaukani me elima haneri dala; oi aku mamua 0 kela huina alaila e kauia ana ka auhau o na dala oi aku; c ka poe hoi he mau home ko lakou ma kahi o ka elima kaukani dala ka waiwaiio a oi aku, e hoomahuahuaia ana ka huina e hookuuia mai ka auhau ae. Ma ka bila kanawai hookuu auhau hou, e hoakaka ana ia, 1 hookahi kaukani dala e hookuuia o na waiwaipaa mai ka auhau ae. me ka nana ole ia ma ka nui a uuku paha o ka waiwaiio o ka aina ame na home, aka e kau like ia ana ka huina hookuu auhau maluna o na mea apau, he mau waiwai ko lakou, i oi aku ka waiwaiio mamua o ka hookahi kaukani <3ala: oka poe wale no i pakele ma keia kanawai, o ia ka poe, i emi iho ko lakou mau waiwaipaa malalo o ka hookahi kaukani dala. Ma kekahi olelo ana ae, o'na makaainana, a o ka lehulehu no apau, e noho ana ma na kuaaina, a ma Honolulu nei, i hookuuia mai ka uku ana i ka auhau waiwaipaa, mamua aku r.ei. e uku ana lakou ika auhau, ma keia bila kanawai hou; a c ka poe e uku ana i kekahi heluna auhau, malalo o ke kanawai e ku nei i keia wa, e oi hou aku ana ka lakou mea e uku ai. I ka nana aku, ma kahi o ka imi ana i na hoponopono ahaolelo, e hoemiia mai ai ka auhau a na makaainana e uku ai i ke aupuni, elike me na hoopaa ana a kekahi heluna nui o na moho, ae alualu ana no ko lakou kohoia i mau hoa noloko i c ko kakou ahaolelo, iloko o ka wa hooikaika baloka; ua na-1 nahu iho la ua mau hoa nei o ka ahaolelo i ko lakou alelo, a imi mai la i na alahele e hoomahuahuaia ae ai na loaa o ke aupuni, ma ka hoopii ana i ka auhau, elike ae la me ia maluna. He heluna nui o na Hawaii o na kuaaina e pakele ana mai ka auhau ae, ma keia bila kanawai, ka poe he mau home ko lakou, i hiki ole aku ka waiwaiio i ka hookahi kaukani dalā. aka o ka poe he mau home kupono o'lakou, e hookau hou ia iho ana keia haawe maulna o ko lakou mau poohiwi, ka mea a keia pepa e manaoio nei, aole loa he wahi noonoo iki iloko o lakou, o kekahi keia o na mea a ka poe a lakou i hoouna ai iloko o ka ahaolelo, e hana mai ai. Ma Honolulu nei, ua loaa kekahi heluna nui o na makaainana he mau home kupono no lakou, ma kahi o na kaukani dala ka waiwaiio. malalo o ke ano uku liilii, ahiki i ke kaa ana o ke kumukuai o kela mau home; me keia haawe ko'iko'i hou ae. e Wokauia aku ana maluna o lakou, he keu aku maoli a ke kaumaha. i ka poe me na ukuhana liilii e loaa nei ia lakou i kela ame keia pule. Aole paha he olelo ana no ka poe kuonoono maoli, ame ka poe nui o ko lakou mau ukuhana o ka mahina, he mea liilii loa ia lakou, keia hoopii hou ia ana ae o ka auhau waiwai, aka no ka poe ilihune, ka poe liilii o ko lakou mau ukuhana, a mau loaa makahiki palia, e lilo ana keia i mea nui loa; a pela me ka poe e noho ana maloko o na hale hoolimalima. maluna ana o lakou, ka auamo ana, i na ko'iko'i, o keia hoopii hou ia anzr aku o ka auhau; no ka mea e hoopii hou ae ana na ona hale, i na uku hoolimalima, i hiki ai ke ukuia keia auhau kiekie. Ke koi nei na hoa o ka ahaolelo, e kakoo ana i keia bila bila kanawai, o keia ihola ke kaulike o ka huina e hookuuia mai ka auhau ae, me ka nana ole ia ma ka uuku a ma ka nui paha o ka waiwai o kekahi mea, malia paha pela io ko lakou manaoio, eia nae, ma kahi a lakou i manao ai o ke kaulike i'o ia. e lilo ana ia hana, i mea hoopilikia, a hookaumaha aku i kekahi mahele o na makaainana o Hawaii nei. I keia manawa, aia iloko o kela ame keia ohana ka iini e loaa i home e noho ai, i kulike ai me ke kulana holomua o ka aina; c lilo ana keia ninau auhau, i mea hoopoho aku i ko lakou manaolana; me ke komo ana iho o na manao iloko o lakou, ua oi aku ka noho pu wale ana iho no elike me ia e ikeia nei iwaena o kekahi poe, mamua o ka hooikaika ana e loaa he mau home maikai a kupono, elike me na home o kekahi mau lahui e ae, e noho pu nei me kakou.