Ka Nupepa Kuokoa, Volume LXII, Number 17, 26 April 1923 — HE KUMU KUPONO E AUHAUIA AI. [ARTICLE]

HE KUMU KUPONO E AUHAUIA AI.

lie nui na ku-e i hoalaia ae, no ka bila kanawai, e hoakaka ana. no ka. uku o na makua Kepani, i hookahi dala no kela ame keia keiki e hele ana e a'oia mai maloko o na kula olelo Kepani. He ano kapakahi paha keia ia kakou ke nana aku, oiai, o ra Kepani no ka poē na lakou i kukulu ae i kela mau kula, malalo o ko lakou mau lilo ponoi iho ; eia nae, ua kaa aku ka hooponopono ana o kela mau kula malalo o ka oihana hoo--naauao, a 1 wahi e ukuia ai na hoolilo o ka poe na lakou e nana ana i ke a'o ana a kela mau kula olelo Kepani, e kaa ma ka aoao o kela mau kula ka auamo ana i na hoolilo e pono ai: a no kela hoolilo, keia uku o na haumana i kekahi auhau kula kupono. maloko o kela mau kula. Eia hou, aole he pomaikai o ka lehulehu, ma ke ku ana o na kula olelo Kepani ma Hawaii nei, koe wale no na Kepani na makua, na lakou na keiki e komo ana iloko o kela mau kula. no ke a'oia mai i ka olelo Kepani, ame ka moolelo o lapana. Ma na mea oiaio i hoomaopopoia o na manawa ae nei i hala, o keia mau kula olelo Kepani, kekahi mea nana i hoala aku i na manao iloko o na Kepani maanei nei, o ka oi loa aku. o na Kepani limahana, e ala ku-e mai i ka holomua o ka oihana kanu-ko o Hawaii.nei, elike me ia a kakou .i ike'ai, ma ka hana olohani i hoalaia ae e na Kepani ma na mahiko 0 Oahu nei. O na kumu o na kula olelo Kepani, o na Nupepa Kepani, alakaiia ana e kekahi poe o kela lahui, ka i hoike okoa mai ma ke ano o ka lakou mau hana, i ko lakou makemake, e noho mana na Kepani iloko nei oka aina; nolaila o ka hooholoia ana o nahoo ponopono ahaolelo e kaupalena ana i ka manaoia mau lahui cae;ae kau ana hoi i kekahi ukukula kupono, he hopena ia i oili ae, no ka lakou mau hana o ka wa i liala; aole keia panai ana aku i ka ino no ka ino, aka he hoike ana ae, ma ka hana, no ko kakou makemake ole, e a'oia aku na keiki Kepani opio, na makaainana Amerika o keia mua aku. 1 na mea e ku-e ana i ko lakou lilo ana i mau makaainana Amerika oiaio.