Ka Nupepa Kuokoa, Volume LXII, Number 17, 26 April 1923 — Hooku'i I Ke Kaa Uwila a Make Kekahi Haole Maluna Oia o ke Kaa Mokokaikala ma ka Manawa o ka Hooku'i Ana o ke Kaa PAKELE KE OLA O KONA KOKOOLUA Naha ke Poo me ka Haki Ana o ka A-i Mamuli o Kela Ulia Poino ma Kalihi [ARTICLE]

Hooku'i I Ke Kaa Uwila a Make Kekahi Haole

Maluna Oia o ke Kaa Mokokaikala ma ka Manawa o ka Hooku'i Ana o ke Kaa

PAKELE KE OLA O KONA KOKOOLUA

Naha ke Poo me ka Haki Ana o ka A-i Mamuli o Kela Ulia Poino ma Kalihi

Mahopo iho o ka hora umi-ku-mamakahi o ka po o ka Poalua aku la i hala, i liooku'i ae ai he kaa mokokaikala me ke kaa uwila, ma knlii kokoke i ke alanui Kulika, mauka ae nei o Kalihi, a o ka hopena i ikeia, o ia no ka make ana he haole nona ka inoa o Mike Case, ka mea e kau ana maluna o ke kaa mokokaikala. He kia waapa kela haole no kekahi o na moku Amerika, olalo o Puuloa, o kahi nae o ka laki, o ia ka pakele ana o kona kokoolua, e kau pu ana maluna o ke kaa mokokaikala, aole wahi poino iki i loaa iaia. Ma ka moolelo e pili ana i kela poino, e hoakaka ana ia, no ka huli ana o Mike Case, me Benjamin Johnson, nolalo o Puuloa maluna o ke kaa mokokaikala. I ka hala ana mai o ke alanui Knlika mahope, a e iho aleu ana i ka uwapo o Kalihi, ua ike aku la laua i ke ltu o kekahi kaa otomobile ma ka aoao o ke alanui a i no ko laua kaa e kaa ai mamua, ua hoohuli ae la o Case, i ka holo ana o ke kaa mokokaikala ma kekyhi <> - ao, a 1:."» pono aki. ja iluna ke alanui o ke kaa uwila, o ka hooku'i aku la no ia me ke kaa uwila, e holo mai ana no ke kaona nei ia manawa. Ma kela hooku'i ana, ua naha ke. poo o Case, ka mea e ,kau pono aha xnahma o ke kaa inokolvuikalHj a ua haki pu hoi kona a-i, eia nae aole oia i make koke, a maluna aku o ke kaa lawe ma'i, oiai e hoihoiia an a no ka halema'i, i make loa ai oia. No Bcnjamin Johnson hoi, ka mea e kau ana maluna o ke kaa aoao, e pili pu ana me lea mokokaikala, aole he wahi poino iki i loaa iaia; a o kona pakele ana, he ninau ano nui ia, na kona mau hoaloha e nalu ai.