Ka Nupepa Kuokoa, Volume LXII, Number 18, 3 May 1923 — He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i kei i ka Manawa Hope [ARTICLE]

He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i kei i ka Manawa Hope

Hookahi kanaka opio iloko o kela aluka a Rupata i make-1 make loa ai, he kanaka opio oia elike me kona opiopio, a e ( hele hookahi ana nohoi oia wale no, 'elike no hoi me ko Rupata hele hookahi, a mahope o ko laua hui a launa ana me ke kamailio ana mawaena iho o laua, ua lilo koke laua i mau hoaloha, me kapipili o ka naau o kekahi, no ia pili mau o laua ma ia hope iho, hooholo iho la laua e lilo i mau hoapili paa e hele like pu ana ma keia huakai makaikai, a ua paa ia manao mawaena iho o laua. x * Ma ke koltr o na la mahope iho'o ko Rupata launa ana me ke kanaka opio i hoolilo ai nona a nona hoi ka inoa o Hale VVeba, i mai la iaia: "Ua hoomaopopo aku la no anei oe i kela wahine opio ma kela aoao e noho mai la, me kela kanaka elemakule o Mr. Naita kona inoa?" "Afe; ke ike maoli aku nei au a i ke aha la?" i pane aku ai e Rupata. "He wahine opio ui oia," ia Rupata i hoolele aku ai i ka ike a kona mau maka maluna o na helehelena o ka poe ekolu e noho mai ana maluna o ka noho ma kekahi aoao mai'o ke kaa. "Owai la kona inoa?" "Aohe no i loaa ii'u, aka nae e loaa ana no ka ike ia kaua ke nana iho i ka papainoa o na ohua," i pane mai ai o Mr. Weba, me ka huki ana ae i kana pepa mailoko ae o kona pakeke. "Eia kona inoa la, ua loaa iho la ia'u. O Mr. Robata Naita*ka inoa o kela keonimana, o Miss E. F. Naita ka inoa o ka wahine luahine, a o Miss Vekinia Alekanedero ka inoa o kekaikamahine a kaua i kamailiō iho la," wahi a Mr. Weba. "A, me-he mea la he kaikunane a he kaikuahine na mea kanaka makua, a o kela wahine opio me he mea !a, he hoaloha paha no laua, a i ole he kaikamahine hanauna paha e ukali pu ana ia laua," i pane mai ai o. Rupata. "Ea, i ka'u nana aku me he mea la na wahine opio he mau mea jpunahele loa i kela keonimana, he hiki loa ia mea ke ikeia aku ma ke ano kani pulama loa ana ia laua," i pane aku ai o Mr. Weba. "Ae; pela i ka nana aku, eia nae o kela lede ka mea oi loa aku o ka malama ame kapulama i ka wahihe opio, me he mea la i ka'u nana aku ua maka'u oia o kailiiia a i ole hoowalewaleia aku e kekahi mea e hakilo mau aku ana me ke ake nui e loaa kekahi manawa kupono nona e hookokoke aku ai a hoao aku e pahele i ka noonoo, a i ka manawa e lilo ai oia ia mea hoowalewale, alaila kaili aku iaia i kekahi wahi mamao !oa a huna iaia malaila mai ka ike ana aku a na maka 0 ka lehulehu," i pane aku ai o Rupata me ka imo ana mai o kona maka ma ke ano kolohe. "Pehea kou manao ina e hele aku kaua a hui me lakou," 1 pane aku ai kona hoa. Aole kaua e hele aku me ka manao kolohe, a i ole hoike aku paha i kekahi helehelena o ia ano, aka, e hele aku kaua ma ke ano maikai no no ka ike malihini ana. No'u iho ua hele iho la au a piha i ka e hele aku e halawai me lakou, me ia ano wale no e hookamaaina ai, hookahi ka papaleo ana, malia, he mea hou paha ka lakou e hoakaka mai ana a loaa hoi ia meahou ia kaua, a e hoike aku no hoi kaua i ka kaua mau mea i ike e waiwai ai ko lakou lohe ana aku. E ae mai ana anei oe e hele pu ae me a'u, a i ole ua lilo anei keia manao i mea hoeha aku i kou noonoo, he hana paha i maa ole ia oukou na kanaka Pelekane?" i ninau mai ai o Weba. "Owau pu no kekahi i loaa iho la ia manao, eia nae, e pono paha na kekahi mea e hoolauna aku ia kaua imua o>lakou, oi ia mai auanei kaua i na kanaka mahaoi," i pane aku ai o Rupata, me ka pii iki ae la o ka ula ma kona mau papailina no kekahi manawa, aia mau no nae ka haka pono ana a kona niau maka maluna o ka lede fiona ka helehelena' aha e ho.okani ana i ka ui iloko iho ōna. t 0 ka wahine opio a na kanaka opio e kamailio ana ia manawa he ui io no kona helehelena, nohenohea kona helehelena i ka makani luhaupua, o \tfale mai no ka Aila ohelohelo : ma kona mau papalina, o kana minoaka ana, me hea la e kono okoa mai ana no i na noonoo o na kanaka opio, me he mea la e i okoa iftai ana no, "E neenee mai hoi oe, i kakani pono ka naue." , Ma ka laua koho aku he opuu rose oia i mohala nona na makahiki maw r aena o ka umi-kumamahiku ame ka umikumamawala, aneane loa no e pololei ia koho ana a laua, mamuli o ka ike i loaa ia laua mahope mai. He wahi kiekie iki ae kona maluna o ke kiekie i ike'mau ia o na wahine, he pilalahi wale no kona oiwi kino, he pololei nae oia no oe «• ka ohe paole ia e ka he hiehie kona* kulana. a he helehelena hoi kona e hoike mai ana aia iloko ona ke aloha, kā waipahe ame ka oluolu, a ma ke ano o kana oni a kamailio ana he wahine opio i hoonaauao maikai iaya he kulana o ka lede oiaio ma na ano a pau. v 1 kela poe ekolu e noho mai ana ma kekahi aoao, e lohe mau aku ana na kanaka opio i ka hehe o ka akii a ke kaikamahine, ohiohi kana kamailio ana, ke- ano no hoi o ka poe opio ke piha hoihoi, a i ke kanaka aoo tea* hapanui a ia kaikamahine e huli ae ai a kamailio, a i ka nana aku a na,. kanaka opio, me he mea la fie kahu hanai paha oia no ke kaikamahine, a malalo o kana hoomalu ana na lede, a he mea oiaio no nae Ja mamuli o ke kakahele o ke kaikamahine i ke kamailio me ia me ka maka'u ole, a pela hoi ka helehelena o ke kanaka aoo ke nana a ke kamailio mai iaia, me ka oluolu loa oia e nana iho ai, me he mea la ua lilo ke kaikamahine i mea punahele loa iaia. O Mr. Weba opio ke kanaka i makahehi loa i ka wahine opio manawa mai o ka hoomaka ana o ko lakou kau iluna o ke kaa, a mai ia. manawa mai ka makaala mau ana e loaa i manawa kupono nona e hoolaunaia aku ai me ia, oiai nae, aole oia i hoopuka ae ia manao huna ona iwaho; ke hoomau la no na kanaka opio i ka noho maluna o ko laua mau noho me ka leha mau aku e nana i kela poe ekolu e noho mai ana ma kekahi aoao i ka hapanui o ka manawa, a e hoolalau ae ana no hoi ka nana ana i kahi e i ka manawa o laua e nanaia mai ai. Ua lilo ke kanaka Pelekane opio Rupata i mea makemake loa na Mr. Weba opio mahope iho o ko laua hookamaaina ana ia laua iho, a ua hoike mau mai oia i ka paulele o kona noonoo maluna o Rupata, me ka hoike pu mai i kona hauoli no ka loaa ana o kona hoaloha opio a kohu no hoi ka laua kamailio ana; nolaila, ahiki mai i nei manawa maikai no laua e hoolaunaia aku ai imua o ka poe ekolu, a i ole hookokoke aku paha laua ia lakou ma kekahi ano e nele ole ai ka oleloia mai i ka mahaoi a i hilahila ole. lloko o ka Weba kaena mau mai ithua o Rupata e hele oka aku ana no oia e hoolauna iaia iho U Mias Alexander, e keakea mauia aku ana no nae oia e kona hoa me na olelo e ku iho ai oia a noonoo no kpna paa nlla ole, a ke ku pu iho ai hoi i ka hiiahila, pela v»;ale no i oki pu ai kona manao. X ka i kiiiama&ai na ohua apau no ka helsana e

£i i*ka aina ahiahi ma kela la ua eu like ae la na mea apau, I a elike me ke ano mau o na ohua o ka hele awiwi aia ka! pono ahiki aku i ka halekaa, kahi o na ohua e ai ai ,a komo mai ko waho ialokp, pela no me lakou. Aka nae, i ka poe: e ae e hele awiwi aku ana o Mr. Naika ame kona mau hoa ka poe ulolohi loa oia hefe ana ae, ko lakou makemake | ole e hookekeia e ke aluka, a o kekahi no ko lakou makemake o lakou mahope loa e konjo aku ai. O Mr. "CVeba kekahi i houlolohi i ka oili koke ana aku me ka paa pu ia Rupata kona hoaloha o ia manawa kokoke iho la mahope, no kona manao malia o loaa ae kekahi ulia ma ia manawa a loaa.kona manawa kupono e hoolauna ia aku ai' ia Miss Vekinia Alekanadero, ka lede opio ana e kau nui ana e hui aku a kamailio pu nie ia.

I ka hele ana mai kekahi kaa a i kekahi kaa aku ua haawi mua iho la o Mr, Naita i kana kokua i kona kaikuahine nawaliwali ma ke kuiee ana mai i kona lima a lawe aku la iaia no_ kekahi kaa aku, a i ke komo ana aku o ke kaikuahine, huli h°u mai la oia. ihope no ke kii ana mai i ka lede opio, a ma ia manawa ana o ka huli ana mai e kii, ua pa mai la kekahi kikiao makani, a puhiia mai la ka papale, o Miss Vekinia Alekanadero ihope mailuna mai o kona poo, no ka mea, me kahi pine omou papale wale no i hoopaaia ai, a mai lilo loa paha i kahi e ina aole o Rup.ata Hamiletona mahope pono aku o ka lede opio, ika manawa i lele mai ai papale ua paa koke aku la ia i ka hopuia e Rupata. Ia paa ana, huli koke aku la oia imua a nana aku la i ka lede opio a pane aku la me ke kunou ana aku me ka helehelena minoaka, a i aku la: He mea e kuu hauoli i ka paa koke ana o ko papale ia'u, ina la paha ua puhi loaia aku nei iwaho a pau ka loaa ana aku no ka mea, ke mau nei no ka holo o ke kaa." pu kekahi e hauoh nei no ka paa ana o kuu papale ia oe. Nou ka mahalo a nui," wahi a ka lede opio me kahi akaaka liilii. "Mai liele olohelohe maoli ko'u poo ina aole oe." Leha iki aku la o Rupata i ua o Miss Alekanedero i ka manawa ana i kau ae ai i kona papale i ke poo, me ka noonoo iloko ona no ka maikai o ke kulana o ke poo o ka lede opio ana e mahalo ana. Haawi mai la o Mr. Naita i kona mahalo ia Rupata no ka Rupata mea i hana aku ai i ka'lede opio, a oiai kona kaikuahine e nana mai ana ia Rupata maluna mai o kona mau poohiwi, aia iloko ona ka makemake e ike i ka inoa o ke kanaka opio e hele aku ana mahope. Alaila komo nui aku la iloko o ke kaa kahi e kuku mai ana o na pakaukau aina, ua piha na pakaukau a pau i na ohua a hookahi wale no wahi*pakaukau i koe e lawa ai no eha wale no poe, a hookahi noho kaawale ma kekahi pakaukau e aku. Ike komo nui ana aku iloko, alaila huli mai'la o Mr. Naita e nana ia Rupata e ku aku ana a i mai la me ka leo poloai oluolu loa: "Hele mai maanei a noho pu iho me makou ma keia pakaukau —ke ike aku nei au aneane e piha loa kela mau pakaukau—e ae mai oe e hoolauna aku au i kuu kaikuahine nei ame kuu kaikamahine hanai. Owai kou inoa a'u e kapa aku ai la ina e oluolu 'ana oe e hoike mai?" Alaila lalau iho la o Rupata i kona pepa hoolauna e kau ana o kona inoa a haawi aku la i ke keonimana. I ka ike ana iho o Mr. Naita, hooho ae la: "A ha, o Mr. Hamiletona> O Mr. Naita no hoi ko'u inoa, a o keia lede," me ka huli ana ae i ke kaikuahine, "o ko'u kaikuahine keia, a o keia ka lede opio nona kekahi hana maikai au i hana mai nei nona o Miss Alekanadero kona inoa." Alaila, nana aku a nana mai na opio ia laua iho, me ka pii like o ka ula ma ko laua mau papalina, ke ano e loaa ana i kela ame keia mea malihini ma ka manawa e halawai ae ai, alaila kuhikuhi mai la o Mr. Naita ia laua e noho iho maluna 0 ko laua mau noho, oiai hoi o Mr. Weba e ku aku ana me ka manao hoka no kona noho pu ole ma ia pakaukau a hōokahi ka ai pu ana me lakou, oiai oia ke kanaka opio makemake loa e laua pu me Miss Alekanedero, mamuli nae o ka lawa ole o ke pakaukau no lakou apau e noho pu ai, ua haalele mai la oia i na hoa eha a hele aku la e huli i wahi nona e noho ai ma kekahi pakaukau aku, a laki no hoi ka loaa ana hookahi noho nona e nobo iho ai, ma kekahi pakaukau ma kahi i mamao loa mai ia Rupata ma aku. Ia Rupata i noho iho ai me Mr. Naita ma ua hauoli loa kona naau no kona ike ana he poe maikai a oluolu loa lakou, a he maikai no hoi na kamailio ana e loaa ole iho ai ia mea he hilahila. I ka manawa mamua aku, .oiai lakou e noho ana iloko o ke kaa mamua o ko lakou hele ana mai e ai, ua lilo ke kaikuahine o Mf. Naita i mea ano akaakaia e laua, e. ua kapa iho laua iaia he "luahine hapauea," eia nae, ia lakou e noho ana e ai ua hiki ia Rupita ke hooiaio iho he lede oiaio oia i loaa na hoonaauao maikai a kiekie loa mamuli o kona paa rula a naaua*o o kana mau olelo, a he hoakamailio maikai ma na kukai olelo ana. Ma ka aoao o ia lede aoo oia i noho ai, a me ia ka lede ka hapanui o'na manawa o ke kamailio pu ana iloko o ia manawa apau a. lakou e ai ana, a no ka pinapinai mau mai o kanaka kamailio ana iaia ua loaa ole he manawa no kona mau maka e leha iki aku ai i ka lede opio, no ka mea ua piha hoihoi loa oia i na olelo apau a ka lede aoo. "Ua loa'a no anei ka hauoli ia oe ma keia huakaihele au ahiki iho la i nei manawa, e Mr. Hamiletona? "I ninau mai ai ka lede aoo me 'ka helehēlena oluolu. "O he nUii'ko'u hauoli no ka ike aku i na meahou o keia aina malihini, me ka mahalo ia op, v aka nae, e oi nui aku ana ka hauoli e loaa ana ia'u elike nie ka nui aku o na mea a'u e ike aku ana; hookahi a'u mea e hauoli nui nei o ia no ka loaa ana ia'u o kekahi poe maikai loa e launa pu ai ma keia huakai, a o kekahi, ina aole au he malihini ia oukou." "O, he poe malihini like wale no kakou apau," i pane mai ai ke keonimana, aoo. "Mamuli o kou noho kaawale me kou kokoolua i maopopo aku ai ia'u he mau mea malihini loa olua i keia aina; aole e pono pela, o ka oi aku o ka pono oia ka hele ana e launa me kela ame keia, pela Avale no e hookamaaina ai me kekahi f>oe, aole ka hoomamao." "He hana maikai ia i ka manao o ka poe mahaoi, aka, i ka manao o ka poe hoohHahila wale la ea, he hana hoohaunaele aku ia i kekahi ohifca me ka launa mua ole," i pane aku ai o Rupata me ke ano naahaa. "Aole pono ia oe ke kaukai a ma ka hoolauna wale ia no e hui ai me kekahi poe. Ua hoao au e hopkoino aku i keia manao i kuu kaikuahine nei, oiai oia kekahi mea hoohilahila i ka launa aku me kekahi poe i kamaaina mua ole iaia; ma ka launa ana me ka poe kakaikahi elike me keia ua manaoia he hana maalahi loa ka hookamaaina ana a e oi aku ana ko kakou hauoli ma keia huakai ma ka launa pu ana ma keia ano mamua o ke kaukai ana a ma ka hoolauna mua ia elike me na loina o ka hookamaaina ana kekahi i e pono ai. "No'u iho he hauoli mau au i ka poe opio e hoopuni mai ana ia'u, a e oi loa aku ana ko.'u hauoli ke maopopo ia'u kou inoa ame kou mau ano apau. E Vekinia, aole ahei ou ike iho i kou; ; ano mehameha o na elemakule wale no kou mau hoakamailio e' noho pu ai i ka hapanui o ka manawa aohe mea opio elike me kou ano e kohu ai ke kamailio ana?" a huli mai la o Mr. Naita e nana ia Rupata me ka hoawihi ana mai i kona 'mau maka ma ke ano hookolohe. „ >, 1 _ (Aole i pau.)