Ka Nupepa Kuokoa, Volume LXII, Number 19, 10 May 1923 — NA KULA OLELO KEPANI O KAKOU. [ARTICLE]

NA KULA OLELO KEPANI O KAKOU.

No ka ike paha o kekahi mau kula olelo Kepani o keia leritore, i ke ala ana mai o na manao ku-e, mai ka hapanul mai o na kula o kela ano like; pela hoi mai ke Kanikela Kepani mai e noho ana maanei nei, ke ikeia aku nei na hoailona, o ke kunana me ka hoka ma ka ao'ao o kekahi mau kula olelo Kepani kakaikahi, i hoala ae he hoopii ku-e imua o ka aha he mau mahina ae nei i hala. Ma ka mea oiaio maoli, o na makua Kepani, i loaa ole ka hoonaauao ana ia lakou o keia au naauao e nee nei; a i..hoomaopopo ole. i ko lakou kulana oiaio, e noho nei malalo o ka malu oke aupuni o Amerrka; a hui pu iho hoi, me na hoeueu ana a kekahi poe kakaikahi iwaena ona Kep r ani, pela wale no i aa ai kela mau kula kakaikahi, e ala ku'-e mai i ka hoomalu ana a ka oihana hoonaauao o Hawaii nei. O na keiki Kepani, e hoonaauaoia nei maloko o ko mau kula. ma ka olelo Beritania, ua hoomaopopo maoli lakou, i na pomaikai e loaa nei ia lakou, ma na haayvina hoonaauao, i kaokoa loa ae mai na haawina hoonaauo mai, a na makua Kepani i makemake āi no ka lako.u poe keiki, ma ka olelo Kepani. Ua maikai no kk manao ana o na Kepani, e hoomauia ke a'o ana i ka olelo Kepani, i ka lakou poe keiki; e lilo nae ia a'o ana i kela olero, malalo o na rula hooponopono a ko kakou papa hoonaauao maanei, elike me ia i kauohaia ai ma ke kanawai, aole o ka huki-ku ae o na Kepani, a manao iho, o lakou no ke kuleana e hana ai elike me ko lakou mau makemake iho; ( oiai e noho ana malalo o ka malu o Amerika. E haaheo na Kepani e pono ai, no na hoonaauao e loaa nei i ka lakou poe keiki maloko o na kula olelo Beritania maanei nei, he hoonaauao nana e hapai' nei i na keiki a na makua Kepani iluna; a no ia pomaikai a na keiki Kepani e ike nei no lakou iho, i komo aku ai na manao ku-e iloko o lakou, no na mea a na makua naaupo e paakiki nei. Ina nae, ma ka hoao ana mai e ku-e i ke kanawai, a i ,na rula hooponopono i. kauia e ka papa hoonaauao, pela e loaa ai na haawina a'o maikai loa, ina Kepani e man£o ana e kou ka oi ma Hawaii nei, aohe no he hewa o ka hookuu ana aku ia lakou e hana-elike me ka lakou i manao ai, malia pela iho la e hoopauia ae ai na kuhihewa, a e hookaakaaia ai hoi ko lakou mau maka. aole he hana paani ka hoao ana mai i ka mana o Amerika, ma o Hawaii nei.