Ka Nupepa Kuokoa, Volume LXII, Number 19, 10 May 1923 — HE HANA HAWAWA KUHIHEWA. [ARTICLE]

HE HANA HAWAWA KUHIHEWA.

O na kanaka Hawaii lehulehu, me ko lakou mau ohana e hoi nei ,a noho ma ka aina o ke aupuni ma Kewalo, i hookaawaleia no kekahi uwapo, e pili mai ai na moku papa, me ke kukulu ana i ko lakou mau home malaila, me ke kuleana maopopo ole, o kela kekahi hana hawawa loa. # No ka pono nae o kela mau ohana lehulehu e noho mai la ma kela wahi, ua haawi aku ka papa o na lunakiai i ka ae, e hoomoeia aku i paipuwai iluna o ka aina a kela poe e noho mai nei, ua hoole mai nae ke komisina o na aina aupuni; o ia hoole ana, ua hoike maopopo loa mai ke komisina o na aina aupuni, e hoea mai ana i ka la, a kela poe Hawaii e noho mai la ma Kewalo, e kauohaia aku ai e ku a heie māilaila mai; o keia ka mea pilikia, o ka lewa aku o na ukana, a o ka wawahiia aku o na hale, me ka lilo o ka luhi o kekahi poe i mea waiwai olē. Aia iwaena o kekahi mau ohana i hoi aku a noho ma kela aina o ke aupuni, he mau home ponoi no ko lakou e waiho mai nei; nolaila o ka haalele ana aku i ko lakou mau home, me ka hoolimalima ana aku paha ia ha'i, a hoi ae a noho ma kela wahi, me ka manao, pela iho Ia e loaa aku ai ia lakou kekahi pomaikai nui, aole loa he pololei iki o kela ano hana. Ua lilo ka holomoku

ana aku o na dfiana o keia ano, i ka hoi ana a noho ma kela aina o ke aupuni, i kumu hoopilikia aku, i ka poe nele maoli i na wahi kupono e noho ai. Oiai e ku ana ke aupuni maluna o ka hana i manaoia ai e hoohana aku no kela aina pili kahakai ma Kewalo, he hana hawawa loa, ka hoao ana aku o na kanaka e hookahua i kela wahi i mau home no lakou e noho ai.