Ka Nupepa Kuokoa, Volume LXII, Number 19, 10 May 1923 — Nuhou Kuloko [ARTICLE]

Nuhou Kuloko

No ka lawe i ka waiwai i haawiia e i paa ae ai o Henry Aea i ka hopuia ma ka po o ka Poalua nei. He mau la hookaa keia i na auhau ahiki i ka la 15 o keia mahina, a mahope aku e kuala ana me pu i na .hoolilo hoolaha. Hk bebe wahine nepunepu ka i hoopukaia niai i keia ao mai ka puhaka mai o Mrs. Alexander K. Kahalepuna ma Pauoa no ka hoolaupa'i ana i ka lahui Hawaii. O Mra. Kahalepuna o Miss Naney Kinney oia mamua o ka mare ana. I He hookahi mahina, mahope iho o ka hookuu ana o ka ahaolelo i hala aku la e pau ai ka moolelo o ka hale o na lunamakaainana, i ke pa'iia, elike me na mea i hoomaopopoia i keia manawa. Eia no kekahi mau hoa o ka ahaolelo, me ko lakou mau ohana ke hoonanea nei i ka la'i o keia kulanakauhale, aka k e huli hoi liilii nei nao ka hapanui o lakou no ko lakou inau home kuaaina. O ka Poalua nei, Mei 8, ka la hanau o ke Kamaliiwahine KalaniI anaole, ua hoea aku na nhahui Hawaii ma kona home me na makana pua ame na mea e ae no ka hoohanohano ana aku iaia ma ia la. E ola ke kama a kau i ka pua aneane. He elua haneri a oi aku mau ka nawai i hooholoia e ke kau ahaolel aku la i hala, nolaila e hala okoa ana kekahi mau maliina, e hoopukaia aku ai kela mau kanawai maloko o ke Kuokoa nei, mamua o ka pau ana. Ma keia Poalua ae, ka la 15 o Mei nei, e pau ai ka uku ana i na auhau me ka ukupanee ole, kaa aku mahope o kela 1a } he umi pakeneka e paku'i hou ia iiio mawaho ae o ka huina auhau maoli, e koe ana i uku ole ia. Ua hala aku la ke kau o ka ahaolelo, eia na loea kalaiaina ke nuue mai nei iloko o keia mau la, no ke leau koho o na luna kulanakauhale e hoea mai ana iloko o na mahina hope o keia makahiki. No ka holopono loa o ka huakai makaikai, a ka hui mokuahi holo pili aina i hoolala ai, no ka,.mokupuni o Kauai, ua manaoia, lawe hou ia aku ana ka poe makaikai no kela mokupuni ma keia inua aku. H'ele na' palapala hoalohaloha, i hoounaia mai e na makamaka no'na niea aloha, i haalele mai i keia ola ana, a ku ka paila e waiho nei ma keia keena, e hoomanawanui mai no a loaa kahi kaawale o na oneki o ke Kuokoa. Oiai kekahi wahine malihini kaahonua, maloko nei o keia kulanakauhale, i haule ai a nalowale kana mau bila dala he elima haneri, me ka loaa ole, ma ka Poalua iho nei, a wahi ana, ua nalowale kela mau dala iaia maluna o ke kaa otomobile hoolimalima. Ma ka hora umi o keia kakahiaka, e holo hou aku ai ka moku Amerika Tanager no na mokupuni papapa ma ka hema aku nei, me ka lawe pu aku i kekahi poe kamaaina o Honolulu nei, no ka huli ame ka noii pono ana i kekahi mau hana pili akeakamai.