Ka Nupepa Kuokoa, Volume LXII, Number 19, 10 May 1923 — LOAA AKU IPUHAO PUHI I NA MAKAI. [ARTICLE]

LOAA AKU IPUHAO PUHI I NA MAKAI.

Maloko o ka halelua o kekahi hale i hooiaioia ae he misiona, he wahi e hoomana ai ma Kakaako ae nei ma ke kihi o na alanui Moiwahine Hema ame Puowaina, he hale i manao oleia aia malaila ka okolehao e puhiia ai, a e ku kokoke aku ana hoi i ka liale hana bia leahiko ina Kakaako, a aole no hoi i mamao loa mai ka hale aupuni Federala aku, a mai ke keena oihana aku hoi o John F. Colburn, ka luna hookapu waiona nui ma Hawaii nei, he Kepani i manaoia nana ia mau waiwai ka i hopuia ma ko kakahiaka Poalima aku nei a hookomo ia ae ka hoopii nona no ke ku-e i na kanawai hookapu waiona. Maloko o ia hale i loaa aku ai i na makai he ipuhao puhi rama o 20 galani he lo galani okdlehao, ame 50 galani rama i hoawaawaia, a ina paha no ka pau pon oo na galani rama i hoawaawaia i ke puhiia e loaa ana he mau galani okolehao hou. Ma ka manawa o ana o ke Kepani nana ia waiwai ku-e kanawai i ka hopuia ua hookahahaia na kanaka hana oloko o ka pa papa a Lui ame Kuke no ko lakou lohe ole lie hale puhi rama kahi kokoke loa mai i ka lakou mau wahi e liana ana, no ka mea, aole i hoohuoi iki ia a i ole lohe mahui iki ia he hale puhi rama kela malaila.