Ka Nupepa Kuokoa, Volume LXII, Number 19, 10 May 1923 — NUI NA HOME I KOMO AIHUEIA [ARTICLE]

NUI NA HOME I KOMO AIHUEIA

Maloko o na home, o ka poe o keia kulanakauhale maluna ae nei 0 Puuohia, i loaa aku ai na meheu no ke komoia ana o kela mau home, e ka poe aihue, me ka maopopo ole nae o ka piko pauiole, koe wale no na manao kohokoho i ala ae, malia palia he hana kela na kekahi poe paahao, i hoounaia no ka hana ana i ke alanui, ma Puuohia ame Makiki. Mahope iho o ka hoohala ana no elua pule ma ke kulanakauhale nei, 1 ka huli hoi ana aku no kona home ma Puuohia, ua loaa aku la ia A. 11. Jones, o ka Alexander & Baldwin, kona hoine, ua komoia e ka piko pauiole, eia nae aole he mau waiwai ano nui i lilo i ka aihueia. Ma kana ?.oakaka, he elua mau wahi o kona home i komoia mai ai maiwaho mai ma na puka aniani no ia, i hana ole ia me na olepelepe. Ma ka oleloia, o ka home o Walter P. Dillin.gham kekahi i aihueia, pela me ko Arthur Alexander. *Mamuli nae o ka ikeia ana o na paahao, maloko ona pa kekahi poe, i ka wa hoomaha o na paahao mai ka lakou mau hana mai, pela iho la i ala ae ai na manao hoohuoi, me he mea la na kela mau paahao, kela mau hana aihue i na home o ka poe i hala mai no ka hoohala ana i kekahi mau la, ma ke kulanakauhale nei.