Ka Nupepa Kuokoa, Volume LXII, Number 20, 17 May 1923 — 643 MAU MA'I LIKE OLE MALOKO O KE TERITORE I HOIKEIA AE I KA PAPA OLA. [ARTICLE]

643 MAU MA'I LIKE OLE MALOKO O KE TERITORE I HOIKEIA AE I KA PAPA OLA.

Iloko o ka mahina o Aperila i newa aku la he 543 ka nui o na ma'i lele like 010 maloko o ke teritore i hoikeia ae i ka Papa Ola mai na wahi like ole ae o ke teritore, e llke me ka hoike a ke kakauolelo o ka Papa Ola Miss Mae R. Weir o ka hoopukaia ana ae ma ke kakahiaka 0 ka Poaono aku la i hala. I kulike me ka hoakaka maloko o ka hoike lehulehu wale ka poe i ]oaa i ke kunu kalea ma ka mokupuni o Kauai iloko o ka mahina o Aperila, o ka huina nui o ka poe 1 loaa ia ano ma'i maloko o ke teritore holookoa he 242, a mailoko ae 0 ia huina 109 i hoikeia ae mai ka mokupuni mai o Kauai ma na apana e like me ia malalo nei: Waimea, he 96, Koloa 38, Lihue 32, Hanalei he 33: 0 Kawaihau wale no ka apana ma 'i ole o na kanaka j o keia ano. Ma ka mokupuni o Hajwaii lie 32—'Hilo Hema he 20, nolo'ko iho o ke kulanakauhale o Hilo ! 4, apana o Puna 4, Hamakua 3, Kau 1. O Hilo Akau, na Kona 2 ame na Kohala 2, na apana loaa ole i ka ma'i kunu kalea. Ma ka mokupuni o Oahu he 11, elike me ia 1 hoikeia ae—Koolaupoko 5, Waialua 5, Honolulu 3, Koolauloa 1. Aohe mau ma'i i hoikeia ae mai na apana mai o Aiea, Ewa, ame Waianae. Maui, Molokai ame Lanai aohe mau ma'i i hoikeia ae. O ka helu elua malalo aku o ke kunu kalea o ia kahokii he 95 ka nui no ke teritore holookoa. No ka mokupuni o Oahu he 57, Hawaii lie 18, Kauai he 14, Maui 6. Ke kolu o na ma'i i laha loa ka ulalii, he 93 ka huiia nui apuni ke teritore. Ma na mokupuni—'Hawaii he 59, Oahu he 27, Maui 7. O ka ha o na ma'i i hoikeia ae o ia ka Flu—Kauai he 26, Oahu he 16, Maui 7, Hawaii 3, Molokai 1. Ka> lima., ka ma'i, eha o ka puu—Oahu 9, Hawaii 4, Kauai 2, Maui 3. No ka ma'i piva taifoida he 13 ka huina nui—Oahu he 31, Hawaii 2. No ka ma i variola, Oahu 9, Kauai 3, Hawaii 1. , —