Ka Nupepa Kuokoa, Volume LXII, Number 20, 17 May 1923 — Hoopoinoia Kekahi Wahine Hawaii e na Haole Koa Eono Paa Nae he Elua o Kela Mau Koa i ka Hopuia Mahope Iho o ka Hoikeia Ana ae o ka Lohe i na Kanaka o ke Aupuni [ARTICLE]

Hoopoinoia Kekahi Wahine Hawaii e na Haole Koa Eono

Paa Nae he Elua o Kela Mau Koa i ka Hopuia Mahope Iho o ka Hoikeia Ana ae o ka Lohe i na Kanaka o ke Aupuni

Ma kekahi alanui ololi, e pili kokoke ana i ka hale hana kaa oto» mobile o Ben Hollinger, ma ke alanui Moi, ma ka hora eiwa o ka po 0 ke Sabati i hala, i limanui ia ae ai he wahine Hawaii aoo o kanalima makahiki, e kekahi poe koa he eono ka nui, eia nae, he elua o kela mau koa i paa ae i ka hopuia, a pakele aku ka nui o lakou, mamuli o ka holo e ana, a loaa ole i na makai, 1 ka hoea ana aku e hopu ia lakou. He mau limahana no kil hui hana uwila, na mea na laua i ike i kela mau hana limanui a na koa, i ka wahine Hawaii, a na laua i hoike mua loa ae i ka lohe i ka oihana makai, ma o ko laua hoea kino ana aku i ka halewai, maluna o ke kaa kalaka otomobile o ka hui hana uwila. Mo ka hoohakalia ole iho, i hoouuaia mai ni na makai, iw kahi o kela hana limanui, mo I:a hoike pu ia ana aku hoi o ka lohe, i na makai o ka oihana koa, a maluna o ke kaa kalaka otomobile me na kanaka hana o ka liui uwila, i holo aAviwi mai ai ka Makai Mokokaikala Lono McCullum, no kahi i lawelaweia ai

na hana limanui, a loaa aku la kela wahine Hawaii, iloko o ke kulana kupilikii, me kona hookauia ana ae iluna o ke kaa, a laweia aku no ka halewai. Imua o na kanaka o ke aupuni ma ka halewai, i hoakaka aku ai kela wahine no ka hana limanui i lawelaweia aku maluna ona, e kekahi poe eono, me na lole koa. * He elua mau koa i paa i ka hopuia mahope mai, me ka hoike aua ae i ko laua mau inoa o Walter Switzaki ame John Eezeck, ma ke alanui Moi, ao ka nui iho o lakou, ua pau i ka holo, i ka wa i hoea aku ai o na makai. No kela hana limanui nae, i hookolo aku ai na makaikiu, pela hoi me na makai o ka oihana koa, mahope o ke koena aku o kela poe na lakou i hoopoino i kela wahine Hawaii, me ke kanalua ole, ma ka aoao o na kanaka o ke aupuni no ka paa o kela poe kolohe, i ka hopuia. Mahopo iho o ka lapaauia ana o kela wahine maloko o ka halema'i o na poino ulia, ua hoihoiia aku oia no kona home ma kela po.