Ka Nupepa Kuokoa, Volume LXII, Number 21, 24 May 1923 — APONO KA PAPA E HOOMAHUAHUA I NA MAKAI. [ARTICLE]

APONO KA PAPA E HOOMAHUAHUA I NA MAKAI.

Ma ka noho ana o ka halawai" a ka papa lunakiai, ma ka po o ka Poakahi aku nei i liala, i hooholoia ae ai, e hoomahuahua i na makai, ma o ka haawiia aku o ke kuleana i ka Makai Nui Rose, e hookohu aku oia i iwakalua makai hou ae, mawaho o na makai e noho hana nei i keia manawa. Ua ala mai keia manao iloko o na hoa o ka papa lunakiai, mamuli o [ ka nui o na hana powa me hoopilikia i na wahine, i lawelaweia o na manawa aku nei i hala, a e lawelaweia mai net no hoi i keia wa, maloko nei o keia kulanakauhale, a ua manaoio ka papa lunakiai, he haua kupono loa ma ka aoao o ka papa, ka hookaawale ana i kekahi haawina dala, no ka hoomahuahua ana ae i ka ikaika o ka oihana makai. Me kela manao nae iloko o na hoa o ka papa lunakiai, e hookaawale i kekahi haawina dala, no ka hoomahuahua ana ae i na makai, ua hooholo pu ia, e noi eku i ka Makai Nui RoBe, e waiho mai oia i kekahi mau hoakaka, no na walii i manaoia ai, e hoonoho aku i na makai hou, ame ke ano o ka lakou mau hana pakahi. Ua lokahi loa ka manao o na hoa o ka papa lunakiai, o kela manao e hoomahuahua ae i na makai, aole ia i pili, no ka hoonoho ana i kekahi mea e hana maloko o ka halewai.