Ka Nupepa Kuokoa, Volume LXII, Number 21, 24 May 1923 — UA IKE MAOLI IA KE KUPONO. [ARTICLE]

UA IKE MAOLI IA KE KUPONO.

O na koi ma-ka aoao o ka oihana makai o ke.ia kulanakauhale. e hoomahuahuaia ae ka heluna o na makai, ua hoea mai i ka manawa a na hoa o ka papa lunakiai. i ike ai i ka pono, c hookoia aku kela koi, nolaila e hoomahuahuaia ae ana na makai o Honolulu nei, ma keia mua aku, he iwakalua mau makai hou. 'Mamuli o ka nui o na hana hoopoino i na wahine, pela hoi me na hana aihue me powa. i lawelawe mau ia, ma na wahi like ole o Honolulu nei. ua kupono i'o e loaa hou he mau makai, malia he mea ia e hoemiia mai ai na hana hakihaki kan?iwai, o ka wa i hala, ka mea nana i hookau aku i ka maka'u ame ka weliweli i kekahi poe lehulehu. Pehea nae ka nui o na makai hou i makemakeia; ua ili iho ke ko'iko'i maluna o ke poo o ka oihana makai, ka hoonohonoho ana aku i kona mau makai, ma na ano e hiki ole ai i ka poe hakihaki kanawai, ke hoomau ma ka lakou mau hana, a ke hele lanakila elike me mamua. Aole no he poe naaupo, ka poe hakihaki kanawai, o lakou leekahi poe akamai loa, e makaala mau ana lakou, i na manāwa maikai apau e holopono ai ka lakou mau hana, nolaila nia ke ano o ka hoonohonoho ana i na makai, e hiki ai ke hoemiia mai na hana hakihaki kanawai ma keia mua aku ame ka ole. Ua oho maoli mai no na makaainana o keia kulanakauhale me na manao hoonaukiuki, no na hana hakihaki kanawai lehulehu i lawelaweia; eia mau na manao hopohopo iloko o lakou, no ka palekana ke hele ma na wahi mehameha; nolaila aia wale no a hooko pono na makai i ka lakou mau hana, alaila hoea mai i ka manawa e loaa maoli ai ka maluhia ame ka palekana i na mea apau. Aole a kakou mau hoohewahewa ana no ka manao o kekahi mahele o na makaainana no ka oihana makai iloko o keia manawa, ua ikeia keia, ma ka po i hooloheia ai ka hihia o ka Makaikiu McDuffie maloko o ka haleaupuni, ma ka po o ka Poakahi nei, o ia no ke ala ana mai o ka manao hoohuoi, no ka hooko pono ole o ka oihana makai i ka hana i kau aku maluna o na makai, aole kela manao, iloko wale no o ka puulu, i manaoia, he poe hakihaki kanawai lakou, aka iloko pu kekahi o n amakaainana maikai a kupono. E lilo maoli na makai i poe hooko i ke kanawai; e kuio ka lakou mau hana e pono ai, pela e wiwo ai ka poe hakihaki kanawai, a e nohoalii ai ka maluhia ma keia kulanakauhale. ■■■■ . 1 • Ma keia Poakolu ae ka La Kaupua, he la ia na ka poe ola, e hoomanao ai i kekahi mau hoailona o ko lakou mau manaoaloha no na ohana, 1 haalele mai i keia ola ana; nolaila i ka hoohiwahiwa ana i na he kupapau, maloko o na ilina lehulehu o kakou. e hoohiwahiwa iloko o na palena kupono, a mai hana aku ma ke ano hoomaunauna wale, a ake paha no ka mahaloia mai; o keia ka hoohiwahiwa ku i ka naauao.