Ka Nupepa Kuokoa, Volume LXII, Number 21, 24 May 1923 — LAWE OKOA AE I KONA OLA ME KA PU KIMANU. [ARTICLE]

LAWE OKOA AE I KONA OLA ME KA PU KIMANU.

Me ka pu kimanu i piha i na lu i ki ae ai he Kepani o Yonita Fugizaki ka inoa, nona na makahiki he 35, ho kanaka hana no ka waiwai o Damon kokoke i Koko Head i lawe ponoi ae ai oia i kona ola ma ka auwina la Sabati iho nei. I ka manawa i hoea aku ai ka Makai A. G. Silva i ka hale o Fugizaki e ku ana maluna o ka apana aina o Damon, loaa aku oia e kukuii ana iluna o ka papahele ua make, a e waiho ana no ka pu kimanu ma kona aoao. Ua hele ka wahiue a Fugizaki i kahi o na hoaloha ma kela manawa i ki ae ai o Fokizagi iaia iho me ka pu, a ma ka manawa i ninaninauia ai ka wahine e ka Makai Silva, no ke kumu o ko ke kane lawe ponoi ana ae i kona ola aohe kumu iki a ka wahine 6 hiki ai ke hoakaka mai no ia hana naaupo ana o ke kane iaia iho oiai he maikai wale no ka laua ia kakahiaka ma ka manawa ana i haalele iho ai i ka hale, ma ia kakahiaka. Ua laweia mai ke kino make o Fugizaki i ka hale waiho kino make 0 ka Papa Ola ma kahi kokoke 1 Kapaiwa, a ma ka Poalua nei i malam&ia ai ka aha nieniele kumu make nona. LADANA, Mei 21.—E hoakaka ana ke Daily Herald, he wahaolelo no na limahana, ke holomua mai la na hoomakaukau ana ma Chatham a ma Portsmouth no ka hoouna koke ana aku i na mokukaua holomama ame na moku hapuku maina no na kai o Eukini. E hoakaka pu ana ia nupepa, aia no he hoonee ana me ka maopopo o na mokukaua Pelekane. Maloko o ke Kaiwaenahonua no ke Kowa Dardanelles.