Ka Nupepa Kuokoa, Volume LXII, Number 21, 24 May 1923 — Paa ka Mea Powa i ka Hopuia ma ke Kakahiaka Poalua Nei Na Kekahi Paahao i Hookuuia Mai ka Hale-Paahao Mai i Lawelawe i ka Hana Powa Maluna o Mrs. Morgan ma Makiki [ARTICLE]

Paa ka Mea Powa i ka Hopuia ma ke Kakahiaka Poalua Nei

Na Kekahi Paahao i Hookuuia Mai ka HalePaahao Mai i Lawelawe i ka Hana Powa Maluna o Mrs. Morgan ma Makiki

Mahope o ka hele lanakila ana no kekahi mau la, mahope iho o ka la welawe ana i ka hana powa maluna o Mrs. J. P. Morgan, maluna ae nei o ke Kiekiena o Makiki, ma ka Poalima aku nei i hala, i paa ae ai o Sam Wailehua, i ka hopuia ma ke kakahiaka o ka Poalua nei, a imua o ke Kakiana Makaikiu John Kellett, i ae okoa aku ai oia, no kona pili i ka hewa. O ka hookuu koke ia ana mai no ia o Sam Wailehua mailoko mai o ka halepaahao, ma ka Poaha aku nti o ka pule i hala, a ma ka Poaiima ae no, i lawelawe aku ai oia i ka hana powa. Ua hoopaa mua ia o Sam Wailehua maloko o ka halepaahao, no ka hewa powa no, me ke kauia an i mai o ka hoopa'i maluna ona, no kona noho maloko o ka halepaahao no iwakalua makahiki, he elua nae makahiki o kona noho hana ana i kona hoopa'i, ua hookuuia mai ia oia, mamuli o kona mau ano maikai tme ka malama pono i na rula oloke o ka halepaahao. He hookahi nae kumu, o ka paa koke ana o Sam Wailehua i ka hopuia, mamuli no ia o ka papale kapu ana o ka haalele ana aku mahop?, iaia i holo ai e pee, mahope o k*i lilo ana aku o ke eke dala a Mr?. Morgan iaia. He papale kapu kela ana o ka lawe aihue ana moi kekahi paahao okoa aku, a ina a le kela papale kapu, Jna no paha ua lilo i hana paakiki ka huli ana aku ahiki i ka

paa ana o ka mea uana i powa o Mrs. Morgan. Ua loaa aku kela papale kapu me ka pu panapana, i na makaikiu, mahope o ko lakou huli ana i ka mea powa maluna o ke Kiekiena o Makiki a hoihoiia mai no ka halewai. Ma ke Sabati aku nei i hala, ua pii aku la o Mr. Mojgan, ke kane a ka wahine o ka pawaia ana no Makiki, me kona kiakaa, a hopuia e laua kekahi keiki opio ma ke anu hoohuoi, a i ka wa i ninauia aku ai, ina paha nona ka papale kapu, ua hoole :nai la oia, me ka olelo ann mai nei, ua ike oia i kekahi paahao me kela papale. , Ua leweia kela keiki no kahi e n'oho nei o na paahao ma Makiki a i kona nana ana iwaena o na paahao, hoole mai la oia, aole kela paahao ana i ike ai me ka papale kapu malaila, aka nae, ua ike aku la oia i kekahi paaliao, e pili mau ana, me ka inea ana i ike ai me ka papale kapu. . • Ma ka noke ana i ka niele i kela paaliao, akahi no a loaa mai ka ike i ka Makaikiu McDuffie, o Sam Waiiehua k ainea nona kela papale, nolaila, ma ka Poalua nei, he hana maalahi ka hoomakakiu ana, ahiki i kona paa ana i ka hopuia, a i ka wa i hoikeia aku ai, na mea oiaio, no kona pili i ka hewa powa, ua hiki ole iaia ke hoole mai, aka ae mai la i na mea apau i hanaia eia. Ma kana hoakaka imua o na kanka o ke aupuni, he keu aku ke kon me ka maka'u ole o Mjs. Morgan. i ka paio ana mai me ia, a ua ike maoli iho no oia, i ka nui o ka eha i loaa i kela wahine mai iaia aku.