Ka Nupepa Kuokoa, Volume LXII, Number 23, 7 June 1923 — Page 3
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA
Na Kanawai Kau o 1923
KANAWAI 87.
[B. H. HELU 275.]
HE KANAWAI
E HOOMAOPOPO ANA NO KA UKU ANA I KE KOI A I. HARA.
E Hooholoia e ka Ahaolelo o ke Teritore o Hawaii:
PAUKU 1. Eia ma keia ke hoomanaia aku nei ka ka puuku o ke teritore a ke kuhikuhiia aku nei e ulu maluna o kekahi kikoo @ala i kakauia e ka lunahooia o ke Teritore o Hawaii, mai ka waihona ae i ikeia "Na hoolilo Komisina," mahele auhau ekolu malalo o ke Kanawai 227 o na Kanawai o ke Kau o 1921, i ka huina o kanawalu-kumamalua me 75/100 dala {$82.75) i Hara, @o kekahi hana, lawelawe ana ame na lako i hoolawaia e ia maloko o ke keena auhau, mahele auhau ekolu, iloko o ka makahiki 1919.
E ukuia aku keia huina i oleloia ia I. Hara i ka loaa ana mai @aia mai o kekahi likiki elike ke kulana me ka mea a ka puuku e hooholo ai.
PAUKU 2. E mana no keia Kanawai i kona aponoia ana.
Aponoia i keia la 26 o Aperila, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 88.
[B. H. HELU 283.]
HE KANAWAI
E HOIHOI ANA I NA DALA MAI KA WAIHONA HALEKOA HONOLULU AME KA WAIHONA O NA HANA HOOIKIKA KINO O KE KEENA KOA A I KA WAIHONA LAULA AME NA HOOLILO PUALIKOA O KE KEENA KOA.
E Hoololoia e ka Ahaolelo o ke Teritore o Hawaii:
PAUKU 1. O ka lunahooia o ke Teritore o Hawaii ma keia ke hoomanaia aku nei e hoihoi aku i ka huina o eiwa haneri dala ($900.00) mai ka waihona Halekoa Honolulu, i hookaawaleia ma ka Pauku 201 o na Kanawai i Hooponopono Houia o Hawaii, 1915, ame ka huina o eono haneri dala ($600.00) mai ka Waihona Hooikaika Kino o ke Keena Koa, i hookaawaleia ma o ke Kanawai 229 o na Kanawai o ke Kau o 1921, a i ka Waihona Laula ame Na Hoolilo Pualikoa o ke Keena Koa, a ua hoomaopopo hou ia no hoi ma ke Kanawai 229 i oleloia.
PAUKU 2. E mana no keia Kanawai i kona aponoia ana.
Aponoia i keia la 26 o Aperila, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 89.
[B. H. HELU 288.]
HE KANAWAI
E HOOMANA ANA E HOOKULEANA ANA I KE KULANAKAUHALE AME KALANA O HONOLULU E HOOKAAWALE HOU AKU I WAIHONA PAKU'I NO KE KUPALE ANA AKU I KA PAUAHI MALOKO O KE KULANAKAUHALE AME KALANA I OLELOIA.
E Hooholoia e ka Ahaolelo o ke Teritore o Hawaii:
PAUKU 1. O ka Papa o na Lunakiai o ke Kulanakauhale ame Kalana o Honolulu eia ma keia ke hoomanaia aku nei a ke hookuleanaia aku nei e hookaawale a e hoolilo mailoko ae o kona waihona laula ame/a i ole o na hana hou i ka huina o hookahi haneri tausani dala ($100,000.00), a i ole o kekahi huina e lawa ai o ia mau dala me ke kupono, no ke kukulu ana i hookahi hale kinaiahi ma Waikiki ame hookahi hale kinaiahi ma Nuuanu e hui pu ana i na lako kupono no ia mau hale kinaiahi.
PAUKU 2. E mana no keia Kanawai mai a mahope aku o ka la o kona aponoia ana.
Aponoia i keia la 26 o Aperila, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 90.
[B. S. HELU 54.]
HE KANAWAI
E HOOMAOOPO ANA NO KA HANA I WAI AME ALANUI MA NA AINA O NA HOME HAWAII MALUNA O KA MOKUPUNI O MOLOKAI.
E Hooholoia e ka Ahaolelo o ke Teritore o Hawaii:
PAUKU 1. No ka hana ana i wai no ka hoolawa ana aku i wai no na kanaka e lawe ana i na apana aina maluna o na aina o na Home Hawaii maluna o ka Mokupuni o Molokai, malalo o ke Kanawai o ka Ahaolelonui i ikeia ma ke ano o ke Kanawai Komisina Home Hawaii, 1920, ame ke kukulu ana i mau alanui maluna o na aina i oleloia, eia ma keia ke hookaawaleia nei ka huina o kanahiku-kummalima tausani dala (75,000.00) mailoko ae o na dala e loaa mai ana mamuli o ke kuaiia ana aku o na bona e hoopukaia aku ana no ia mea; a ua hiki e hoopukaia @a bona-elike me ia i hoakakaia ma o ke kanawai o ke Teritore o Hawaii ame ka Puaku 220 o ke Kanawai Komisina Home Hawaii. 1920-elike ka nui me ka mea i koi ia aku ma ia huina i oleloia.
PAUKU 2. E hoomaopopoia kekahi waihona hoahu, no ka uku @na aku i na bona i oleloia. ame ka uku ana o ka ukupanee maluna o lakou, e hanaia elike me ke kauoha a ka Pauku 220 i oleloia.
PAUKU 3. E mana no keia Kanawai i kona aponoia ana.
Aponoia i keia la 28 o Aperila, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 91.
[B. S. HELU 126.]
E HOOLOLI ANA I NA PAUKU 1, 2, 3, AME 4 O KE KANAWAI 218 O NA KANAWAI O KE KAU O 1921 E PILI ANA NO NA HANA HOU.
PAUKU 1. O na Pauku 1, 2, 3, ame 4 o ke Kanawai 218 o na Kanawai 218 o na Kanawai o ke Kau o 1921 e hoomaopopo ana no na Hana Hou no ka Lehulehu eia ma keia ke hoololiia nei i heluhelu ai penei:
"Pauku 1. O keia mau huina eia ma keia ke hookaawaleia nei no na hana penei mailoko ae o na dala e waiho nei maloko o ka waihona puuku a i ole e loaa mai ana paha ma keia mua aku i ka puuku n@ a i ole no na waihona hoaie ame na boa e hoopukaia aku ana elike me na hoakaka a ke kanawai no kekahi huina i lawa kupono e hookaawaleia nei maloko nei:
NA HANA HOU O KE TERITORE.
Uwapo ame na Hana Hou o na Awa.
(E hooliloia ana malalo o ke kuhikuhi a ke Komisina Awa.)
OAHU:
1. No ka hoopaa ana i na Uwapo 8, 9, ame 10….$ 677,5550.00
4. Mau paipu pakui hou………………….. 40,000.00
HAWAII:
5. Pakui i ka haleuwapo ame eli ana Uwapo Kuhio 60,000.00
MAUI:
8. Eli ana, Kahului …………………….. 50,000.00
NA HANA HOU E AE:
19. Hoomau ana aku i ke alaui luaopele konokilika 220,000.00
20. Hoomau ana i ke alanui konokilika mai ke Alahaka Eha Mile e hele ana i Hilo, ina nae e hookaawale ka Papa o na Lunakiai o ke Kalana o Hawaii i kekahi huina like……….. 37,500.00
"Pauku 2. O keia mau huina malalo iho nei eia ma keia ke hookaawaleia nei no na hana malalo nei mailoko ae o na dala e loaa ana i keia manawa iloko o ka waihona puuku a i ole e loaa mai ana ma keia hope ku i ka puuku no a i ole no ka waihona hoaie ame na bona e hiki no e hoopukaia elike me ka hoakaka a ke kanawai no kekahi huina i makemakeia elike me ka mea e hookaawaleia nei maloko nei: aka nae i ka huina i hoakakaia maloko o na itamu 30 ahiki i ka 53 maloko nei, e hui pu ana ia laau a elua, e hooliloia no e na papa lunakiai o na kalana like ole a i ole Kulanakauhale ame Kalana, elike me na kii ame na kuhikuhi i hoomakaukauia e na enekinia o ia Kalana a i ole Kulanakauhale ame Kalana, me ka hooko nae i na hoakaka a ka Pauku 4 o keia Kanawai.
Kukulu ana, hoolilo ana ame ke kukulu hou ana o na alanui holopuni ame na alahaka; ka hooloihi ana i na laula papuwai; hoonui ana aku i na halema'i ame na lako, ame ka hookomo ana i na pono wai;
KALANA O HAWAII:
30. Na alahaka konokilika âme na alanui e hiki aku ai ia wahi …………………………$ 100,000.00
34. Halema'i Hoomanao o Hilo ame na lako paku'i 50,000.00
KULANAKAUHALE AME KALANA O HONOLULU:
39. Hookomo ana i pono sua ma Waipahu…….. 110,000.00
KALANA O KAUAI:
47. Na pono wai, Kapaa ………………….. 60,000.00
53. Halii pohaku ana Alanui o Ahukini………. 30,000.00
_______________
$1,540,000.00
Ma kahi o kekahi huina i hoakakaia maloko o kekahi itamu o keia pauku no ke kukulu a i ole kukulu hou ana o ke alanui i hoikeia maloko o ka itamu i oleloia aole e hooliloia ana apau loa no ia alanui, o ke koena i hoolilo ole ia a i ole o ke koena i koi ole ia ua hiki no e hooliloia no ka hana ana i ke alanui i hoakakaia maloko o kekahi o na itamu e ae no ia Kalana a i ole Kulanakauhale ame Kalana no."
"Pauku 3. E uku no kela ame keia Kalana a i ole Kulanakauhale ame Kalana i ke Teritore, i na la uku ukupanee o kela ame keia bona e hoopukaia ana e ke Teritore, a o na loaa o ia mea i hooliloia no ia hana i hoakakaia iloko o na itamu 30 ahiki i ke 53 i oleloia, e hui pu ana i keia mau itamu, elike me ia i hoololiia ai maloko o ia Kalana a no ke Kulanakauhale ame Kalana, i ka ukupanee i like ka nui me ka waiwaiio o ia mau bona ma ka heluna pakeneka ukupanee i hoakakaia maloko o ia mau bona ame na huina i kela ame keia makahiki no ka ukupanee elua ame ka la like i kela ame keia makahiki, mahope aku, oiai ka manawa e hoopukaia ai ia mau bona, ina paha mahope ua ukuia aku a i ole aole paha, a o ka huina nui o ia mau huina e ukuia i kela ame keia makahiki, ma ka helu kuwala ana i kela ame keia makahiki ma ia pakeneka ukupanee, elike ana ka nui i ka pau ana o ia manawa, me ia waiwaiio kumu; a o ka lunahooia o ke Teritore eia ma keia ke hoomanaia nei e hoolawe ae mai ka huina mai o kela ame keia kikoo dala a i ole mau kikoo dala paha i hiki e hoopukaia e ia i ka puuku o ia Kalana a i ole Kulanakauhale ame Kalana paha, o ia mau huina i ka hiki ana mai o ka manawa e uku ai elike me ia i koiia ma keia pauku, e ukuia e ia Kalana a i ole Kulanakauhale ame Kalana paha, a e haawiia mai na likiki kupono mawaena o ka puuku o ke Teritore ame ia Kalana a i ole Kulanakauhale ame Kalana paha; aka nae, o ia Kalana a i ole Kulanakauhale ame Kalana paha ua hiki no, i ke koho ana a kona papa lunakiai, e uku aku no ia mau bona i ka la o ia uku ukupanee ana, i kekahi mau huina paku'i iho a i ka hiki ana mai o ka manawa e ukuia ai ia mau waiwaiio kumu o na huina apau mawaho ae o ka ukupanee, e uku aku no ia mau bona, elike no keia me ka waiwai kumu o ia mau bona, o na aie apau o ke Kalani i oleloia a i ole Kulanakauhale ame Kalana paha e pili ana ia mau bona, ka waiwai kumu ame ka ukupanee, e ukuia aku no. O kela ame keia huina pakui e ukuia ana pela e waihoia aku no ka pomaikai o ka waihona hoahu i hoakakaia e ka Pauku 1182 o na Kanawai i Hooponopono Houia o Hawaii, 1915, me ka pakui iho i na huina i koiia e waiho aku e ka pauku i oleloia."
Pauku 4. Aole kekahi dala e hooliloia malalo o na itamu 30 ahiki i ka 53, e hui ana ia laua, o keia Kanawai, ahiki i ke ano, kulana o na lako, na kii ame na kuhikuhi e aponoia ai no ka hoohana ana aku no ke kukulu ana a i ole kukulu hou ana paha o kekahi mau pono sua, alanui a i ole mau alanui i manaoia e ukuia ma kona pau loa a i ole ma kona hapa paha me na dala i hoakakaia ma o na itamu i oleloia e apono mua ia e ka lunanui o na hana hou. Mamua o ke aponoia ana o keia mau mea i manao ia. na lako, na kii ame na kuhikuhi, e nana mua ka lunanui o na hana hou i oleloia i kahi e manaoia ana malaila e kukuluia ai a e hoomaikeike mua iaia iho me ke kulana kuloko o kahi e hanaia aku ai ka hana i manoia."
PAUKU 2. E mana no keia Kanawai mai a mahope aku o ka la o kona aponoia ana.
Aponoia i keia la 20 o Aperila, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 92.
[B. H. HELU 58.]
HE KANAWAI
E HOOLOLI ANA I NA PAUKU 2506A, 2506B AME 2506G O KA MOKUNA 141 O NA KANAWAI I HOOPONOPONO HOUIA O HAWAII, 1915, ELIKE ME IA I HOOLOLIIA MA O KE KANAWAI 91 O NA KANAWAI O KE KAU O 1917, AME KE KANAWAI 18 O NA KANAWAI O KE KAU O 1919, E PILI ANA I KA HOOLOHEIA O KE KULEANA AME KA LAWELAWEIA ANA O NA HIHIA HOOILINA.
E Hooholoia e ka Ahaolelo o ke Teritore o Hawaii:
PAUKU 1. O ka Pauku 2506A o ka Mokuna 141 o na Kanawai i Hooponopono Houia o Hawaii, 1915, elike me ia i hoololiia ma o ke Kanawai 91 o na Kanawai o ke Kau o 1917, a ma o ke Kanawai 18 o na Kanawai o ke Kau o 1919, eia ma keia ke hoololiia nei i heluhelu ai penei:
"Pauku 2506A. I kela ame keia manawa ina mamuli o ka make ana o kekahi mea a ua makemakeia e loaa ka mea hooko waiwai a i ole lunahooko waiwai no ka waiwai o ia mea, a aia he mau dala a i ole mau waihona paha e aieia ana a e ukuia i ka waiwai o ia mea no kekahi huina i oi aku mamua o hookahi tausani dala ($1,000.00) a i ole he waiwaipaa paha no ka waiwai o ia mea nona kekahi huina waiwaiio e oi aku mamua o hookahi tausani dala ($1,000.00), na ke kakauolelo o ka aha kaapuni o ia aha kaapuni ilaila kahi noho o ia mea a i ole i noho ilaila i ka manawa o kona make ana, e loaa no ka mana e ohi a i ole e lawe mai ia dala a i ole waihona paha i ka lunahooponopono o ia waiwai."
PAUKU 2. O ka Pauku 2506B o ka Mokuna 141 o na Kanawai i Hooponopono Houia o Hawaii, 1915, elike me ia i hoololiia ai e ke Kanawai 91 o na Kanawai o ke Kau o 1917, eia ma keia ke hoololiia nei i heluhelu ai penei:
"Pauku 2506B. I ka loaa ana mai o ia dala a i ole waihona paha, e lilo no i hana na ia kakuolelo ka hoolaha ana ia mea ma o ke kau ana i kekahi hoolaha o ia mea ma ka puka komo mamua o ka hale hookolokolo o ka aha kaapuni o ia aha kaapuni a e hoolaha ia mea no kekahi manawa aole e emi iho malalo o hookahi manawa maloko o kekahi nupepa i pa'iia ma ka olelo Beritania a i ole olelo Hawaii paha, a i ole na olelo no a elua, ma ke ano he kauoha na ka aha, in a he mau nupepa kekahi o ia ano e hoolahaia ana maloko o ia aha kaapuni i oleloi."
PAUKU 3. O ka Pauku 2506G o ka Mokuna 141 o a Kanawai i Hooponopono Houia o Hawaii, 1915, elike me ia i hoololiia e ke Kanawai 91o na Kanawai o ke Kau o 1917, eia ma keia ke hoololiia nei i heluhelu ai penei:
"Pauku 2506G. O na lawelawe ana apau malalo a mamuli o na Pauku 2506A ahiki i 2506B e hul ana i keia mau pauku, e hanaia o meka uku ole koe wale no no ka hoolaha ana i ka hoolaha kuikawa maloko o ka Pauku 2506B, ka lilo o ia mea e ukuia mailoko ae o na waihona i loaa mai iloko o na lima o ke kakauolelo."
PAUKU 4. E mana no keia Kanawai i kona aponoia ana.
Aponoia i keia la 30 Aperila, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 993.
[B. H. HELU 96.]
HE KANAWAI
E HOOLOLI ANA I NA PAUKU 2755A O NA KANAWAI I HOOPONOPONO HOUIA O HAWAII, 1915, E PILI ANA I KA HOOPAKELE ANA I NA HAKU AINA.
E Hooholoia @ ka Ahaolelo o ke Teritore o Hawaii:
PAUKU 1. O ka Pauku 2755A o na Kanawai i Hooponopono Houia o Hawaii, 1915, elike me ia i hooholoia ma o ke Kanawai 171 o na Kanawai o ke Kau 1915, eia ma keia ke hoololiia nei i heluhelu ai penei:
"Pauku 2755A. Na poe hui ame na kahua e ae o ka hoopii. Iloko o kela ame keia hoopii no ka lawe ana i kekahi waiwai i hoomakaia malalo o kekahi hoakaka a ka Mokuna 154, ua hiki i ka mea hoopii ke komo aku e hoopii no ka uku hoolimalima, na puka, na poho ame na hana hoino wale in a ua ulu ae keia mau mea mamuli o a e pili ana i ka aina a i ole wahi paha e makemakeia ana e lawe ae, a maloko o ka Apana o Honolulu o ia hoopii ana ua hiki no e hanaia me ka nana ole i ka huina nui o ke koi."
PAUKU 2. O ka Pauku 2763 o na Kanawai i Hooponopono Houia o Hawaii, 1915, eia ma keia ke hoololiia nei i heluhelu ai penei:
"Pauku 2763. Aole e hiki e hooleia ka hoopii ma o ka Pauku 2510 ma na hoopii o ka uku ole i ka hoolimalima. Aole kekahi mea iloko o ka Pauku 2510 e manaoia e lawe ae ana i ka pono o ka mea aina ma na hihia e hooloheia ana no ka uku ole i ka hoolimalima i laweia mai mamalo o keia mokuna no ka hoopuka kokeia o ka hoopii e lawe i ka aina, koe wale no elike me ia i hoakakaia maloko o ka Pauku 2762, aka nae, o kela ame keia mea pale maloko o na hihia i laweia mai malalo o keia mokuna, koe wale no ma na hihia no ka uku ole i ka hoolimalima, e hanaia, i mea e paa ai i ka lawe ana iloko o elima la mahope iho o ka hooholoia ana mai e ku-e ana i ka mea hoopii maloko o ka aha apana, i wahoia aku maloko o ia aha ame ke kali ana no ka hooloheia ua hiki e waihoia mai i bona no kekahi huina elike me ka mea e manaoia ana e ka lunakanawai hoomalu o ia aha he kupono no@ ka hookau ana mai no ka uku ana aku i ka mea hoopii (e lilo ana i mea paaia maloko o ka bona i oleloia) no na poho apau loa e kau mai ana maluna o ka mea hoopii no ke kumu o ka hoohalahala o ka hihia i oleloia in a e hooholoia mai ana e ka aha apana e kakoo ia hoopii."
PAUKU 3. E mana no keia Kanawai i kona aponoia ana.
Aponoia i keia la 30 Aperila, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 94.
[B. H. HELU 122.]
HE KANAWAI
E HOOLOLI ANA I KE KANAWAI 102 O NA KANAWAI O KE KAU O 1919, ELIKE ME IA I HOOLOLIIA AI E KE KANAWAI 6 O NA KANAWAI O KE KAU KUIKAWA O 1920, MA O KA HOOLOLI ANA I KA INOA O KA "HOME O KA POE NAWALIWALI O KA NOONOO" A I KA "HOME WAIMANO."
E Hooholoia @ ka Ahaolelo o ke Teritore o Hawaii:
PAUKU 1. O ka Pauku 1 o ke Kanawai 102 o na Kanawai o ke Kau o 1919, elike me ia i hoololiia ai e ke Kanawai 6 o na Kanawai o ke Kau Kuikawa o 1920, ma keia ke hoololiia nei i heluhelu ai penei:
"Pauku 1. Eia ma keia ke kukuluia nei he papa komisina no ka home o ka poe nawaliwali o ka noonoo@ a o ia home e ikeia ma ke ano o ka "Home Waimano," o elima lala, e hookohuia e ke kiaaina elike me ia i hoakakaia ai e ka Pauku 80 o ke Kanawai Kumu. Na na Komisina no e koho i kekahi lala o lakou iho i lunahoomalu, a e lawelawe me ka uku ole ia.
E paa no na komisina i ko lakou kulana no ekolu makahiki. koe i ka manawa mua o ke kukuluia ana o ka papa. i elua lala e hookohuia no ekolu makahiki, elua no elua makahiki, a i hookahi no hookahi makahiki.
O na pono apau i manaoia e loaa aku i ka home i oleloia no ka poe noonoo nawaliwali no ka hoohana aku i ka aina, na haawina, a pela aku, e mau aku no mamuli o keia haawiia ana aku i keia home o ka inoa "Home Waimano."
PAUKU 2. E mana no keia Kanawai i kona aponoia ana.
Aponoia i keia la 30 o Aperila, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 95.
[B. H. HELU 167.]
HE KANAWAI
NO KE KUKULU ANA I ALANUI A I OLE I MAU ALANUI MALOKO O KA AINA HOME HOOKUONOONO O HONOMU, APANA O HILO HEMA, KALANA O HAWAII, MAMULI O KA HOOKAAWALE ANA I HAAWINA MA KE ANO HAAWI MUA MAILOKO AE O NA DALA O NA LOAA LAULA O KE TERITORE O HAWAII, A O IA MEA E HOIHOI HOUIA AKU MAILOKO AE O NA LOAA O KA HOOLILOIA ANA O NA AINA AUPUNI MALUNA O KA MOKUPUNI O HAWAII.
E Hooholoia e ka Ahaolelo o ke Teritore o Hawaii:
PAUKU 1. O ka huina o ehiku tausani dala ($7,000.00) eia ma keia ke hookaawaleia nei mailoko ae o na dala maloko o ka waihona puuku o ke Teritore o Hawaii, aole i hookaawale mua ia, no ke kukulu ana i alanui a i ole i mau alanui maloko o ka apana aina Home Hookuonoono o Honomu, Apana o Hilo Hema, Kalana o Hawaii.
PAUKU 2. O keia huina i oleloia o ehiku tausani dala ($7,000.00) i hookaawaleia ma keia e hooliloia aku no maluna o na kikoo dala i kakauia e ka lunahooia i hookahuia maluna o na kikoo aie i aponoia e ke komisina o na aina aupuni, iaia ka hoomalu o ke kukulu ana o ke alanui i oleloia. Na ke komisian o na aina aupuni e hana aelike no ke kukuluia ana o ke alanui i oleloia, aka ma na ano apau aole loa oia e hana aelike no kekahi huina a oi aku mamua o ka huina i oleloia o ehiku tausani dala ($7,000.00.))
PAUKU 3. O keia huina i oleloia o ehiku tausani dala ($7,000.00) a i ole elike ka nui e hooliloia ana, e hoihoi hou ia aku no iloko o ka waihona laula o ka waihona puuku o ke Teritore mai na loaa o ke kuaia ana aku o na aina aupuni maluna o ka Mokupuni o Hawaii.
PAUKU 4. E mana no keia Kanawai mai a mahope aku o ka la o kona aponoia ana.
Aponoia i keia la 30 o Aperila, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 96.
[B. H. HELU 200.]
HE KANAWAI
E HOOMAOPOPO ANA I HAAWINA MA KE ANO HAAWI MUA MAILOKO AE O NA LOAA LAULA O KE TERITORE O HAWAII NO KE KUKULU ANA O NA ALANUI MALOKO AKU O NA APANA AINA O KE KIEKIENA O ALEWA, PAPA ELUA, A E HOOPAU ANA I KE KANAWAI 194 O NA KANAWAI O KE KAU O 1919 A ME KANAWAI 47 O NA KANAWAI O KE KAU O 1921.
E Hooholoia e ka Ahaolelo o ke Teritore o Hawaii:
PAUKU 1. O ka huina o kanaha-kumamalima tausani dala ($45,000.00) a i ole elike ka nui mailoko ae o ia huina e manaoia ai ua kupono, eia ma keia ke hookaawaleia nei ma ke ano haawi mua mailoko ae o na dala iloko o na loaa laula o ke teritore, aole i hookaawale mua ia, no ke kukulu ana i mau alanui paamau maloko aku o na apana aina o ke Kiekiena o Alewa, Papa Elua, maloko o ke Kulanakauhale ame Kalana o Honolulu. a i alanui paamau e hoohui ana i na alanui i oleloia me ke Alanui Hala. O keia huina i hookaawaleia ma keia e loaa koke no no kekukulu ana i na alanui i oleloia i ka manawa a mahope o ka hoomaopopo ana ia o keia hana e ke Kulanakauhale ame Kalana o Honolulu no ka hoomoe ana i mau paipuwai maloko a i ole maloko aku o ka apana aina i oleloia.
PAUKU 2. O keia huina i oleloia o kanaha-kumamalima tausani dala ($45.000.00) a i ole elike paha ka nui me ke kupono a lawa. e hooliloia aku no maluna o na kikoo dala i hoopukaia e ka luna hooia, i hookahuaia maluna o na kikoo aie i aponoia e ke komisina o na aina aupuni, iaia ka hoomalu o ke kukuluia ana o keia mau alanui i oleloia me a i ole ma o ke Kulanakauhale ame Kalana la o Honolulu, elike me ia i hoomaopopoia ma ke kanawai.
PAUKU 3. O keia mau dala i hookaawaleia ma keia e uku hou ia aku no iloko o ka waihona laula o ke teritore mai na loaa mai o ka hooliloia ana aku o keia mau apana aina i oleloia, a e hooliloia aku no e ke komisina i oleloia e like ka hikiwawe me ka hiki mahope o ka pau ana o keia mau alanui i oleloia.
PAUKU 4. O ke Kanawai 194 o ke Kau o 1919 ame Kanawai 47 o na Kanawai o ke Kau o 1921 ma keia ke hoopauia nei.
PAUKU 5. E mana no keia Kanawai i kona aponoia ana.
Aponoia i keia la 30 Aperila, A. D. 1923.
W. R. FARRINGTON,
Kiaaina o ke Teritore o Hawaii.
KANAWAI 97.
[B. H. HELU 206.]
HE KANAWAI
E HOOKAAWALE ANA I KA HUINA O UMI TAUSANI DALA ($10,000.00) MA KE ANO HE HAAWI MUA NO KE KUKULU ANA I ALANUI E HOOHUI ANA I KE ALANUI UWAPO KUHIO, ME KE ALANUI KEAUKAHA, WAIAKEA, HILO HEMA, HAWAII.
E Hooholoia e ka Ahaolelo o ke Teritore o Hawaii:
PAUKU 1. O ka huina o umi tausani dala ($10,000.00) a i ole o kekahi huina mailoko ae o keia e lawa ai, ma kiea ke hookaawaleia nei ma ke ano he haawi mua mailoko ae o na dala maloko o ka waihona puuku o ke Teritore o Hawaii, aole i hookaawale mua ia, no ke kukulu ana i ke alanui e hoohui ana i ke alanui o ka Uwapo Kuhio me ke Alanui o Keaukaha, Waiakea, Hilo Hema, Hawaii, a o ua alanui la i oleloia e holo no i ke kukulu akau komohana o ka aoao o na pa hale ukana o Waiakea.
PAUKU 2. O ka huina o umi tausani dala ($10,000.00) i oleloia ma keia ke hookaawaleia nei a e hooliloia maluna o na kikoo dala i kakauia e ka lunahooia, i hookahuia maluna o na kikoo aie i aponoia e ke komisina o na aina aupuni @ @ana e kukulu i ke alanui i oleloia ma kekahi aelike me a i ole ma o ke Kalana o Hawaii, elike me ia i hoakakaia ma ke kanawai.
PAUKU 3. O ke dala i hookaawaleia ma keia e manaoia no ma ke ano he haawi mua mailoko ae o ka waihona laula o ke Teritore o Hawaii. a o keia waihona e hoihoi hou ia aku no mai na loaa mai o ka hooliloia ana o na aina aupuni, no na hana e ae mawaho o na home hookuonoono, maluna o ka Mokupuni o Hawaii.
PAUKU 4. E mana no keia Kanawai i kona aponoia ana.
Aponoia i keia la 30 Aperila, A. D. 1923.
W. R. FARRINGTON,
Kiaaina o ke Teritore o Hawaii.
Me ka nana ole i ka hookuu laelae ia o ka Makaikiu McDuffie, e ka hapanui o na lala o ke komisina makai, no kona pili ole i ka hewa lawe i ka waiwai ki-pe, i ka nana aku, eia ka lehulehu o na makaainana o keia kulanakauhale, ke oni mai nei me ka manao paa, e pulumi aku, no ka hoomaemae ana i ka oihana makai o Honolulu nei, ma keia mua aku. Ke kokoke loa mai nei ke koho baloka o na luna oihana o ke Kulanakauhale a Kalana o Honolulu nei!