Ka Nupepa Kuokoa, Volume LXII, Number 23, 7 June 1923 — KUKULU KEKAHI MAU MAKUAHINE I HUI NO KA HOOHOLOMUA ANA IA MOANALUA. [ARTICLE]

KUKULU KEKAHI MAU MAKUAHINE I HUI NO KA HOOHOLOMUA ANA IA MOANALUA.

(Kakauia e J. K. Mokumaia.) (Hoomauia mai) Mai ka hoomakaia ana o keia hana ahiki i keia manawa, o ia mau ka nee ana imua, me ka piha o na mea apau i ka hauoli. I mea e ikeia ai ka oiaio, eia na kii o na opio i ike i ke kuke ame ka lawelawe ana i na moa e pono ai o na o ia ke kuke ana ame ka hanai ana ia lakou oiai e nana mau ana na kumukula i ua mau opio nei, no ka pono o ka laleou haawina, o ka hemahema wale no ma keia apana haaa, o ia paha ka makaukau ole o ka home o na opio, elike me ka mea e a'oia mai ana aka, ua a'oia aku me lta ikaika loa e malama i na hunahuna liilii, o ia ka laiki, ka palaoa, e hanaia ana a lilo i pukini. Nolaila o keia mau mea e a'oia nei, kekahi ia o na pono nui loa, e loaa ana i na makua ua makaukau, a pela hoi i.a kupuna e hooikaika ana e ike aku i ka laua moopuna e lilo ana i mea makaukau, no ka laua luhi i luhi ai. Ina iho la ia o ka mea e iiniia

nei, o loaa keia mea maikai, alaila hookahi no ninau nui, o ia ka huki like a hana like, e loaa no na mea apau me ka nui ole o ka lilo mailoko ae o ka nui o na i laweia ae ai keia mau opio. O ke keiki e ku ana me kahi laau ma kona poaeae, ho ike loa oia i ke kolikoli ana i ka uala, a ua hiki iaia ke hana a lawa pono na keiki, ame ka malama ana i ke ahi e a maikai o kekahi keiki iho, he ike kona i ka okioki ana i ka pipi ame ke ana ana i ka nui o ka wai ame ka paakai, i mea e ono ai ke ai aku. O na kaikamahine opio elua, he mau pua ia no Kina, he ike hoohuihui ko laua e hoolilo aaa i ka palaoa a loaa ka mea e oleloia nei nulu kupa, a o ke kaikamahine nui e ku ana, oia ko lakou poo ma ke a'o ana i na hana kuke; he ike nui ka i loaa iaia, oiai ua lilo oia i mea kokua i na kumukula; o kona wahi e noho nei, aia no ia ma leekahi aoao o ke kulanakauhale nei, oia o Ka* moiliili. E hoomaawanui ana oia i ka hele ana i na la apau oiai ua lilo oia i mea alakai i na opio liilii, a eia na makuahine ke hooikaika mai nei i na lole o lakou, no ke komo ana i ke kaihuakai o ka la o Kamehameha. O ka'u leo piUe e hoomauia na hana maikai!