Ka Nupepa Kuokoa, Volume LXII, Number 23, 7 June 1923 — HE HOALOHALOHA NO JULIA LEIHULU HANUNA. [ARTICLE]

HE HOALOHALOHA NO JULIA LEIHULU HANUNA.

Afr. Lunahooponopono o lee Kuokoa, Aloha kaua: —E oluolu mai kou hanohano ina he wahi kaawale kekahi o ka milimili a ka lahui, ke pookela o ke aupuni Hawaii, i ike mai ai o'u mau ohana, na hoaloha, na makamaka o kuu lei heleloa ua hala, u« nalo i ke ala hoi ole mai, luuluu, luuluu, wale! Ua hanauia mai oia mai ka pnhaka mai o Ulalia Kekona ame kana kane Kuheleloa Kekona, no Kahakuloa, Maui, i ka makahiki 1893, a ua piha iaia na makahiki he 29 me na malama he 10 me na la he 22 o kona ola ana.

He wahine oia me ke ola kino nawaliwali. Ua hoohuiia maua iloko o ka berita maemae o ka mare i ka makahiki 1913 ma ka la 19, a haalele mai la oia ia'u ma ka la 2i o Aperila 1923, me na keiki ame ka ohana. Aloha Nakalele i ka ehu o ke kai, ia home a maua i piliia ai, aloha ia mau lae e hele pu ia ai, ua pau, ua hala oia; i ke ala hoi ole mai. E aloha ae ana au i na aia kikeekeo, ka piina, ka ihona o na pali 0 ka aina aloha o kuu lei Eose poina ole, a maua i alo like ai, i l:a ua ame ka la aloha, aloha wale kuu lei heleloa poina ole! E ka ua Poikaohu e, ka ohu halii 1 na pali, ua uhiia mai kou mau papalina me ka liunehune hu'ihu'i o ke kehau, o ka lei a oukou ua hala, ua moe, moe mau i ke kau me ka hooilo, aloha walel Aloha wale ia pua o kuu lei e kahiko ai o ka wahine. Aloha na pua lehua o Kaukini me ka ua kilihune i na pali, aloha ia pali hauliuli ka homo aloha o kun leil Aloha Kahului i ke kai holuholu, i ke one ohi lima me na hoa. Ke kaula hiki kolo ke aloha, e naue like ai na kino o kuu lei poina ole kekahi i hoopulu ia o kou hunakai aloha, aloha ia aina malihini i luanaia ai me na hoaloha o ia wahi. Aloha na hoa paahana o ke Akua, i hooikaika pu ai o ia kaha, ua nele kou launa hou ana me ia, luuluu, luuluu wale! Aloha Kauiki au i lee kai me ka puhi kani o Mokuhano. E ka ua Lani Haahaa, hoapili o ka Malualua, elua wale iho no maua, i kolu i ke ala lipoa. Ia oukou e na hoahanau ame ka Ahahui 0. E. o Wananalua, ke haawi aku nei au i ko 'u hoomaikai ! no oukou. no na kokua i loaa mai, ! mai ia oukou mai, no kuu hoapili hoi o kuu lei heleloa. TJa waiho mai oia ia'u mahope nei me na keiki ekolu ame kona ohana lehulehu e u ana nona.

He walāne puuwai hamama, he aloha ohana, he oluolu, he aloha kane, he heahea, he ike i na mea apau. He hoomanawanui i ka nele, ka huna, aolie oia he wahine ake i na mea nani, aka he akahele kona ano ame ka hoohaahaa, aloha, aloha wale! E loiaa anei i makuahine hou no'u elike me ia? Auwe kuu luuluu ka eha o ko'u puuwai nou e kuu lei heleloal E hoomaikaiia na mana lani, no ka mea ua hoihoi aku lakou iaia ma kela home maha mao, pau ka luhi, ka ehaeha ame ka u ana, ua hoi hou i ka lepo elike mo ka olelo, no ka lepo mai oe, a e hoi hou aku oe i eia hou o ka mea i hanauia e ka wahine ua hapa kona mau la, ua piha i na popilikia; aohe wahi nani e ae, elike me keia mau lalani mele penei: Ka lani kuu home, E maha mau ai, Pokole paa ole, Kuu noho maanei, No keaha e ohumu, Ke kau paapu mai, Na eha ua luhi, Na kaumaha e. Eia mal na anela, Ke memele no 'u, Memele memele, Ahiki i o, Ma na puka mabeltf, E ku ka poe maikai, A mele aloha no kou puka ana'e Ke hoomaikai pu nei au i ka poe apau, i ku kiai pu me a'u, me na pua, na lei pepa ame na bo-ke pua i makanaia mai. E ke kapena ahonui Mr. Lunahooponopono nou ame kou papapa'i ka hoomaikai palena ole. O makou iho ka ohana, JOHN M. HANUNA, MAS. W. K. HANUNA, MAB. J. W. HANUNA, MISB L. W. HANUNA, MISS M. M. HiANUNA, KUHELELOA KEKONA, MRS. LIZZIE KTJHKS. & MKS. P. KEKONA, MR. & MBS. J. KEKONA, MRS. HANNAH AUA, WILLIAM KEKONA, Hana, Maui, Mei 18, 1923.