Ka Nupepa Kuokoa, Volume LXII, Number 29, 19 July 1923 — E Hoopaa ae i na Inoa [ARTICLE]

E Hoopaa ae i na Inoa

Ua hoea hou mai kakou, i ka \va e hoomaopopo ai, no ke kau koho haloka wae moho e hoea mai ana. Ina he poe kekahi, i paa ole ko lakou mau inoa no ke koho haloka ana, o keia ka manawa e hele ae ai, e hoopaa i ko lakou mau inoa, ma ke keena o na kakauolelo kalana, i kuleana ai ke koho, no ka wae ana ae i na luna oihana o na kalana lehulehu. Ina he poe kekahi i kakau mua i ko lakou mau inoa, aka i hele ole ae nae e koho i ko lakou mau baloka, ma ke kau koho o na hoa o ka ahaolelo aku nei i hala, e holoiia ana ko lakou mau inoa mai ka buke aku o ka poe kupono i ke koho baloka; aia wale no a hele hou ae lakou e hoopaa i na inoa, kuleana ke koho i na moho ma keia kau koho wae moho ae e hoea mai ana. O ka poe hoi i nee aku ko lakou noho ana no kekahi mau wahi okoa i keia wa, no ka hoomaalahi ana, i ko lakou koho ana, o keia ka wa e hele ae ai, e hoololi i na wahi koho; ina aole pela, alaila e konoia ana lakou, e hele ma ko lakou mau mahele i koho kahiko ai; ina aole pela, na kiola wale aku lakou i keia pono nui, i loaa i na makaainana apau.