Ka Nupepa Kuokoa, Volume LXII, Number 29, 19 July 1923 — LILO HE MAU BILA DALA MAI KE PAKAUKAU AKU O McWFFIE [ARTICLE]

LILO HE MAU BILA DALA MAI KE PAKAUKAU AKU O McWFFIE

Maloko o na mahina elua i hala aku nei o na dala,apuka i malamaia ai ma ke ajio he hoike maloko o ke pakaukau o ka Makaikiu McDuffie, ua aihueia e kekahi mau paahao i hoonohoia maloko o ka hale■wai i mau kanaka hana. Ehia pule i hala aku nei ua aihueia e kekahi o keia mau paahao i hilinaiia mamna aku he bila o $20 a me ia mau dala i kuai aku ai ia paahao i kekahi aikilima a haawi aku i na makai ame na paahao e ae e paa ana maloko o ka halepaahao o ka halewai. Ma ka auwina la Sabati nei mahope o ka hana ana a ka makaikiu McDuffie ia la ua hoi aku oia i ka hale e ai a e hoomaha, a i ka hoi hou ana ae i kona keena mamua koke iho o ka hora 8 ahiahi ua ike aku la oia i kekahi wahi o kona leeena ua wawahiia a ua loaa koke no ka ike iaia ua komo ia kona keena e kekahi piko pau iole, a i ka huli ana aku ma kahi o na bila dala apuka no lakou ka huina o $500 ua laweia mailoko aku o kahi ana i waiho ai. Ua ninaninauia na paahao ekolu i hoonohoia ma ka halewai e hana ai, a hookahi o lakou i hoike ae i ka mea oiaio nana i lawe ia mau bila dala. Ma ke kakahipka o ka Poakahi nei ko lakou hoihoiia ana aku i ka halepaahao e hoopaa ai a o na paahao maikai a hoopono ka i hoihoiia mai ma ka halewai no ke pani ana ma kahi o na kanaka ekolu i hoihoiia e hoopaa.