Ka Nupepa Kuokoa, Volume LXII, Number 33, 16 August 1923 — NOHO KA HALAWAI A KA EKALESIA O IESU KRISTO O NA LA HOPE NEI MA KA POAONO, LA 4 O AUGATE, 1923. [ARTICLE]

NOHO KA HALAWAI A KA EKALESIA O IESU KRISTO O NA LA HOPE NEI MA KA POAONO, LA 4 O AUGATE, 1923.

| Ua hoomaka na hana ma ka, bora 10 ponoi, Peresidena Nepa ma ka ! noho me kona mau hoa kuka. O ka mua o na hana o ka hui manawalea uo ia i alakaiia e Mrs. 51inewa me kona mau hoakuka elua: ua ku ke anaina e himeni, "Ia Oe ke Akua ka Mahalo"; puleia, a ma ka pau ana o ka pule, himeni hou, "E Hoonani i ke Akua." Ua ku mai o Minewa a hoike mai 1 konā manao iwaena o na lala o ka hui e kaheaia ana lakou e haiolelo, a e hoike mai i kc ano o ko lakou mau apana i noho ai, ka hoomau i na hana ma Waikiki, Kalihi, „Auwaiolimu, Wahiawa, Laie, Manana : o keia na pcresidena i hoike mai i hor 12 ponoi. Noho hou ma ka hora 2 pooi a hoikeia mai e ka Peresidena Nepa. Ua kaheaia ke anaiua e ai iloko 0 kekahi lanai pe'a i hoomakaukauia, ua ai me ka maluhia a lawa, hoomaha he hapalua hora. Noho hou hora 2 ponoi, i alakaiia e ka papa hmeni o Kalihi, pule, a himeni hou, Ku mai ka paeaina a hoike mai, ! ka halawai keia o na luna i loaa ki oihana kahuna; ua hanaia ka hana me ka oiaio, ua kaheaia na luna c hoike i ko lakou mau apana, a he nui aku na hana i hoikeia mai e ka paeaina Nepa. Ekolu malihini mai Kaleponi mai, ua kaheaia c nhaiolelo ma ka olelo namu, a hookuu na hana hora 3:30. Komo mai i ka hora 7:30 p. m. ī ka po, no ka ahamele, nui ka poe 1 komo mai ia po a loaa no na kenkeni $20.15. Ku mai ka Pereaidena Nepa, e hele mai oukou i ka la apopo i ke Kula Sabati, a Hui Opio i ka auwina la, hora 2. Hora 7:30 o ia po, noho hou, ua nui na hana i lawelaweia, haiolelo, himeni, na hookani piano, okana, a pela wale aku ,a hookuuia ia po ma ka hora 9:20, me ka pule a kekahi o na luna. W. K. APUAKEHAU,