Ka Nupepa Kuokoa, Volume LXII, Number 34, 23 August 1923 — E PANIKUTA ANA NA WAHI KUAI WAIONA. [ARTICLE]

E PANIKUTA ANA NA WAHI KUAI WAIONA.

No ka lawe ana mai i na kumu hoohalike, e lawelaweia mai nei ma kekahi wahi ma Amerika, o ia ke panikuia, ua lawe ae ka Loio Amerika Carden, he mau hoopii papa imua o ka Lunakanawai De Bolt, ma ka Poaono aku la i hala, a ua hoopuka mai ka aha i ke kauoha, no ka hooloheia o na hoopii eono i hookoinoia aku e ka Loio Amerika Carden, e ku-e ana i kekahi poe ona waiwai, he eono ka nui, ma ka Ia 3 ae nei 0 ka mahina o Sepatemaba. Mawaho ae o leela mau hoopii eono i hookomoia ae iloko o ka aha, 1 ua makaukau ka Loio Amerilca Carden, me kekahi mau hoopii e ae, 1 hiki aku ka nui i ka elua haneri, e ku-e ana i na ona, no lakou na waiwai ame na hale, i loaa aku aū e kuaiia ana ka okolehao maloko olaila. • O na hale i komoia ai e na luna oihana federala, a hopuhopu i ka okolehao, a i ala mai ai hoi na hoopii ku-e, i na ona no lakou ia mau wahi, o ia kekahi halekuai ma ka aoao ewa o ke alanui Kekaulike, mawaena o na alanui Moi me Hokele, he halekuai ma ke alanui Aala. lie hale ma ke alanui Frances, ma ke alanui Miller, ma ke alanui Moiwahine.