Ka Nupepa Kuokoa, Volume LXII, Number 35, 30 August 1923 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo Walohia

Ko Vekinia Waiwai Hooilina

Hoopuhiliia na Hana a ka Mea Manao

Ino---Kau i ke Aki i ka

Manawa Hope

 

 

@ me ia a’u i hoike aku nei ia oe, o ka mea oiaio loa @ a Rupata o ka pane ana mai. me ka nana pu mai i ka @ke ano kahaha no ke koikoi o ka leo o Vekinia o ia @ @ana aku.  “E pono oe e huikala mai ia’u, e Mrs. Ale@ no ko’u palaka maoli aole i hoike aku ia mea oiaio @amua, ma kela manawa au o ka ninau ana mai, ‘Owai@kahuhanai?’ O keia ka mea oiaio loa a’u e hoike aku nei

 

 

@lilo keia hoakaka a Rupata i mea ho opiha loa aku ia @ Alekanedero me ke kahaha, nolaila puliki aku la oia i ka @ ke kaa no ka paa ana ae iaia i ole e hina iho, a no ke@anawa kana noonoo ana iho e hina iho ana oia iluna o @ @a lilo keia mau mea ho ohikilele elua i mau mea @ loa i kona noonoo, holo ae la hoi ke koko puanuanu ma @kino a puni. me he mea la ua koekoe loa, ke ano o ka @ haalele mai ana ke ola i ke kino. a na aneane loa hoi @ka e haalele mai iaia e hiki ole ai ke oni ae.

@Rupata Hamiletona, ke keiki hanai a Sa Wiliama Hita! @panaha!” wahi aka Lede i nalu iho ai iloko ona:  “He @ poino kamahao maoli keia mahope o ka hoopaaia ana @hoopalau o kuu kaikamahine me keia keiki hanai a Sa @ he mau keiki no a elua na Sa Wiliama!”

@ahi ikaika liilii i koe i pii aku ai oia ahiki i ke kau ana @ke kaa a noho iho la, me ka iini nui iloko ona e hiki @aku i ka hale a noho hookahi oia maloko o kona rumi@ale no, a noonoo iho no na mea a pau ana i lohe ai me ka @naele ole ia aku e kekahi mea.

@ ka helehelena o ka lede i nei manawa me kekahi @ keokeo i hoopiliia aku ma kona papalina, a no ia @ e loa ona ua maka’u iho la o Rupata e poino ana @auanei ka lede, a mihi loa iho laoia no kona hoike ana @ no ia mea.

@ huikala mai la anei oe ia’u?” i ninau aku ai o Rupata @ka aka pu ana aku, iaia i kulou aku ai imua no ka @nopono ana aku i ka uhi o ke kaa mamua o laua.

@he a’u mea iki e ike nei e kupono ai ko’u huikala ana @ ia oe. e Mr. Hamiletona.  He mea oiaio he hana maalo @wale no ia ma kou aoao au i ho omaopopo ole ai, oia @ hoike ole ana mai o ke Sa Wiliama kou kahuhanai. @ i hoike mua mai ia’u no ia mea aole la hoi au e pui@ i kou manawa i hoike mai nei. Ua maopopo no anei ia @ nei o Sa Wiliama kou kahuhanai?”

@ e mama. ua maopopo ia’u. Ua hoolauna mai o Rupata @ ia’u ma keia po iho la maloko o ka rumi a makou i @kai mai nei i na mea hoikeike a na Kepani. a olelo mai @ Rupata ia’u o Sa Wiliama ka kona hoaloha maikai loa; @ aku ua hoike mai no oiala ia’u a ua manao au ua @ @a maopopo no la hoi ia mea ia oe, eia ka aole.” i pane@ o Veki, me kona haohao loa no ke anoe hikiwawe @ makuahine.

@ hoolauna aku anei o Rupata ia oe i ke Sa Wiliama! @la@ nei nae oia i nei po iho la?”

@ e mama. ilaila ae nei a ua ike mai nei oia ia’u a owau @. Ea. e mama. heaha keia kumu ano-e loa ou i nei ma@ Ua ma`i anei oe?  He mea hoehaeha anei kekahi i kou @ a i ole ua hoopuiwaia ae nei kou noonoo no kekahi @ a lele kou hauli?” O keia ka ke kaikarahine mau ninau @ no kona pahaohao loa iho la i kona ike mai i ke ano-e @ o ka helehelena o ka makuahine, no ka mea. ia ma@ ua hele ae ia ko ka makuahine helehelena a aneane like @ ka mea i make.

@Aole o’u ma’i. Makemake loa au e hiki oke aku kaua i @ ke manao nei au aohe maikai o ko’u ola kino. no ka @ ike nei au i ko’u ano niniu a ke makemake loa nei @ e moe ilalo, malia, o ia paha ka mea e pau koke ae @ ano e.” alaila hina aku la oia ihope o ka noho o ke @ ke ano nawali loa i ka Veki ike mai, a ke hapai pu @ no hoi kona hanu ia manawa.

@ la e ukali pu aku anei au ia olua a hoea i ka hale? @make ana no anei olua a hoea i ka hale? E makemake @ anei olua ia’u no ke kokua ana aku ia olua iloko o ka @ o kena pilikia?” wahi a Rupata o ka ninau ana aku me @hoihoi loa ma ia manawa.

@”Aole oe i makemakeia. me ka mahalo,” wahi a Mrs. Aleka@ @ ka pane ana mai me kahi leo nawali. “Aole no hoi @ loa o ka hale mai nei aku, a e hoea koke aku ana no

@ kekahi manawa pokole loa. O ke aloha po no kou a @ aku.”

@ke kanaka opio ia manawa mai oi loa aku kona hauoli ina @mai oia e kau pu aku, aka mamuli o ka leo ana o ka @ aku i ka lede ua loaa ole ke kuleana iaia e hoopaakiki @ ai. nolaila i ka holo ana aku o ke kaalio, mahope o @ ana aku i ko laua ala holo. huli mai la oia e hoi noloko @hale nui a nani o ka ohana Danafota. me ke pahaohao @ @ no ke kumu o ko ka Lede Alekanedero ano-e hikiloa ana. mahope koke iho no hoi o kona hoike ana aku o @ @ita kona kahu hanai.

@ kela hoi ana aku a Mrs. Alekanedero ma no ko laua @ wahi huaolelo hookahi i puai ae niai kona waha; @ keia ma ka manawa a Rupata i hiki aku ai i ka @mahope mai. a ia hoea ana aku i ka hale. noi koke ae la @ kaikamahine e hoihoi pololei aku iaia iloko o kona rumi @ iaia malaila aole e hele aku o Veki e ho ohaunaele iaia. @ ua lehulehu na manawa a Veki o ke noi ana aku iaia @ mai e hana aku i kekahi mea nona, a i ole e noho pu aku @me ia ia po a ao.

@”O ka’u wale no e makemake nei o ka loaa o ka manawa @ loa no’u e hooluolu a e hiamoe ai me ka hoonioni ole ia @ a i ole walaauia mai.” wahi ana o ka pane ana mai I ke kai@ahine. “O ke aloha po no kou e kuu milimili.”

@ aku la ke kaikamahine e honi. me ka eha nui o kona @ no ka loaa ana o ka makuahine i kela ano-e. a no ka ae @ mai iaia e noho. pu me ia iloko o kela manawa kupilikii. @ Veki i oili mai ai a hoi aku la noloko o kona rumi moe @ahi mea nui a ka makuahine e noonoo ana a i lilo ai hoi @ ho onaluea loa i kona noonoo. oia hoi, pehea ana la oia @mailio mai ai i ke kaikamahine o ka ipo ana e aloha ana @ kiki hanai no ia a kona makuakane ponoi, a o ke kahu @ o Rupata o kona makuakane ponoi no ia. ke kanaka i @ loa mai ai iaia a i hana mai hoi i ka hana me ka loko@ i kana wahine ame kana kaikamahine he umikumama@ makahiki a oi aku ia manawa.

@ oia maloko o kona rumi, a me ia paa no hoi o kona@ ho opumehana me ka wehe ole ae, hele aku la oia’a m akahi @ pakaukau kakau, huki mai la i ka ume, a lalau iho la i @ @ @ a lawe mai la a ma kahi o ka ipukukui a @wehe ae la, a hoomaka iho la ka nana ana i na mea ma@ i wa-hiia ai.

@ hoakaka iki aku ka meakakau: o keia ope pepa a Vekinia @ mai la mailoko mai o ka ume o ke pakaukau: o keia ope @ a Vekinia i lawe mai la mailoko mai o ka ume o ke pa@ o ke ope pepa hookahi no ia a ka anakala ona, Mareko Alekanedero, i haawi ami ai iaia mamua iki iho o ka haalele ana mai o ka hanu ola iaia ma kela manawa ona o ka huli ana a loaa o Vekinia, a hoi ae ai e noho pu me ia ahiki i ka manawa hope loa, a i kauohaia mai ai o Vekinia e malama loa ia opepepa no ka haawi ana aku i ka ona nana ia waiwai, ina no ka loaa nei.

            Ma kei apo iho la, mamua o ko Vekinia makau ana iluna o ke kalio, i ike aku ai oia i ka hoailona ame na huapalapala e kau ana ma ka puka o kekaa lio i holo hou mai ai e kii ia Liliana, he mau huapalapala hoi i kulike loa me ka inoa e kau ana mawaho o ke ope pepa a Vekinia e nan nei, a e loaa ana iaia ka ona nona ia waiwai ma nei hope iho, elike ma ia au, e ka makamaka heluhelu e ho okolo mai ai i ka hele ana o ke au o ka moolelo.

            Kau ae la oia i ke sila i kuniia mawaho o ke opepepa a kokoke loa i ka ipukukui, I hiki pono ai iaia ke heluhelu iho i na huaolelo i hoopaaia, oia hoi he Kea me na huapalapala “Droit et Loyao” malalo iho, he hoailona no ke poo ohana o ka wa kahilo.

            “Kamahao maoli ko`u ike ana i keia mea, o ka makamua loa keia!” wahi ana o ka namunamu wale ana iho no iaia iho.”  Na kela kaikuahine ka o Sa Wiliama keia opepepa, kela wahine i hoino a i ho owahawaha loa mai ai ia`u; kela wahine no hoi a`u i ho opakele ai mai kela make weliweli mai, a i lilo ai no hoi au i kahuma`i nona iloko o kela manawa ona e ma`i ana me ka nawaliwali loa.  He make kona, ina he like ko`u manao me kona manaoino, aka aohe like o ko`u naau me kona; ua aie nui oia i ko`u lokomaika i , a ina paha he mea e aku ka`u i ho opakele ai e haawi mai ana oia i na hoomaikai he nui ia`u, mahope iho o kona ike ana i ka nui o kona aie ia`u.

            Me he la na kekahi o na wahine e noho ana maloko o ka rumi a Anakala Mareko i noho ai. a Mareko hoi i lohhe aku ai i ko laua kama ilio ma ka manawa ana e heluhelu ana maloko o ka rumi ho okipa o ka hokele ma Ladana nei keia opepepa haule.  He kupanaha mao@ no ka haule ana o kekahi mea a kela wahine a komo mai iloko o ko`u lima-he keu aku a ke kupanaha o na mea apau, ko Veki ho opalau ana me ke keiki hanai a kona makuakane ma kei apo iho la! Pehea aku ana la ka hopena?

            “He keu aku a ke kupanaha ke noonoo iho iloko pu o kela hale ke Sa Wiliama i keia po iho la oiai no nae au malaila! He keu aku a ka mea phaohao ke noonoo iho no keia mau mea a pau i ikeia ma keia ahiahi!” a ke hoomau la no hoi oia i ka lolelole ana i ke opepepa ana e paa ana, me ka noonoo nui no na mea i hanaia o ka wa i hala a e mau ana no hoi ka makamaka hou iloko o kona noonoo ia manawa.

            Mahope o kona milikaa ana i ke opepepa no kekahi mau minuke, olelo iho la: “Hookahi wale no hana i koe o ka hoihoi aku i keia opepepa i ka ona pololei nana ia, a e pono e hoihoiia aku i kekahi manawa kokoke ma nei mua iho.

            “Ae, e hoihoi hou ia aku ana iaia ma kela la e ku iho ai kuu kaikamahine maluna o ka papahele o na holo o kela hale kahiko o ka ohana Hita, ka ona a ho oilina wahine pololei hoi o ka Hitadena, aole mamua ae; a ia manawa e ike iho ai kela wahine hhookano a hookiekie aole ke kaikamahine Amerika i noho ma na aina mauna o Nevada .ka mea hoi ana i kapa mai ai he wahine haahaa a i kupono ole hoi e lilo i wahinemare na ke kaikunaneona, he mea paani wale ia. a he mea hohewale hoi a haawipio wale aku mamuli o kana mau hana ho opilikia lehulehu.”

 

 

MOKUNA XLIV.-Ka hele `Ana me ka Hikiwawe I.oa.

 

 

Ma kekahi kakahiaka ae kipa aku la o Mr. Kakina, ka loio a Mrs. Alekanedero i ho olimalima ai no ka lawelawe ana i kana hihia e ike`iaia, a no ka hora a oi ko laua kukakuka ana ma na mea e pili ana i ka hihia koi a Mrs. Alekanedero i ka waiwai o Sa Wiliama Hita no ka holo ana mai maluna o Veki, kana kaikamahine.

            I kapau ana o ka laua kukakuka ana a hoi aku la no hoi ka Loio Kakina, huli aku la o Mrs. Alekanedero ia Veki, a me ka helehelena kuoo hoakaka aku la i ke kaikamahine i ke ano o ka hihia e laweia aku ana e ka loio imua o ka aha, a ua lilo hoi ia mau hoakaka a ka makuahine i mea no Veki e hoopihaia aku ai me na manao kahaha, a hooho ae la me ka leo nui i ka I ana mai:

            “Ea, e mama, o kena kekahi o na moolelo kupahana loa a`u i lohe ole ai i kekahi mea i like me kena mamua!”

            “Pela?  Ua lohe aku la oe.  nolaila e hoomakaukau mai oe ia oe iho elike me ka hikiwawe e loaa ana ia oe, a no ka mea e haalele iho ana kaua i keia kulanakauhale i keia auwina la, aohe manawa e hoopoho wale ia me ka waiwai ole. aohe hoapaapa ana iho no ka mea, ua kokoke`loa ka manawa no ka hana o ka hihia a Loio Kakina i hele mai nei e hoike ia`u,” wahi a ka mukuahine o ka pane ana mai, a ku koke ae la oia iluna no ka hoi ana aku iloko o kona rumi moe no ka hoomakaukau ana iaia iho no ka huakai a laua e hele aku ana.

            “E mama, heaha ka`u e hana aku ana no Rupata, e koi aku anei au iaia e hele pu me kaua, a i ole e hoike aku paha iaia i ko kaua wahi e holo aku ana a nana no ia e holo ae mahope?” i ninau ae ai o Veki i ka mama, me ka maikai ole o kona helehelena no kona haalele i kana aloha mahope.

            I ka lohe ana mai o ka makuahine i ka inoa o Rupata kulou iho la kona mau maka ilalo.  I ka po mamua iho, mamuli o ka nui o na mea ho ouluhua i kona noonoo, a mawaena o ia mau mea hoouluku nui loa iaia e hiki ole ai e pili iho kona maka a e hoohia-a mau ia ana hoi no kekahi mau hora loloa o ka po, o ka hoopalauia ana o Veki me Rupata kekahi o ia mau meahoouluhua nui iaia, no ka mea i ka manawa i maopopo ai iaia o Sa Wiliama no ke kahu hanai o Rupata, a o ka makuakane hookahi no hoi o Veki, ike iho la oia i ka haulili maoli o ka “Ai a Kawele-a”, oiai hoi he hana nui kana i nei manawa i makaukau loa oia no ka hoonee mua ana aku`i kana koi i ke kuleana o kana kaikamahine i ka waiwai o Sa Wiliama Hita.  

            “Hookahi mea pono ia oe e hana ai, e kakau iho oe i leka a hoouna aku iaia, e hoike aku ana mamuli o ka hana hiki ole ia kaua ke hoopupu hou iho, a e ka awale aku ana kaua i kekahi wahi no kekahi manawa, aia a maopopo ia kaua ko kaua wahi e hele aku ai, a maopopo hoi ka hopena o ka kaua hana, ia manawa e hoakaka piha hou mai ai iaia i na mea apau, pela oe e hoike aku ai,” mahope o ko ka makuahine noonoo ana no kekahi manawa no ka Veki ninau.

            Nolaila, i ko Rupata hoea ana ae i ka hale ma ia ahiahhi iho. o ka leka wale no ke kakali ana no kona hiki aku, ua lele mua na manu, a mahope o kona heluhelu ana i ka leka i loaa ai iaia ka ike no ka VVeki ma hana i hele aku ai me ka hikiwawe loa, a ma kahi o ka lamalama o kona helehelena, ka hoihoi no hoi ame ka hiohiona minoaka ma kona mau papalina, me ka manaolana mau e ike mai ana oia i na maka o kana aloha. he helehelena o ka hoka ka mea i ikeia nona i ka manawa ana i ike ai ua kahea koke ia mai kana wahine ho opalau ame kona makuahine e haalele koke iho ia Ladana no kekahi hana ano nui, a e hala ana paha he pule a loihi iki aku paha ma kahie, no ia hana.

            “He keu aku hoi hha a ka mea kupanaha, aohhe o Veki i hoakaka maloko o keia leka i ka laua wahi i hele aku ai, a ina nei no ko`u holo aku e imi ia laua ihea la au e lalau hele aku ai? Eia no hoi kekahi, ma ka po aku la i hala he ano e loa ka Mrs. Alekanedero hana i ka`u nana aku.  Malia paha no ka Mrs. Alekanedero hana nui e noonoo ana ma ka po aku la i hala ko laua kumu o ka hele koke ana aku la?”

            Me ka naau i hookaumahaia, a me ka helehelena hoi i like ole ka moahala me ko ka manawa mamua aku o kona hele ana mai. @oi aku la oia no ka hale, a iaia e hoi la hooholo iho la oia i kona manao e huli aku oia a loaa kona kahuhanai, ke Sa Wiliama Hita a hoike aku iaia i na mea apau no kona ho opalau ana me Veki, ke kaikamahine a Mrs. Alekanedero.

            Aole i hooko koke ia keia manao ona, no ka mea, iaia i hiki aku ai i ka hale aole i loaa aku kona kahu hanai iaia ua hala aku oia no kekahi hana ano nui i kaheaia mai ai oia, o ke kauwa nae ka mea i loaa aku iaia i ka hale, a nana i hoike mai iaia aole e hoi-koke mai ana ke Sa Wiliama ahiki i ke ahiahi no ka mea. He hana nui kana o ke kaheaia ana mai.  No keia nele, hoi aku la holoko o kona rumi moe, a hoomaka iho la e heluhelu no ka ho onalonalo ana i na manao hoouluku iaia e haupuupu mau ae ana no Veki kana aloha, a no ka hiki pono ole iaia ke heluhelu waiho aku la i ka buke a hele aku la e holoholo iloko o ke kihapai no kekahi manawa, me ka noonoo nui no kana mea e hana aku ai ma kekahi la ae.

            Ma kekahi kakahiaka ae, mahope o ka pau ana o ka aina kakahiaka, i ae la i ke kahu hanai ona me kahi leo liilii, e lohe ole ia mai ai e ka Lede Linetona ame Liliana:

            “E ae mai ana anei oe. e Sa Wiliama, e kama ilio pu kaua no kekahi mau minuke kaka ikahi ?”

            “Me ka hauoli ke haawi aku nei au i ka ae, e kuu keiki.  E komo mua aku oe iloko o ka rumi waiho buke a kakali mai ia`u no umi minuke. e hoea aku ana au malaila iloko o ia manawa,” wahi a Sa Wiliama.

            No ko ka Lede Linetona ano, he makaala mau oia no na mea ano kupanaha a pohihihi o keia ano, na kuka ana mawaena o Sa Wiliama ame Rupata no kekahi mau manawa lehulehu mamua aku ua pau wale no iaia i ka lohe ia na mea i ohumuhumu ia mawaena o laua nei, nolaila ma keia manawa a laua i kukakuka ai ua paluia iho na manao hoohuoi iloko o ka lede. a ua lohe pono no hoi oia i ko Rupata mau manao mahope o kona hoolonolono ana me ka ma-lu loa mai kahi aoao mai o ka rumi a Rupata ma e kama ilio ana.

            O ko Sa Wiliama rumi moe aia mahope aku o ka rumi hoahu buke, aohe nae he puka e hemo mai ai mai ia rumi moe mai a i ka rumi hoahu buke.

            O ke paipu wai wela nae e ho opumehana ai ia mau rumi a elua ua hoohuiia mai kekahi a i kekahi ; i ko ka Lede Linetona manawa i komo ai iloko o ka rumi moe o ke kaikunane ua pili mai la oia ma kahi kokoke loa i kahi e noho ana o Sa Wiliama a me Rupata, oiai laua e noho ana ma kahi kokoke i ka paipu waiwela ho opumehana , no ka mea. ua maopopo i ka lede maalea o kahi noho mau ia o ke kaikunane ke komo oia iloko ia rumi, a he wahi hoi e hiki pono ai iaia ke lohe i na mea a pau e kamailioia ana mawaena o Sa Wiliama ame ke keiki.

            I ka Lede Linetona i komo ai iloko o ka rumi papani aku la i ka puka a paa a laka aku la, alaila nihi malie loa mai la ka hele ana ahiki i kahi ana e ike ana aia malaila na kanaka kahi i u noho ai, a hoopili mai la i kona pepeiao i ka paia o ka hale.

            Ma keia manawa a ka lede i komo mai ai a noho ua hoea mua ae ke Sa Wiliama iloko o ka rumi hoahu buke a e u noho ana me ke keiki, no ka mea no kekahi mau minuke ko ka lede kaohiia ana e ka wahine malama hale no ka ninaninau ana mai iaia no kekahi mau mea e pili ana i kana hana, eia nae, ua hoea ae ka lede a hoolono mai la i ka manawa kupono loa e lohhe mai ai oia i na mea apau e kamailioia ana mawaena o na kanaka.

            “I makemake aku nei au ia oe, e Sa Wiliama, no ke kuka pu ana me oe, a no ka hoike pu ana aku no hoi kekahi i na mea oiaio a pau i mea nou e lohe ai, a i lohe aku ai hoi au i kou manao,” wahi a Rupata o ka hoomaka ana ae e kama ilio , i kona haule ana iho a noho iho la ma ka aoao o ka makuakane.

            “No ke kuka a hoike ana mai ia`u i kekahi mea? Heaha ia mea au i makemake ai e kuka mai me a`u?” wahi o ka ninau a ka makuakane.  “Ke manao nei au aohe no hoi paha heh manao koikoi loa ea?”

            “Ke manao nei au he manao koikoi loa keia, aka nae hoi, aia i kau ho olohe ana mai.  Eia ua mana ola a`u i makemake ai e hoike aku ia oe a, ua nui kuu aloha ia Miss Alekanelero, ua pipili loa ko`u naau iaia. A ua hooholo au i kuu manao oia aku ana ka`u wahine e mare ai, ke ae mai nae hoi oe, no ka mea, e ike iho no oe, o oe ko`u makua a kahu hanai, he kuleana nui kou maluna o`u e hiki ole ai ia`u ke hana aku elike me ko`u manao. o ua kaikamahine la oia no ka mea a`u i hoolauna aku ai ia oe ma ka po aku la i hala, a e noi aku ana au ia oe no kou apono ana mai ame ka ole no ko maua ho opalau ia nei.”

            “Aha!  E kuhi ana au he launa wale iho no la ko olua ma ke ano he mau hoaloha, eia ka ua hookuonoono loa ahiki i ko olua ho opalau ana, oia anei?  Ua loaa no he hoohuoi ia`u o ia ano i kuu wa i ike aku ai ia olua maloko o kela rumi e lilo ana oe i pio nana me ka lilo holookoa o kou noonoo, kou kino ame kou puuwai iaia, eia nae aole au i manao e hoea aku ana i kahi e hookuio loa ia ai a hoopalauia olua,” wahi a Sa Wiliama o ka pane ana aku:  

            “Aole anei ou manao, ma ia manawa au o ka ike ana iaia he kaikamahine huapala oia, a he mea kupono hoi e alohaia e kekahi kanaka opio elike me a`u nei, a he kaikamahine kupono loa hoi e lilo mai i hoapili no`u no na kau a kau?”

            “O, sure, he kaikamahine ui loa oia i kuu manao, a ua kupono loa no hoi e lilo i mea aloha nau ; aka nae, auhea oe, a he wahine Amerika oia, e hiki mai ana auanei ka la e huki ai ko wahine ia oe a ka awale aku oe mai kuu alo aku, a e hoike aku au ia oe i keia aole hiki ia`u ke ho omanawanui a uumi hoi i ke aloha no kou hookaawaleia mai ia`u aku.”

            “Pela pu ana no me a`u, aole hiki ke ho omanawanui i ke aloha nou, e kuu kahu hanai, aka nae, ke hooiaio aku nei au imua ou aohe au mea e maka`u iho ai. no k amea, ua pau mua ia mau mea ia maua i ke kukaia, wahi ana o ka hoike ana mai ia`u, aohe ona ku-e i ka noho paa loa iho ma Enelani nei, no ka mea, wahi ana, no Enelani nei no kona makuakane.  Ke manaoio nei au aole no oe e ku-e mai ana i ko`u mare aku me Miss Alekanedero, pela ana anei?”

            E Rupata, kuu keiki,” wahi a ka makuakane.” o ka`u mea wale no e makemake nei oia ko`u ike aku e ola mai ana oe me ka hauoli, a ina o Miss Alekanedero ka wahine au i koho ai, ua maopopo ia oe oia wale no ka wahine au e mare ai e loaa ai ia oe ka noho hauoli ana a e loaa ole ai kekahi mea nana e hoehaeha mai i kou noonoo, o ka`u wale no e puana ae i nei manawa na na Lani e hoopomaikai mai ia oe a e haawi pu mai hoi ia oe i na pomaikai a pau au i makemake ai ma nei mua aku.  Ina ua maopopo ia oe he hoa kupono loa ia nou no keia ola ana ke haawi aku nei au i kuu ae mailoko lilo ae o kuu puuwai.”

            “O.  me ka mahalo nui ia oe, e Anakala Wile.  He manaolana mau ko`u aole no oe e hoahewa iho ana ma nei mua aku no ko`u koho ana ia Miss Alekanedero i wahinemare na`u, a no ka mea, ma kona mau ano a pau a`u i hakilo aku ai ua ike aku au i kona mau ano maikai. he naauao, a he akahai oia ma na ano apau.” waa Rupata. me ka haka pono mai o kona nana ana ma n amaka o ka makuakane, me he mea la i kana noonoo iho aia kekahi manao nui iloko o kona kahu hanai kahi i nu ai.

            Ahiki mai i nei manawa aole i maopopo iki i ke Sa Wiliama o ke kaikamahine a Rupata i makemake a i hoopaa ai hoi iaia ma ka ho opalau o kana kaikamahine ponoi no ia.  Ia Rupata a i `oopaa ai hoi iaia ma ka hoopalau o kana kaikamahine ponoi @o ia.  Ia Rupata i ninau mai ai iaia no kona hoahewa no keia @oopalau ana o laua. Pane. Aku la oia i ka i ana aku:

            “O, aole o`u hoahewa, ua nui pu ko`u makemake i ka lede opio iloko o kela mau minuke pokole a`u i noho pu ai me olua ma kela po aku nei.  I ka`u nna aku iaia he kaikamahine ui maoli oia e nele ole ai no ka hihia o ka noonoo o kekahi kanaka opio keike aku, a me he mea la, oia no paha kou mea i hoohihi ai no kona u`i.  O ka noonoo mua loa iloko o`u he la e hiki mai ana e kailiia aku ana oe mai a makou aku, a ke ike e nei no au i ka hookoia o ia manao koho o`u.”  

            “No kou hopohopo o kaili aku oia ia`u a ka awale au mai a oukou mai aole oia e hana ana pela. Aohe no ona manao e hoi hou aku i kona onehanau : hhe oiaio he Amerika oia ma ka hanau ana, aka nae he kaikamahine Pelekane no oia no ka mea he kaikamahine Pelekane oia ma ka aoao o kona makuahine, a o ke kumu o kona hoea ana mai nei me kona makuahine no ke koi ana aku no ia imua o ka aha ho okolokolo i ka waiwai o kona makuakane i kupono loa e holo mai maluna ona.”  wahi a Rupata o ka hoakaka ana ae.

            “Alaila aohe ona makuakane e ola nei i nei manawa, oia anei?”

            “Aohe ona makuakane. i mai ia`u ua make ka kona makuakane i kona manawa e bepe loa ana no.”

            Ia manawa noonoo iho la o Rupata ke ae loa aku la oia ma o aku o ka mea huna i hoikeia mai ai iaia : ike iho la oia i kona hewa no kona hoike ana i ka mea i kupono ole nana e hoakaka aku, no ka mea, he moolelo ia i hoikeia mai iaia me ka manao o Mrs. Alekanedero e nalo ana iaia ahiki i ka hookoia ana o ke koi a Mrs. Alekanedero imua o ka aha hookolokolo, nolaila hoopau ae la oia i kana kamailio hou ana aku i kahi mea ia manawa e ahuwale loa aku ai ia Sa Wiliama oia ka mea nona ka waiwai a Mrs. Alekanedero e koi ana imua o ka aha.  

            “Ua maopopo no anei ia oe o kela ohana au e hui a e lilo aku ana i lala he ohana ia e haaheo ai oe a i ole e hoohilahilaia ai paha oe?” i ninau aku ai ke Sa Wiliama Hita.

            “He liilii loa kahi ike i loaa ia`u e pili ana no kela ohana e lawe pono ole aku ai ka`u haina no kau ninau, e Anakala Wile.” wahi a Rupata.  “Eia nae, ma ka`u mau mea maopopo i ike ak ui kela mau lede.  ma ke ano o ko laua noho ana, ke ano o ko laua mau aahu.  ke ano o ka laua launa ana, he mau ohana kiekie loa ko laua a he mau lede hoi i hoonaauao kiekie loa ia, e hiki ole ai e loaa ia ha awina makai i ka poe ulakolako wale no, no ia mau kumu au i manao ai ina no ko`u lilo aku i lala no ia ohana aole no e nele ana ka loaa o ia mea he hauoli o ke ola ana.

            “Ia`u ma Amerika ua hui au me Mr. Naita, kekahi o na kanaka lalawai o ia aupuni.  He kulana kiekie kona e paa ana maloko o ke kulanakauhale o Nu Ioka, nana i hoolauna mai ia`u ia Miss Alekanedero. a ma kana mau mea o ke kama ilio ana mai ia`u e pili ana no keia ohana.  he mau lede kiekie loa laua me ka loaa ole o kekahi wahi kiko eleele maluna o laua, a mamuli o kana noi i ka ohana Danafota i hoolaunaia mai ai laua ianei, a e manaoia hoi o na Danafota ke kamaaina ma Ladana nei no keia mau lede, a o ka ohana Hatinetona na hoaloha o Mr. Naita na kamaaina o keia mau lede oiai laua e noho ana ma Ladana nei, elike me ka noi a Mr. Naita.

            “No ka ohana Hatinetona aole pilikia no laua.  ua ike laua i ka poe maikai, aole laua e hoolauna mai ana i kekahi mea a laua e ike ana i ka maikai ole e loaa ai kekahi mea e hoohuoiia ai,” wahi a Sa Wiliama me ke apono ana mai.  “He wahine ni no anei ka Lede Alekanedero elike me kana kaikamahine?” wahi a ka Sa Wiliama ninau hoomaoe , me ka aka iki ana iho.

            “Aohe paewa o kekahi o ko kekahi i ka`u nana aku, me kau i ke ano aoo o Mrs. Alekanedero a ano alua iho la hoi kona mau papalina, he oia mau kona wahine @’i,” me ka pii iki ana ae o ka ula mana papalina o Rupat,” o kekahi oia o na lede ui i ka`u nana aku, mohaha kona mau maka, oluolu kona ano ame kana olelo ana me ka naauao : hhe kaka ikahi loa o na wahine ma Pelekane nei i like aku me kona ano, a ke lana nei ko`u manao e hiki ana no ia`u ke hoomakaukau i kekahi manawa kupono no ka hookamaaina ana ia olua ma keia mua koke iho, ke ae maikai mai nae na lani ; aka nae, aia ahiki mai ia manawa, ea. e oluolu hoi oe e hunakele loa ia oe wale iho no keia mau mea apau a`u i hoike aku nei ia oe, i ole hoi e lohe wale ia e kekahi poe okoa aku,” eia nae, iaia e manao ana pela ua pau loa ka laua mau mea o kekamailio ana i ka loheia e ka Lede Linetona ma kekahi rumi mai.

            “A. ke ike aku la au i kou manao, oia hoi aole ou makemake e hoike koke ia ae kou ho opalau ana me Miss Alekanedero, oia ea?” i ninau aku ai ka anakala me ke ano kahaha iloko ona no nei manawa nae ahiki i ka manawa kupono ana e ike ana, oia hoi ahiki i ka loaa ana o ka waiwai ana e koi nei imua o ka aha a lilo mai i kana kaikamahine, o ia ka waiwai o ka makuakane o Miss Alekanedero, elike me ia a`u i hoakaka mua aku nei ia oe.”

            “Pehea ka nui o kela waiwai ho oilina e holo aku an ai ko wahine ho opalau ?” wahi a ka ninau a Sa Wiliama.

            “Aohe hiki ia`u ke hoike aku.  O kekahi no hoi aohe au i maopopo i keia waiwai e koiia nei,” i pane mai ai o Rupata.

            “Ma ko`u manao iho la aia kekahi moolelo pohihihi e pili ana no ka hana a keia mau lede o ka holo ana mai nei no Enelani nei.  Aole anei ou noonoo iho pela?” i ninau aku ai ke kahu hanai me ka hoohuoi nui iloko ona no ka mea oiaio hoopahaohao.

            Ua maopopo no ia Rupata ka nui o ka waiwai a Mrs. Alekanedero e koi ana a oia mau waiwai a pau o Miss Alekanedero ka ho oilina o ia mau waiwai, eia nae, hoohunahuna iho la oia me ka hoike ole mai a i mai la :

            “Aole o`u manao he nui kela waiwai e koiia mai ana. aka na ka hopena o na mea e hanaia mai ana e hoike mai ia kakou e loaa ana paha aole paha.”

            Oiai ka Lede Linetona imihala e hoolono mai ana a lohe i na mea apau i kamailioia mawaena o Sa Wiliama ame Rupata, a ua oi aku no hoi ka mea ana i ike mamua o ka Sa Wiliama ame Rupata, mamuli o ka Mrs. Alekanedero mau mea o ke kama ilio ana mai iaia. ma kela manawa i ma`i ai oia ma kela ulia kaaahi.  A mai ka waha ponoi aku no hoi o Mrs. Alekanedero ma kela la hope a ka awale ai o Mrs. Alekanedero mai ka Lede Linetona mai. ua like oia me kekahi mea i maule a e make aku ana mamuli o kona ho omaopopo ana iho ua kokoke loa mai ka manawa e ku ai oia ma ke kae o ka lua a huaiia ae kana mau hanaino a pau i hana ai me ka manaoino ia Mrs. Alekanedero, ka wahinemare a Sa Wiliama.

            Ia manawa kikeke mai ana kekahi mea mawaho mai o ke pani puka o ka rumi, kahi a Sa Wiliama ame Rupata e u noho ana. a hemo koke mai la no ke pani puka a ku ana o Liliana ma ka puka me kona lima i piha me na pua rose, he aahu keokeo kon e komo ana ia manawa me kekahi lipine ohelohelo ma kona puhaka. a he helehelena o ka mea i piha me ka hauoli ia ike ana mai ia Rupata e noho aku ana ke paani ana ma kona mau maka ke ano hoomahie.

            “E huikala mai oe ia`u e Anakala Wile, no keia komo kamako ana mai la au iloko o keia rumi me ko`u ae ole ia, aole au i manao eia la hhoi olua iloko nei ina aole no au e komo mai.  O ka loaa koke ana mai la no ia o keia mau pua ia`u. ua hookomoia iloko o kekahi pahu, a i komo mai la au iloko nei no ka ho okomo ana i kekahi mau pua iloko o ka ipu pua.  E aeia mai ana anei au e komo aku?  Aole no au e liuliu a oili hou iwaho ke pau ka`u hana ana i na pua.”

            “Ua aeia oe, komo mai.  Ua paluaia iho kou hookipaia ana mai me ke aloha mamuli o kou komo ana mai la me kena mau pua nani a moani ke ala,” i pane aku ai ka anakala mo ka mino. aka.  

O    ka Rupata kua e la no ia iluna i ua o Liliana i komo loa mai ai, a ninau aku la me ka helehelena hoihoi :

(Aole i pau.)