Ka Nupepa Kuokoa, Volume LXII, Number 36, 6 September 1923 — E A'O IKAIKA I NA KEIKI O LILO KA LAKOU HANA HEWA I MEA NAHU MAI. [ARTICLE]

E A'O IKAIKA I NA KEIKI O LILO KA LAKOU HANA HEWA I MEA NAHU MAI.

E na makua mea keiki, e a'o ikaika i ka oukou mau keiki aole e maauhele wale maluna o na alanui ma ka po, a i ole maloko o na hale pahupahu, 'a maloko paha o na hale kiionioni, no ka mea, ina e pa#ana kekahi keiki i ka hopuia ma nei mua aku, a ma ka manawa e ninaniuia ai o ke keiki imua, o ka aha hookolokolo o na opio a akaka no ka makua ka no ka hoohemahema a hookuukuu wale e hele auwana maluna o na alanui ma ka po, e nanahu mai ana ke kanawai i ka makua ma ke ano he hewa mikamina ia no ka makua, a e kauia mai ana ka hoopai elike me ka hoopai a ka aha e kau mai ana. He pule a oi i hala aku nei he kanalima ka nui o na keiki maauhele o ka po o ka hapukuia ana ae e na makai hopuhopu kamalii a kukuku ae imua o ka aha o na opio; he elima o ia mau keiki i hiliia i ka huipa mamuli o ke kauoha a ka aha, eha i hoihoiia aku i ke Kula Hoopololei o Waialee, a hookuuia kekahi mau keiki.

He nui a lehulehu wale na hana kolohe a na keiki elike me na hoopii hoohalahala i komo ae i ka aha; he hoonou pohaku kekahi hana kolohe a na keiki i na kaupaku hale; he kuamuamu a hana wale aku ka kekahi poe i ka poe e holo ae ana maluna o na lanai o ka hale i ka po, a he uwa kekahi mau hana hoonaukiuki a lakou me na walaau ano ole maluna o na alanui ma ka po. O na keiki e ikeia ana e hele ana maluna o na alanui a maloko paha o na halekuai a mau halekii onioni mahope iho 0 ka hora 8 o ka po e paa ana lakou i ka hopuia ke loaa aku me ka nana ole o na makai i ke kulana o na makua na lakou ia mau keiki hookuli, a e hookolokoloia ana lakou, a, ina i ku ka hewa ma ka aoao o na makua no ke a'o ikaika ole i na keiki, a 1 ole ua a'oia no paha, aka ua hoolohe ole nae na keiki, e kauia mai ana ka hoopai maluna o ka mea i pili i ka hewa, ina 0 ke keiki paha ia a i ole o ka makua paha. Mai hoopailani i na keiki.hookuli a kolohe, e pono e a'oia lakou me ka ikaika, a i lohe ole ke keiki, e hoopaa aku iaia i ke kuja hoopololei o Waialee no kekahi mau makahiki ahiki 1 kona oo ana, malaila oia e a'oia mai ai i na ano hana apau e lilo ai oia i kanaka waiwai o ke ola ana ma nei mua aku, malia o kona wahi ia e a'oia mai ai apau kona mau ano kolohe, a lilo oia he makaainana maikai ma nei mua aku; e aho ia mamua o ka nanahu ana mai o ke kanawai ia oe, e ka makua mea keiki. Ma ka hoomaopopo ana aole makua i nele i ke a'o ikaika i kana keiki, aka f ka manawa e alo ae ai o na maka o ka makua, a oiai o ka makemake mau ia o na keiki kolohe, a i ka huii ana aku me kekahi mau keiki i like ke kolohe me kona, ua hana aku la na keiki elike nie ko lakou makemake, he makemake nae e hoopoino mai ai iaia a i ole i ka makua paha. 'Vh a'o aku i ke keiki i ka aoao maikai, a oo oi& aole oia e huli mailaila ae," wahi a Solomona ka Noeau.