Ka Nupepa Kuokoa, Volume LXII, Number 36, 6 September 1923 — Paa He Mau Keiki Aihue I Ka Hopuia O ka Hale o Kiaaina Frear ma Punahou ka i Komoia ma ke Aumoe KIIA AE HE MAU POKA I KA LEWA Hoppuiwaia ka Poe e Noho Kokoke Mai Ana i ka Loke Ana i ka Pu [ARTICLE]

Paa He Mau Keiki Aihue I Ka Hopuia

O ka Hale o Kiaaina Frear ma Punahou ka i Komoia ma ke Aumoe

KIIA AE HE MAU POKA I KA LEWA

Hoppuiwaia ka Poe e Noho Kokoke Mai Ana i ka Loke Ana i ka Pu

Iloko o na hora poniponi o ke kakahiaka onehinei, ua paa ae la i ka hopuia e na makaikiu kekalii mau keiki opiopio maloko o ka home o ke Kiaaina mua Frear, a ua manaoio, o keia mau keilei opio na mea na laua i lawelawe kekahi mau hana aihue ma na kauhale o Punahou ame kekahi mau wahi e ae o ke kulanakauhale nei. 0 na opio i paa ae, oia no o Joe Medeiros, 19 makahiki, ame Knagi Uie.hi, he 15 makahiki, ho mau keiki i mahuka mai ke kula hoopololei mai o Waialee, a o ke kolu ua holo aku. Ua waihoia aku kekahi mau hoopii imua o ka oihana makai no ke komo, aihueia ana o kekahi inau hale e pili kokoke ana i ko Frear hale ma ke alanui Punahou ame lee alanui Dole, ma kekahi manawa o keia pule. Ma kela po aku la, ua hoea aku na makaikiu Swift, Louis ame St. John no ka hakilo ana, a o ka mea i halawai mai ma ka lakou huakai, o ia no ka loaa ana aku o kela poe keiki maloko o ka hale o Frear, a paa ae he elōa o lakou a pakele aku kekalii. O ke leumu o ka loaa ana o kela poe keiki i na makaikiu mamuli no ia o ko lakou ike ana i ka a o ke kukui maloko o kela hale, no ka mea ua maopopo- i ka oihana makai, aoh< o Frear ma maloko o. kel.a hale i kōla po, a no ka mea aia oia ame kona ohana ma kona home kuahiwi kahi i noho ai.

Ua hoao kela poe keiki e loaa ia lakou ka lanakila mai na makaikiu aku ma o ka lele ana ma ka pukn aniani a lakou i wehe ai i ko laleou wa o ke komo ana iloko o kela hale, eia nae ua paa kela hale i ka hoopuniia e na makai, aka, ua pakele aku he hookahi o lakou. Ua alualu aku kekahi o na makai i l' mea i holo aku maloko o na pa o kekahi poe kokoke mai malaila me ke ki ana i ka pu panapana iluna no ka hoomaka'uk»'u ana, eia nae aohe wahi mea a ku mai o ka mea kolohe.

Na ke kani paapaa'ina ana o ka pu p'anapana, i hoala aku i ka hiamoe o ka poe e noho kokoke ana malaila, me ka pau ana mai o na kane i ka puhee iwaho no ka ike ana i ke kumu o ke kani ana o ka pu, iloko o ko lakou mau lole moe po.