Ka Nupepa Kuokoa, Volume LXII, Number 36, 6 September 1923 — HOOPA'IIA O ALMEIDA AME ADAMS E KA AHA Hoike na Kaikamahine i Hoopoinoia i ka Mea Oiaio—Elua la o ka Paio ia ana—Hookahi Makahiki Paahao Pakahi me na Dala Hoopai [ARTICLE]

HOOPA'IIA O ALMEIDA AME ADAMS E KA AHA

Hoike na Kaikamahine i Hoopoinoia i ka Mea Oiaio —Elua la o ka Paio ia ana —Hookahi Makahiki Paahao Pakahi me na Dala Hoopai

Ma ke kakahiaka o ka Poaono nei' i kau mai ai ka Lunakanawai De Bolt i ka hoopa'i maluna o laua. No Alameida, he hookahi makahiki hoopaahao me ka uku pu ana i $1000.00 a no Adams hoi hookahi makahiki hoopaahao me ka uku i $500.00. Ua hopuia ae o Alameiela ame Adams ma ka la 15 o Augate aku la no ka malama i kekahi hale hoohauka'e, malalo nae o na kumu hoopii ekolu, malama a kuai okole'nno, waina ame ka bia, a o ka hoopa'i no kela ano hihia, he hookahi makahiki o laua pakahi e noho ai iloko o k ahalepaahao, me ka hoopa'i dala. O ka olelo hoholo a na kiure o ka hoopuka ana mai, mahope iho 0 ka hala ana o na la elua o ka hooukaia ana o kekahi paio hahana mawaena o ka loio o ke aupuni Patterson ame Loio Pittman o na mea i hoopiiia, maloko o ka aha liookolokolo o ka Lunakanawai Do Bolt. "O kela kekahi o na hale hoohauka'e o ke ano haahaa loa; kaKi nana e i na kaikamahine opiopio me ko lakou hoohainuia ana 1 ka Tama alaila koi ia aku e hana i na hana hoohaumia a hookamakama, wahi a ka Hope Loio Kuhina Fred Patterson, ka loio ma ka aoao ku-e, o ka hoopuka ana ae ma kekahi o kana haiolelo imua o na kiure. Hoohauka'eia na WaWne Opio Ua ku-e ikaika loa ae oia i na mea i hoopiiia me kona hoike ana ae, he mau mea malama laua i kek.ahi hale hoohauka'e haahaa loa, kalii hoi e haule ai na wahine opio iloko o na howa liaahaa loa. Ua hoowalewaleia na kaikamaliine mai ka lakou mau hana mai, kalii a lakou e hana ana me ka loaa o ka uku maikai, ma o na olelo hoowalewale, "he hana maalahi wale no ka loaa nui ana o ke dala ia lakou", ina lakou e hoolohe elike me ka mea e a'o ia aku ana ia lakou. Ua piha ku'i.ae ka rumi liookolokolo i ka poe maleaikai me ke kuku okoa o kekahi poe, oiai kekahi wahi o kela rumi ua piha me na pahu, na barela, na galani ame na omole okolehao, waisake, waina ame ka bia, a he kohu haleinu rama maoli no ke nana aku; a maluna hoi o ke pa-

kaukau o ke kakauolelo o ka aha, e ku ana kekahi galani okolehao ame kekahi mau omole rama e ae. Ka Hoike a Kekahi mau Kaikamahine hoike ae kekahi mau kaikamahine opio i na mea a lakou i ike ai ame na mea i hanaia maloko o kela hale i ko lakou wa i ninaninauia ai e Loio P^terson. "He mea pono ia'u ka hoi ana a nolio ma kela hale, i loaa nui ai ia'u ke dala elike me kekahi mau kaikamahine e ae, wahi a Adams i noke mai ai i ke koi ia'u, wahi a kekahi wahine opio o ka hoike ana ae. "Owau ka mea nana e kuai ka rama i ka poe e hoea ae ana malaila," wahi a Mrs. Nancy JRichardson i hoike ae ai imua o ka aha. Ua hoike ae oia, he 25 keneka ke kuai o ke kiaha okolehao, 50 koneka no ke kiaha waina a he elua dalt no ka omole bia, a o ka loaa o ka la aia ma kahi o ke 65 dala. "I mea e loaa nui ai ia'u ka'u dala, ua hoi aku au a noho paa ma kela hnle," wahi a ka hoike a Vera Mary Nelson. Ua hoike ae hoi o Mrs. Ida Rivers Bleach, ua inu waina oia ma kela liale, he mea hoi nana i hooponīuniu i kona poo, me kona hoike hou ana ae, ma kekahi mau po ua hele uku oia ame Vera Nelson, Alameida ame Adams no kekahi hale aina no ka ai ana. "Ua hoowalewaleia na kaikamahine o Honolulu nei no kela liale; ho.ohainuia i ka rama, alaila, koiia aku la e liana i na hana hookamakama, e na mea i hoopiiia." "O keia mau lawehala e noho nei imua o oukou, ua makaukau loa laun e lawe i kau kaikamahine o 19 a i olq o 20 makahiki lo kela hale. a i ole ia i kekahi poe kaikamahinr e ae paha a koi aku ia lakou e lilo i poe wahine hookamakama i mea e loaa ai ke dala me ka maalahi," wahi a ka Loio Patterson imua o na kiure, a i kona hooki ana iho i kana haiolelo imua o lakou, a lie hapalua hora mahope iho ua hoopuka mai k<* ldure i ka lakou olelo hooholo, o hoahewa ana i na men i hoopiiia.