Ka Nupepa Kuokoa, Volume LXII, Number 43, 25 October 1923 — HE HOOMAIKAI NUI. [ARTICLE]

HE HOOMAIKAI NUI.

I kuu Kilohana Pookela; Ka TJwila malamalama o ke Teritore o Hawaii, Aloha nui^—E oluolu mai hoi kou ahonui e pahola ae i ka'u mau hoomaikai nui palena ole i o'u mau haku makaainana o Ha-vraii Komohana mai na "Pali Hulaana" o ka i'a moe o Kaaauki i na Lehua o Awini, ahiki aku i na pali kapu o Uwekahuna i na hala o Halaaniani, no oukou ka'u mau hoomaikai mau ana. O na baloka a oukou i haaTri mai ai ia'u ma ka la 13 o Oct. i hala iho la he mau hoailona no ia o ko oukou hilinai mau ana mai ia'u a kuu puuwai e hoomanao mau ai i na kau apau; a malia o hiki hou mai no ka 1a e hui hou ai kakou he maka i ka maka; a mamua o kuu hooki ana i keia ke haawi hou aku nei no au i kuu hoomaikai nui ia oe e na mana koho baloka o ka pahu o Honomakau no ka lei hanohano loa a oukou i papahi mai ni ia'u a o ke alakai hoi o na pahu koho baloka iloko o Hawaii komohana. " Mahalo a nui. Ka oukou kauwa haahaa, HEXKY L. KAWEWEHI, Keauhon, Hawaii; Oet. 18, T?2X,