Ka Nupepa Kuokoa, Volume LXII, Number 45, 8 November 1923 — Nuhou Kuloko [ARTICLE]

Nuhou Kuloko

Iwaena o na moho apau, ma ke koho baloka aku nei o ka Poalua i hala, o ke Kakauolelo Kalana Kalauokalani ka mea kiekie loa o na Imloka i kohoia. Mamuli o ke kaa ana o ka La Hoopau Kaua ma keia Sabati ae, ka la 11, ina ka Pokahi aku, e lilo aua ia i la kulaia aupuni, me ke komo ana ae o r.a ahahui' apau ma na hana kaihuakai mawāho ae nei o Kamaki Kuea. Elike me ka mau ma na koho baloka apau i kaahope aku nei, ua kaa i ka pahu o ka mahele o Waimanalo, ka mua loa, o ka hoouna ana mai i ka hopena o ke koho baloka, no kela ame keia moho. Iloko o na hoao ana a ka Ahahui o na Wahine Koho Baloka, e kula'i ia A. R. Cunha mai kona 'lilo ana i hoa no ka papa o na lunakiai q ke Kulanakauhale a Kalana o Honolulu nei, o ka mea apiki, oia ka mea kiekie loa o na baloka i kohoia no na hoa o ka papa, a malālo mai ko na lunakiai e ae. No ke komo pu ana aku iloko o na hana kaihuakai no ka La Hoopau Kaua, ma keia Poakahi ae, ua makemakeia na lala o ka Hui Kokua ame Manawalea o na Poola e hoea ae ma Kamaki Kuea, me ko lakou kahiko piha o ka ahahui, ma ke kakahiaka o kela la. Nui ke kuaki o kekahi poe Demokarata, no ka haule ana o ka Lunakini M. G. Paeheeo, eia nae o ka mea nana i hoomama loa aku i ko lakou manao, o ia no ke pani ana aku o W. K. Bassett ma kona makalua. Ua hookoia ka wanana a kekahi poe loea kalaiaina, no ke kohoia he eha mau hoa Repubalika o ka papa o na lunakiai, a i ekolu mau Demokarata, elike me ka hopena o ke koho baloka aku nei i hala. Ma ka Poalua o keia pule ae, e malamaia ai ke koho baloka o na luna oihana o na kalana o Hawaii, Maui ame Kauai, i loaa ole ia lakou ka lanakila ma ke kau koho baloka wae uaoho aku nei i hala. No ke kuhaiki loa o ka manawa i hiki ole ai ke hoopukaia aku na itamu meahou o ka \si koho baloka aku nei i hala, ma kēia oili ana aku o ke Kuokoa; ma na mea ano nui wale no e hoikeia aku nei. Aole he koho baloka i ike maoli ia ai ke ohohia o na mana koho baloka, no ka lanakila o ka lakou mau moho, elike me ke koho baloka o ka Poalua aku la i hala a kukule 110 hoi ka poe i haule ka lakou mau moho i hooikaika ai. Hele na keena poo Repubalika ame Demokarata a piha hookeke i na kanaka, no ke ake e ike i ka hopeua o ke kolio baloka, ma ka po o ka Poalua aku nei i hala, mo ka nui nae o ka hauoli o 'na Demokarata, no ka lanakila ana o na moho no na kulana oihana ano nui o ke kulanakauhale. Ma ke kihi o na alanui Hema ame Kawaiahao, i hooku'i ao ai ke kaa mokokaikala o Clement. Awana me ke kaa otomobile o Abe Kamakahi, a loaa na palapu ia Clemei:t Awana, eia nae mahope iho o kona lapaauia ana maloko o ka haleiua'i 0 na poino ulia, i huli hoi aku ai oia no kona home. O ko kilihune ua liilii o ka' la koho baloka aku la i hala, ma ke kohokoho a ka poe ike kilokilo, he hoailona liikimua ka ia no ka lanakila o Kaukaohu, i makai nui no Honolulu nei, maluna o kona hoa paio. Mahope iho o ka maopopo ana iaia ua haule oia, a ua lanakila kona hoa paio, i haawi ae ai o Edward Hopkins i kona lioomaikai i na hoaloha 1 hooikaika nona, pela hoi kona mahalo ia Mr. Trask, no kona kohoia ana i makai.nui no Honolulu nej. No ka hooko ana i kana mea i kamailio mua aku ai i na mana koho, e hoohala ana o David K. Trask i keia mau pule aku, ma Los Angeles, no ka hakilo ana, i na lawelawe oihana ana a ka oihana makai o kela kulanakauhale, i loaa ai iaia ka makaukau, ma ka manawa e lawe ae ai i ke kulana makai nui, ma ka la 2 o ka mahina o lanuari o keia makahiki ae.