Ka Nupepa Kuokoa, Volume LXII, Number 46, 15 November 1923 — LELE HE KUMUKULA ILOKO O KE KAI A MAKE. [ARTICLE]

LELE HE KUMUKULA ILOKO O KE KAI A MAKE.

Mamuli o ka maikai ole o kona ola kino, ka mea nana i kaili ae i ka noho hauoli ana mai iaia ae, i lawe okoa ae ai he wahine haole kumukula nona ka inoa o Hope Murchey, i kona ola iho, ma ka lele ana iloko o ke kai, mailuna aku o ka mokuahi Kulanakauhale o Los Angeles, ma ka po o ka la 5 o keia mahina, olai kela mokuahi iwaena moana, mawaena o Los Angeles ame Honolulu nei. Aole he poe i ike a i maopopo iki, no kela lele ana o ka wahine kaumaha iloko o ke kai, aka ma o na leka la i loaa aku, maloko o kona rumi, i kakauia na ke kapena o ka moku, ame ka peresidena o ka ahahui kalepa o Los Angeles, ma kekahi la mai, akahi no a loaa ka ike i na aliimoku ame na ohua, ua haalele mai kela wahine i keia ola ana, ma ka lawe okoa ana ae i kona ola iloko o kona mau lima. I ke ao ana ae ma kekahi la mai, ua ha'oha-oia, ka paa o ka rumi o kela wahine kumukula, a i ka wa i kiiia mai ai e wehe, ua paa i ke kiia, mahope nae o na hoao ana, i hemo ae ai ka puka, aole he mea maloko 0 ka'mmi, aka maluna nao o kekahi pakaukau, he elua mau leka i loaa aku. Ua piha kela mau le)ca. a elua me na manao ku i ke aloha, a ma ke ano nui, e hoakaka ana kela wahine kumukula, i ka nui p kona kaumaha, mamuli o ka maik'ai ole o kona ola kino, ino Jcela kulana maluna ona, he mea makehewa ke ola hou ana aku, no ka mea aole oia e ike ana 1 na hoohauoli ana o keia kino. Wahi o kana hoakaka maloko o kekahi o kela mau leka 4 e hoike ana oia, i ke kumu o kona manao ana o ka moana kona wahi e make ai, no kona makemake ole hookaumahaia aku kona mau hoaloha, ina nei ma kekahi ano e ae oia e make ai, me ka malamaia ana aku o kekalii anaina hoolewa nona. He mau ukana liilii no kekahi ona, o ka paa pu ana mai ma kela huakai, o kana i makemake ai e hanaia aku no ia mau mea, o ia no ka haawiia no ka wahine kuene oluna o ka mokuahL