Ka Nupepa Kuokoa, Volume LXIII, Number 11, 13 March 1924 — E PAU ANA NA AINA I KE KUDALAIA E KE AUPUNI. [ARTICLE]

E PAU ANA NA AINA I KE KUDALAIA E KE AUPUNI.

Ma ka Poalima o ka pule i hala i la.we ae ai na aupuni tcritore ame Kulanakauhalo a Kalana o Honoiulu i kekahi mau keehina wikani no ka ohi ana i na auhau o ka poe i haule hope loa ka hookaa ana i na auhau, a no kekahi manawa loihi loa hoi ke ku ana me ka liookaa ole ia. He kakini a oi aku poe 110 lakou ka huina dala auhau i aneane e hiki aku i ka $20,000 i loaa ae i ka hope Loio Kuhina Charles B. DTright mai ke keena auhau ae, a i alahele e hikiwawe ai ka hookaaia ae ia o ia huina, o ka hookomo wale ia ae iloko o ke puhi, o ka hopena o ia no ka pau aku o na aina i ke kudala ia i mea e loaa ai ke dala a ke aupuni. Ia manawa hookahi ua hoomakaukau ka Puuku Kulanakauhale D. L. Conkling e kuai aku ma ke kudala akea he 73 mau apana aina e vraiho mai nei maloko o na apana i hoomaemae a i hanaia a maikai o ke kulanakauhale, mamuli o ka hookaa ole o ka poe no lakou 5a mau apana i na auhau maloko o na apana auhau like ole. Ma ka Poaono i hala nku la, ka hoounaia ana aku o na palapala e ka puuku i ka poe no lakou na apana aina e uku koke mai, a ina e pane mai ana no ka hiki ia mea auhau haule hope ke hookaa ae, e pakele ana kona apana aina mai ke kudalai.i ana aku, aka, i ole e kudalaia aku ana.