Ka Nupepa Kuokoa, Volume LXIII, Number 21, 22 May 1924 — E HOONAAUAOIA KAKOU E PONO AI [ARTICLE]

E HOONAAUAOIA KAKOU E PONO AI

\o ka pomaikai o na Hawaii. i maopopo ole ia lakou, ke leauoha kanawai i hanaia e ka papa o na lunakiai o ke Kulanakauhale a Kalana o Honolulu nei, ua konoia mai ke Kuokoa e hoonaauao aku ia lakou, ua malu na waiwai apau o ke aupuni, mai ka lawelaweia aku o kekahi mau hana, me ka loaa mua oie o ka aeia mai e na luna oihana, i loaa ka mana 'e haawi mai i ke apono ana no ia mau hana. Ma keia kauoha kanawai, ua hookapu'loa ia, na ona aina, mai ko lakou eli wale ana ma na alanui mawaho o ko lakou mau pa, ke ole e loaa mua mai ka aeia. He maikai no paha ka nianao o kekahi poe ma ka eli ana i na alanui, no ka hoomaemae ana iawaho o na pa, a no kekahi mau hana e ae e pono ai ka noho ana; o ia mau hana nae apau, mamuli o keia kanawai a ka papa lunakiai i hooholo ai, ua papa loa ia. He maikai ke kanawai ke hookoia me ka poiolei, o ka hoao ana aku o kekahi mea e hana mamuli o kona manao ponoi iho, maluna o na alanui aupuni, a ma na waiwai e ae paha i kuleana ai ke aupuni, ua hookomo okoa aku oia iaia iho iloko o ka pililda: o ke alahele o ka palekana, o ia ka hele mua ana ae e noi no ka aeia mai o na hana i manaoia.