Ka Nupepa Kuokoa, Volume LXIII, Number 21, 22 May 1924 — UA EMI KA HELUNA O NA MAKE ILOKO O APERILA [ARTICLE]

UA EMI KA HELUNA O NA MAKE ILOKO O APERILA

Iloko o ka mahina o Aperila i hala aku la, elike me ka hoike a ka luna hoopaa papahelu o na mare, hanau ame make, Miss Hcster M. Lemon, o ka papa ola, o ka hoopukaia ana ae ma ke akea ma ka Poakahi o ka hala, he 424 ka nui 0 na hanau, na mare he 179 a no na make he 141, noloko iho o Honolulu Iloko o ka mahina o Aperila o ka 1923, he 399 ka nui o na hanau, 166 ka nui o na paamare, a 167 ka nui o na make; ma ka hoohalikelike ana i na papahelu o Aperila 1923 mo Aperila o keia makahiki, he liko 010 ! o 25 ka oi ae o na hanau i keia makahiki, he 13 ka oi ae 6 na paamare, a he 26 ke emi dho o na make. v No na make 141 o ka mahina i hala he 95 mau kane a he 46 mau wahine. Ewalu poe i make aole noho paa maloko o Honolulu. He 64 1 make maloko o na halema'i a mau hale malama ola. Oka heluna nui o na kanaka maloko o na palena 0 ke kulanakauhale o Honololu elike me ia i ikeia maloko o ka hoike he 93,500. O ka make ma na lahui llke ole, ua emi iki iho na Hawaii ame na hapa-Hawaii iloko o ia mahina, a 01 iki ae na Kepani, elike me ia e ileeia ana malalo nei. Na Hawaii, komo pu me na hapaHawaii, he 34; na Kepani he 39; na Pukiki, he 24; na Pake, he 13; na Pilipino, he 8; na Amerika, 7; Korea, 6; na Pelekane, 3; Kelemania, 1; Kukini, 1; Paniolo, 1; na lahui e ae, 1. He kanalima-kumama'ma o na make he mau keiki malalo o ka 5 makahiki, he 37 o keia heluna he mau keiki malalo o ka hookahi makahiki. 0 na mā'i oi aku o ka poe make o ia ke akepau, a malalo aku na ma'i e ae.