Ka Nupepa Kuokoa, Volume LXIII, Number 21, 22 May 1924 — Aole e Kuaiia Ana na Apana Ma Keaukaha Aeia ka Palapala Noi a ko Hawaii Poe e Hoopulapua i Kela Aina HOOPAUIA KA MANAO MUA NO KE KUAI ANA E Weheia Aku Ana na Aina o Keaukaha no ka Hoopulapula Ana [ARTICLE]

Aole e Kuaiia Ana na Apana Ma Keaukaha

Aeia ka Palapala Noi a ko Hawaii Poe e Hoopulapua i Kela Aina

HOOPAUIA KA MANAO MUA NO KE KUAI ANA

E Weheia Aku Ana na Aina o Keaukaha no ka Hoopulapula Ana

0 ka palapala hoopii i kakauinoaia e kekahi mau Hawaii i oi aku i ka ekolu haneri ka nui, a i waihoia mai ai imua o ke Komiaina R. M. Duncan, iaia i holo aku nei no Hawaii, e kaohi aua i na aina o Keaukaha mai ke kuai h<?olilo ia aku, i kulike ai me ka hoolaha a ke Komisina Aiiia Aupuni Bailey, ua holopono loa ia, mamuli o ka unuhi hou ana o ke Komisina Aina Aupuni Bailey, i ka hoolaha i hoopukaia ai no ke kuai ana i kela mau aina, i ka poe e makemake mai ana. No kela palapala hoopii a ko Hawaii poe, i malamaia ae ai he aha kukakuka, o Kiaaina Farrington, ka lunahoomalu o ke Komisina o na Home Hawaii, ke Komisina R. M. Di?hcan ame ke Komisina Aina Aupuni Bailey, ma ka Poakolu o ka pule aku nei i hala, o ka hopena ma kola kukakuka ana, o ia no ka hooholoia ana, e unuhi i ka hoolaha i hoopukaia no kela mau aina o Keaukaha, a ma kekahi 01010 ana ae hoi, e hoopauia kela manao mua, no ke kuaiia aku o kela mau aina ma ke kudala akea, i ka poe makeniake mai ana. Nolaila ua maopopo loa, iloko o kekahi manawa ma keia mua koke iho, e weheia aku ana he elua kaukani eka o Keaukaha, i maheleheleia ma na apana, pela hoi ka aina ma Panaewa, no ka hoopulapula ana o na Hawaii, malalo o ke Kanawai Hoopulapula. Ke- weheia aku kela mau aina no ka hookuonoono ana o na Hawaii, e lawa ana kekahi mau ohana he eha kaukani ka nui, no ka noho ana maluna o na apana aina o Keaukaha ame Panaewa. He mau apana kela e weh«ia aku ana ma ke ano he mau wahi noho, a ma ka oleloia, uh makaukau kekahi heluna nui o na Hawaii me ke (lala, no. ke kukulu ana i ko lakou mau hale, i ka wa e aeia ai ka lakou mau palapala noi, a o kekahi poe no hoi, he liilii loa. na kokua a lakou i kauka'i ai, e loaa aku mai ke komisina mai. Aia a pau pono na apana i ke anaia a maheleheleia, .ia wa e hoopukaia aku ai ka lioolaha, no ka waiho ana mai i na palapala noi i ke komiaina, e ka poe « makemake j ana e loaa he mau pa-hale no lakou i e noho ai ma kela. mau aina.