Ka Nupepa Kuokoa, Volume LXIII, Number 21, 22 May 1924 — KU I KA MANA KE KANAWAI KUMU [ARTICLE]

KU I KA MANA KE KANAWAI KUMU

| No kalū o ke Kanawai Kumu o Hawaii nei, o papa ana i ka hoohanaia o na lahui e, aole he mau maliaainana Amerika, ua hoopuka ae ka Lunakanawai Federala De Bolt, ma ka Poaha aku la i hala, i kana olelo hooholo, e lioakaka ana no ke ku o kela Ava.hi o ke kanawai i ka mana, a malalo hoi o ko Kumukanawai o Amerika Huipuia. / Ua hapaiia mai ka ninau, e pili ana i ka mana ole o ko Kanawai Kumu o Hawaii nei, ma ka hoopii a ke aupuni e ku-e ana ia John H. Hammond, he enekinia, Frank Minor ame W. Yamana, no ko lakou hoohana ana i na limahana aole lakou he poe makaainana Amerika, ma ke kukulu ana i na hale o na koa ma Leilehua. Ua hopuia kela poe maluna ae la, he makahiki ao nei i hala, no ko lakou hooliinalima 'ana i na Kepani, i mau llmahana, ma ke kukulu ana i na hale o na koa, a no ke kupale ana ia lakou, ī waiho ao ai ko lakou mau loio, i na kumu he nui imua o ka Lunakanawai Federala De Bolt, a 0 kekahi o kela mau knmu, o ia no ke ku ole o ke kanawai kumu i ke kumukanawai o Amerika, o ia ka hooneleia ana o na lahui e, i ko lakou pono kumuleanawai. Mahope iho nae o ka hoolohe ana 1 na kumu ma na aoao a elua, i hoopuka ae ai ka Lunakanawai De Bolt i kana olelo hooholo no ka pono o ka aoao o ke aupuni, e kakoo ana hoi i na kumu a na loio aupuni, no ka hiki ole i na lahui e ke hoolimalimaia ma na hana aupuni apau.