Ka Nupepa Kuokoa, Volume LXIII, Number 33, 14 August 1924 — E HAAWIIA NA KAKOO PIHA ANA. [ARTICLE]

E HAAWIIA NA KAKOO PIHA ANA.

O ka liopena i ala ae mahope o na papa olelo ana mawaena o ka Meia Wilson ame ka Lunakiai Hollinger/ mahope iho o ka halawai a ka papa o na lunakiai ma ka Poalua o ka pule aku nei i hala', he hopena ia e kau aku ai maluna o na aoao Demokarata ame Repubalika, ka hilahila, no na mea a kela mau kauwa o ka lelmlehu i hana ai. O ka pololei a pololei ole o na ahewa a ka Lunakiai Hollinger i hookau aku ai maluna o ka Meia Wilson, no kona maopopo aia na hana poholalo iloko o na keena oihana o ke kulanakauhale, kahi i lawela\veia ai; he ninau ia a ka lehulehu 0 na mana koho o keia kulanakauhale e ake aku nei e ike. Ina e hiki ana i ka Lunakiai Hollinger ke hooiaio mai, i ka pololei o kana mea i kamailio ae ai; aia i'o na hana poholalo 1 lawelaweia, a ua maopopo i ka Meia Wilson ajne na luna oihana e ae o ke kulanakauhale ia mea, alaila, e pono i ka aoao Repubalika, ame na makaainana makee apau i ka pololei, ke ku akū a haawi i na kokua piha ana i ka Lunakiai Ho!luiger; aka hoi ina ma ka olelo wale iho no ka ikaika, aole me ua mea oiaio, alaila aole e lilo na mea oiaio ole, i kumu e alakoia aku ai ka aoao Repubalika, iloko o na ahewaia oiai, aia ka aoao Repubalika, ma ke kulana, e makee ana i ka lawelaweia o na hana o ka lehulehu me ka pololei ame ke kanaka makua.