Ka Nupepa Kuokoa, Volume LXIII, Number 44, 30 October 1924 — KA NINAU AUHAU DUTE [ARTICLE]

KA NINAU AUHAU DUTE

O kekahi o na ninau ano nui, i hoalaia ae e na aoao kalaiaina kuloko o kakoi» iloko o keia mau la, o ia no ka auhau dute maluna oke kopaa. Nui wale na mana koho ma Hawaii nei, i noho pouliuli i ka manao' ame ke ano o keia ninau, aka nae ma ke ano nui ke olelo ae, ke ku nei ka aoao Demokarata ma ka aoao hoonoa .dute, a ke ku nei hoi ka aoao Repubalika, ma ka aoao e dute ia. O keia ninau dute maluna o ke kopaa, ua pili no ia i na kopaa apau o na aina e, e hookomoia mai ana iloko o Amerika, a koe na kopaa o Amerilca iho, ame Hawaii nei. Ma ke kau ana i auhau dute maluna o ke kopaa o na aina e, ua manaoio mau na Repubalika, o ke alahele wale no ia, e loaa ai ke kupono i ko kakou kopaa, a e hoomauia ai keia iloko o Amenka, a ma Hawaii nei. 6 ka hoonoa ana i ka auhau maluna o ke kopaa, e hookonioia niai ana iloko o Amerika, e konoia ana ka poe kanu-ko o na aina e, e hoemi i ke kumukuai o ka lakou kopaa, ma ia ano, e hookeia aku ana ka oihana kanu-ko o Amerika a pili pu i ka paia. Ke ku mau nei keia mau aoao kalaiaina a elua, me ka loli ole nialuna o keia ninau; ua hoalaia mai nia keia hakoko kalaiaina no na moho holo peresidena, ame na hoa o ka ahaolelo lahui, a hoea loa mai ia kakou. Ma ka mea oiaio maoli, o ke ; ku mau aku ©ka oihana kan-ko ma Hawaii nei; o ka iwikuamoo ia o keia Teritore. Hookahi wale no kumu e mau aku ai kei?. oihana, aia a ku mau ka auhau dute, maluna o na kopaa o na aina e. Mailoko mai oka oihana kanu-ku, i hiki ai ke hoalaia «e na oihana lehulehu iloko nei o ka aina, a na kela mau <sihana lehulehu, e hoolako nei i na makaainana o keia Teritore me na hana no lakou e pono ai; ke pau ka oihana kanu-ko, o ka pahola ana mai ia o ka pilikia iluna o kekahi mahele nui o na makaainana. Ke olelo nei ka Elele Lahui W. P. Jarrett, no kona apono i ka hoomauia o ka auhau dute maluha o ke kopaa, no ka mea o ke ola ia o Hawaii nei, pehea hiki ai ia kakou ke manaoia aku i kela mau olelo, oiai ke ku mau uei ka aoao Demokarata nia ka aoao e hoonoaia kela auhau dute? Me kela ninau uku dute maluna o ke kopaa, i hoalaia ae iloko o keia kau hakoko kalaiaina, ke manaoio nei keia pepa, he hana naauao na na makaainna o keia Teritore, ke koho ku-e ana aku i na moho a kekahi aoao kalaiaina, i niakemake. e hoonele aku i kekahi heluna nui o na makaainana o keia Teritore, me na hana e 'p>ono ai ko lakou ola ana ame ko lakou mau ohana, a e koho aku i na moho o ka aoao kalaiaina i ku mau e hoopakele ae i na oihana mikiala iloko o ka aina.