Ka Nupepa Kuokoa, Volume LXIV, Number 10, 5 March 1925 — MAKEMAKEIA O PELEKUNU ME WAILAU I MAU AINA HOOPULAPULA. [ARTICLE]

MAKEMAKEIA O PELEKUNU ME WAILAU I MAU AINA HOOPULAPULA.

Iloko o ka Hale 0 na Lunamakaainana ma nehinei, i hookomo ae ai ka Mea Hanohano L._ L. Joseph o Maui, i kekahi olelo hooholo hui, ina nei no ke aponoia e na hale kaukanawai a elua, alaila e lilo mai ana na aina 0 Pelekunu ame Wailau, malalo o ka mana 0 ke Komisina 0 na Home Hawaii, ma ke ano i mau aina hoopulapula no na Hawaii. Ma ke ano nui 0 kela olelo hooholo, e hoakaka ana ia, 0 Charleß H. Morriam ame Charles A. Brown, na ona 0 na aina ma Pelekunu ame Wailau, a 0 laua no ke kuleana i na wai apau o kela mau awawa. I -wahi e kaa mai ai ka hoohana ana 0 kela mau aina a elua malalo 0 ke komisina 0 na Home Havfaii, he mea pono i, ka ahaolelo lahui, ke kuai i kela mau aina, a lilo mai i ke aupuni, alaila waiho ae malalo 0 ke' komisina 0 na Home Hawaii, no ka hoopulapula ana i ka lahui Hawaii.