Ka Nupepa Kuokoa, Volume LXIV, Number 29, 16 July 1925 — Page 2

KAPAIA KA INOA NO NA ALANUI MA KA AINA HOO-PULAPULA.

O ka kaiwi ana i kekahi inoa no na alanui ma ka aina hoopulapula

Kalanianaole, Palaau ame Hoolehua

ka hana ano nui ma ka halawai a ke Komisina o na Home Hawaii o ka noho ana ma ka Poaha o ka pule aku la i hala, a ma ia noho ana i kapaia ai ka inoa o ke alanui e aolo aaa mawaena o na apana aina o Hoolehua ame Palaau ke "Alanui Farrington," o ia ke alanui Mookini i kapaia mamua, no ka hoohanohano ana i ke kiaaina. Maloko o ka apana Kalanianaole o Kapuiwa ka inoa i haawiia no kahi o ka uluniu, ka inoa waena o Kamehameha. V, ka mea nana i kanu ia uluniu. O ka ilina o Ho-melani ka inoa e kapaia aku ana no ia wahi. O ke alanui o ke komisina ame ka hale o Kukui ka inoa e ikeia ana ma nei mua aku, a no ke alanui mawaena o na apana elima ame eono o ia ke alanui Kalani, he inoa pokole no Kalanianaole, a o ke alanui mawaena o na apana ekolu ame eha ke alanui Kahanu, no ka hanohano o ke Kamaliiwahine Kalanianaole. O ke alanui mawaena o na apana ekahi ame 15 o Lehua ka inoa, a no ke alanui mawaena o na apana ekahi ame eiwa, ke alanui Likelike, i mea e o mau ia ai ka inoa o kekahi o na mokuahi mua loa i holo nau i ka mokupuni o Molokai no na makahiki aneane i ke kanalima i hala. Ko ke alanui e moe. ana mawaena o na apana 17 ame 36 maloko o na apana o Palaau ame Hoolehua o Puu Kapele ana kona inoa, a o ke alanui mawaena o ka apana ekahi ame 31 o Lili Pali ka inoa e kapaia ana; no ke alanui e moe ana mawaena o na apana 68 ame 69 o Kapeelua ka inoa, a no ke alanui mawaena o na apana 78 ame 79 o Kolea kona inoa; o ka luapao e eliia ai no ka auwai e kapaia ana ka Luapao Jorgensen, ka inoa o ka wiliki a ke komisina nana i hana ia luapao auwai. No na luawai hookio e kauia mir i helu no kela ame keia. Maikai ka Waihona Dala a ke Komisina. Ma ka waihona a ke komisina, elike me ia i ikeia ma ka la 30 o Iune he koena o $64,355.17, elike me ka hoike a ke kakauolelo hooko Rudolph M. Duncan; o ke koena mua ma ka waihona he $47,133.22, a ke huiia me na loaa o ka mahina o 4J7Jgl.9gf . loaa ka huina nui o 1*135337. Maloko o ka pa ilina Homelani he 8000 mau apana pa ilina liilii e maheleheleia ana i wahi kanu no ka poe e hala ana ma o. He ekolu eka ka nui o ia apana i nei manawa, a e hiki ana no ke hoonuiia aku mahope. He elua mau apana nui iwaenakonu o ia pa ilina e hookoe la aaa i wahi e malamaia ai na anaina haipule ma ka manawa e malamaia ai ke anaina hoolewa no kekahi mea make. Ma ke kakahiaka, o ka Poakahi nei, hora 9, i hoomaka ai ka wae aju).a ka poe i aponoia na noi i ka lakou mau apana maloko o ke keenakana o ke kakauolelo Duncan, maloko o ka halelua o ka hale Kapitala. Ma ka la 21 o Mei i hala ke aponoia ana o na palapala noi aina a ka poe noi e ke komisina, a ma

ka la 18 mai o Iune i kauoha ia aku ai ka poe na lakou na palapala noi i aponoia e hele mai e wae i ka lakou mau apana.

HAULE KO TRASK AME KO

GOMES AOAO MA KA HOOPII KANAWAI.

Mahope o ka waiho ia aaa aku o ka hihia a ka banako Asano-Chuya Ltd., i ke kiure, ua hala be mau hora lehulehu he umi o ka noonoo ame ka baloka ana a ia kino mamua o ka loaa ana o kana olelo hooholo a hoihoiia mai imua o ka aba o ka Lunakanawai Bay O'Brien,-ma ka hora 2 p. m., o ka Poalua ke komo ana aku o keia hihia i ke kiure a ma ka bora 12:06 o ke kakahiaka Poakolu mai ka hoihoiia ana mai o ka olelo hooholo i ka aha. O keia ka hihia a ka Asano-Chuya Bank Ltd, e hoopii ana ia M E. Gomes Jr., ame David Trask, Fred K. Makino, James W. Achuck ame K. Oki, no kekahi nota hoopaa aie dala, o Gomes ka mea aie a o kekahi poe e ae ka i hoopaa ia lakou iho ma ke kakau koa ana maluna o ia nota. Ma ka manawa a ka aba i waiho aku ai i keia hihia i ke kiure ia manawa pu i kauohaia aku ai ke kiure e hoihoi mai i olelo hooholo pololei e ku-e ana ia Gomes ame Trask, me ka hoakaka maopopo ole i ka huina, aka nae ua waihoia aku no i ke kiure ka noonoo ana malana o ka ninau ma ka mea e pili ana i ka aie a ano okoa ae paha o ka poe e ae ekolu i hoopiiia ae ai. Ma ka olelo hooholo a ke kiure i heluheluia ae ai e ke kakauolelo Sherwood o ia keia. "Ua ike makou ke kiure ma keia hihia i ka pono ma ka aoao o ka met hoopii a e ahewa ana i ka poe i hoopiiia, M. E. Gomes Jr., ame B. K. Trask no ka aie i ka huina o $10,528.69, a e apono ana hoi ma ka aoao o ka poe i hoopiiia, K. Oki, F. K. Makino ame Jas. W. Achuck a e hoahewa ana i ka mea nana ka hoopii." Aole i hoakaka ke kiure maloko o kana olelo hooholo i ka ukupanee maluna o ka huina i koiia. Ma ka manawa o ki waihoia ana mai o ka olelo hooholo ua waiho koke aku na loio ma na aoao elua i ka laua mau noi no ka hookolokolo hou ia o keia hihia. O ka Lunakanawai Ed. M. Watson ma ka aoao o ka banako, a o Lightfoot ame Lightfoot ma ka aoao o ka poe i hoopiiia.

PAU KEKAHI HALE MAUKA O MANOA I KE AHI.

O ka hale o ka Ahahui a ka poe Mahiko o Honolulu elua papahele ke kiekie mauka loa o ke Awawa o Manoa ka i holapu holookoa ia e na ulaahi ana ole ma ka hoahiahi ana iho o ka Poaono i hala, a mamua o ka ikeia ana o ia ahi e ka poe i hele ae malaila ua ikaika loa ka a ana a ke ahi a hoike ia mai i ka oihana kinaiahi, a i ka hoea ana aku a ke kaawai o Makiki ua ulolohi loa e hiki ole ai ke hoopakele i ka hale nui, he hale no na limahana e moe ai, pela ka oleloia. O kekahi hale e ku kokoke aku ana ka i pakele i na ulaahi mamuli o ka hooikaika ana a na kanaka kinaiahi. O kahi i ku ai o ia mau

hale he mamao loa, he kaukani a oi aku i-a ka mamao, a mamuli o ia mamao loa mai kahi aku o ke kiwai nui aneane e hiki ole ka iliwai i kahi o ke ahi. Ha ka manawa i ikeia ai ke ahi ua lehulehu wale ka poe i holo aku no ia wahi mai na wahi like ole aku, no aa alanui elua wale no e biki aku ai i kahi o ke ahi ua paniku ia e na kaa otomobile e hiki ole ai i ke kaawai kinaiahi ke holo aku no kahi o ke ahi No ka loaa ole he alanui ne ke kaawai o ke kikowaena ke holo aku ua ku wale ia kaa me ka hana ole, a i kulike me ia a ke Kokua Luna Kinaiahi Blaisdell o ka hoike ana ae, ioa ka no ka pahola loa ae nei o ke ahi ma kekahi mau kauhale okoa ua hiki ole i na kaawai e ae ke haawi aku i kekahi kokua i ke kaawai o Makiki. "Aole i haawi mai na kalaiwa o na kaa otomobile i kekahi alanui no ke kanawai e komo aku ai i kahi o ahi a he hana hiki ole hoi i ke kaawai kinaiahi ka holo aku imua me ka loaa ole o kekahi ulia," wahi a Blasidell o ka hoike ana ae. O na poho i koho wale ia no ia hale aia ma kahi o ka $1,000. Aohe i maopopo ke kumu o ka a ana ae o ke ahi.

KOKOKE LOA E LILO KA LEWA I WAHI HANA KALEPA.

"Aole e hala ana kekahi mau ma-kahiki lehulehu ma nei mua aku e laweia aku ana na ohua ame na ekeleka ma ka lewa maluna o na mokuea i kela ame keia la mawaena o Kauai, Oahu ame kekahi mau mokupuni e ae o keia mau paemoku," elike me ia a ke Kapena Moses o na mokuea Amerika o ka hoike ana ae ma ka Poaono aku nei, a no ka mokupuni o Kauai o Nawiliwili ke awa hoolulu maikai loa no na mokuea e hekau ai. I Kanai ua moku kokua a hooake o na mokuea (seaplanes) Aroostook ame ke Gannett o ka holo ana me eha mau mokuea (sea-planes) no ka nana ame ka hana ana i palapala aina no na kai ma ke komohana aku o Oahu, a no ka nana ana hoi i na wahi kupono i mau awa hoolulu no na mokuea e hekau ai. Ua lele kaapuni ae na mokuea maluna o Kauai ame Niihau me ke pai pu ana i kekahi mau kii ma ka lewa iho, me ka hoao pu ana e kuu iho a e hekau ma na wahi i ikeia ke kupono. He oi Aku ka Hikiwawe aa ha Lawa Ua ikeia ka waiwai o ka lawelawe ana i ka bana kalepa ma ka lewa mamuli o ka hikimua ana ma| o na mokuea i Puuloa mamua o ka moku Aroostook. Ua haalele aku ka Aroostook i ke Awa Port Allen ma ke aumoe o ka po Poaono, & ma ka hora 6:30 a m., hoi o ke kakahiaka Sabati nei ka hoi ana mai o na mokuea, a ia mau mokuea i hoi mai ai ua loaa mai ka Aroostook ma ka bora 8 a. m., ma ke kakahiaka nui ae, a ua ku mai ia i ke awa o Puuloa ekolu hora mahope iho, i na mokuea nae e hoolulu ana ma Puuloa ia manawa. He ooloku ke kai aka ma ka lewa he malie." No ka pomaikai ka buro o na malihini kaahele he oi aku ka maikai o ka lawe ana i na malihini kaahele no ka hoomakaikai ana i na mokupuni maluna o na mokuea. Ina e makemake ana kekahi malihihini kaahele honua e makaikai ia Kauai na hiki iaia ke lele ma ka lewa ma ka mokuea no ka makaikai ana i ke Awawa hohonu loa o Waimea ma ka lewa iho a huli hoi mai no i Honolulu ma kekahi kakahiaka nui ae," wahi a ke Kapena Moses o ka hoike ana ae. 0 ka lunakiai awa o ke Awa Port Allen, William M. Gerham, ka ohua i hoi mai i Honolulu nei maluna o kekahi o na mokuea, a ma ka lele ana hoi e kaapuni i na mokupuni o Kauai ame Niihau ma ka lewa o Paul Rice, ke kamaaina nana i hookipa aku i na aliikoa, oiai lakou ma Kauai, ka ohua i lawe pu ia aku e hoomakaikai ma ka lewa i na mokupuni.

HOOKUIIA KEKAKI KAKAI E KE KAA OTO A EHA LOA.

Haki ka wawae akau o ka Makai kaa otomobile Herman Moniz mamuli o kona hoohui ana me ke kaa oto a S. Kubo e peki mai ana iwaho mai kekahi alanui mai ma ke alanui Beritania ma ka auwina la o ka Poakahi nei a laweia ae i ka hale ma'i o na poino ulia, a mahope iho i hoihoiia aku ai i ka Halema'i Moiwahine. Ua koikoi kela eha i ka Makai Moniz a e hala ana he mau mahina e noho ai maloko o ka halema'i ma-mua o ka loaa ana o ke ola i kona wawae, pela ka oleloia. Maloko o ka hoike a ka Makai Harvey Corn-well o ka hoihoi ana ae i ka halewai e holo mai ana ka Makai Monia ma ke alanui Beritania ma kahi kokoke i ke alanui Weaver, ia manawa i peki mai ai o S. Kubo, he Kepani, i kana kaa oto no ke alanui Beritania, me ka hookani ole i ka o-le o kona kia, a oiai ua ikaika ka kela holo ana mai a Moniz ua hookui mai kona wawae me ka papa mahai o ka Kubo kaa a haki kona wawae, a ma ka oleloia aoka kaikini kalaiwa kaa o Kubo. Ua ninaninauia oia e ke Kapena o na kaa oto Kamauoha, ma ke kakahiaka o ka Poalua nei. "He 29 ka nui o na makai kaa

oto malalo ona, wahi a Kamauoha i nei manawa, he elua o ia huina e hana nei me ka hope makai nui a he 27 i koe ke hui pu ia me ia, a i ko Moniz eha ana iho la na emi hou mai i ka 26 a ua kau aku ke koikoi o ka hana no ka makaala ana i na kaa maluna o ka Makai A. K. Isaac ame Antone Joseph na makai e ku hana ana mai ka hora 2:30 p. m., a ka hora, 10:30 p. m. He eiwa ka nui o na maikai o ka uwaki hookahi aka-mamuli o ka nele o ko aupuni kulanakauhale i ke dala na hoopauia aku he 13 mau makai ma ka la mua mai o ka mahina.

LANAKILA NA MOKUAHI I HOOPA'I DALA IA AI.

Ma kekahi mau manawa aku nei i hala he elua mau mokuahi i hoopa'i dala ia e ka luna kukeawa wahine Mrs. Jeannette A. Hyde, a ua hoohalahala aku na akena o ia mau mokuahi i ke keena waiwai ma Amerika, a ma ka nana ana a ke keena waiwai i na kumu hoohalahala ua kauohaia mai ka lunakukeawa e hoemi iho i ka hoopa'i o kekahi mokuahi a e hoihoi ae hoi i na dala hoopa'i o kekahi mokuahi i na akena maanei, elike me ia i hoikeia ae ma ka la aku la i nehinei. Ma ka la 22 o Mei i hala ua hoopa 'iia ka mokuahi Canadian-As-stralian Aorangi e ka lunakukeawa Mrs. Hyde no ka Uwa ole o na hoakaka maloko o ka palapala e hoakaka ana i na waiwai malana o ka moku he $1000. Ua hoohalahalaia keia hoopa'i ana ana e na akena o ka hui mokuahi maanei i ke keena waiwai ma Amerika, a ma ka Poalua nei i loaa mai ai ke kauoha i ka lunakukeawa e hoemi iho i ka hoopa'i i $25, aole i $1000, elike me kana i kaki ai. Ma ke kelepa hope loa a ka mokuahi Kepani Korea Maru i hoea mai ai ianei ua hoopa'i dala ia ia moku e ka luna kukeawa $400 no ka hoolele ana mai i kekahi man Kepani elua e holo ana no Kapalakiko ianei no ko laua lapaauia, no ka mea ua loaa lana i ka ma'i ma ka manawa o ka moku e holo mai ana. Ua hoohalahala pu ia aku keia hoopa'i a ka lunakukeawa wahine i ke keena waiwai, a ma ke kauoha i loaa mai iaia ma ka Poalua nei, mai ke keena waiwai mai ua kauohaia mai oia e hoihoi ae ia man dala hoopa'i apau, no ka mea he kumu kupono ko ia mau Kepani o ka hooleleia ana mai i Honolulu nei, ua loaa laua i ka ma'i.

HOAKAKA O CONKLING I KE KUMU O KA PILIKIA.

Mahope o ka loaa ana mai nei o ka leka a ka Lunakiai Hollinger, mai Nu Ioka mai, e hoakaka ana, aole pokole na dala o ke aupuni kulanakauhale, elike me ia a ka papa o na lunakiai ame na poo o na keena oihana i hopohopo ai, a i lilo ai hoi i kumu e hoopauia ai he heluna nui o na limahana mai na bana aku o ke aupuni; i oili okoa ae ai ka Puuku Kulanakauhale Conkling a ku iwaho, me ka hoike ana ae ma ka Poakahi iho nei, aole i komo maoli ke aupuni iloko o ka pilikia; mai komo wahi ana, ina e hoomau aku ka nee ana o ke aupuni, elike me ko na mahina mua eono i hala aku nei, e pau ana ma ka la hope o ka mahina o Iune. Wahi a ka Puuku Conkling, ua nanaia aku, aia ma kahi o ka elua miliona dala, iloko o ka waihona laula, ke kahua no ka hookele ana aku i na bana o ke aupuni kulanakauhale, noi ka makahiki holookoa, ua like hoi ia me hookahi miliona dala e hooliloia ao na mahina mua eono, a o kekahi miliona dala, e hooliloia no na mahina hope o ka makahiki. Ahiki aku nei nae ma ka. la 15 o ka mahina o Iune, ua hookaawale ae ke aupuni kulanakauhale, a ua hoolilo aku ma kahi o hookahi miliona, me ekolu haneri kaukani dala; na like me ekolu haneri kaukani dala ka oi ae, mamua o ka huina pololei, e hooliloia no na mahina eono; a o ia kana o ka hoakaka hou ana ae, ina pela iho la ke ano & hooliloia aku ai na lala o ke aupuni, no keia mau mahina eono e nee aku nei, aole he kanalua iki no ke komo i'o o ke aupuni iloko o ka pilikia. No ka hoopakele ana ae i ke aupuni mailoko mai o ka pilikia pokole i ke dala, pela iho la na lunakai i imi ai i na alahele no ka palekana, ma ka hoihoi ana mai i na hoolilo iloko o na palena kupono; aole hoi elike me ko na mahina eono i hala aku nei, ka oi wale aku o na boo lilo, ma kahi o ka ekolu haneri kaukani dala.

HOAOIA KA MAKAI E KIPE E

KE KALAIWA

Mamuli o ka hoohuli pokole loa ana mai o Oscar H. Schoolas, o ke kahua o na mokuea ma Puuloa i kana kaa oto ma ke kihi o na alanui Keeaumoku ame Beritania, na hookui mai Ia ia ma ka hapalua Iike o ke kaa oto e kalaiwaia ana e P. Fonsec o ke alanui 9th, Kaimuki, a kahuli ka Fonseca kaa me ke kiola pu ia o na ohua e kau ana iluna e ka lepo. O W. C. Snodgrass, o ke alanui Moiwahine, ka mea i kukonukonu loa ka eha, paholehole kona kuli akau ame kona peahi lima akau, a ao ia mau eha mauwale i loaa iaia

laweia ae ai i ka halema'i o na poino ulia. Ma ka Schoolas hoakaka imua o ka Makai Thomas Phillips, ma kona manawa i ninaninauia ai no ka lepo ka o ke aniani pale makani omua o ke kaa ke kumu o kona ike pono ole ana mai ia mua. Ua ae ae nae oia imua o ka makai ua inu lama oia, a ma ka Phillips hoike o ka hoihoi ana ae i ka halewai na hoao pu mai ka o Schoolas e kipe iaia aole nae oia i Uwe i kana dala. Ua hoopaaia ae oia i ka halewi no kona ninaninauia ae e ke Kapena o na kalaiwa kaa oto Kamauoha. Ekolu Poo I Eha Ekolu poe i mokuomku-a i loaa ke kaa a lakou e kau ana e hoi mai na palapu ma ke aumoe ana iho o ka po Sabati nei, i ka manawa o ana no ke kaona nei i pakika ai ma ka hoomaka ana o ke alanui Pali o Nuuanu e pii mai i ka pali i hookui mai ai me ke kumu kukui mahai o ke alanui a paa ioa ka poe e kau ana mawaena o ke kumu kukui ame ke kaa. O S. Yakiku, ke kalaiwa, maluna ae o ka lae kona wahi i moku, me ka paholehole o kona helehelena. O Miss Saku Mizusawa, o ke alanui Muliwai, ma ka wawae hema iona wahi i eha a ma ka auwae ame ka lima hema ko kona kaikiana mau wahi i eha. Hookahi o la poe i loaa ole kekahi eha oia o K. Isa. Na Jos. Cabral ame Henry Camacho i hookau mai i kela poe maluna o ka laua kaa a laweia ma ime ka awiwi loa no ka halema'i Kepani ma ke alanui Kuakini. He ewalu uau ohua iluna o ka Cabral kaa, no kona ike ana i ka pilikia o na Kepani ua waiho aku oia i kana mau ohua ma kahi o ka poino ana o na Kepani, a lawe mai la oia i na Kepani i ka halema'i, ahiki i kona hoi hou ana aku e kii ia lakou a hoihoiia mai i ke kaona. Aneane e pau loa ka Yakiku kaa i ka nahaha, no ka pakika o ke ala-

nui i ka ua liilii ke kumu o ka pakika ana, wahi a Yakiku. Eha He Luina. No ka ike ole o Joseph Nahinu i ke kalaiwa ana i ke kaa oto, ia Kaueaina no ka ka mea nona ke kaa, a komo aku i ka Pakoa o Kahauiki no kekahi hana ua hoao iho la o Nahinu e kalaiwa i ke kaa noloko o ka pa koa, a no ka hiki ole

ana iaia ke hoopaa 1 ka holo o ke kaa ua kahuli ino ia mahai o ke alanui ahaki kona lima hema. No ia eha oia i laweia mai ai i ka halema'i o na poino ulia a mahope o kona lapaauia ana malaila na lawe hou ia ae i ka halema 'i Moiwahine. PEPEHIIA HE KOREAN KALAIWA MAHOPE O KA HOOPAAPAA ANA ME NA OHUA NO KA UKU KAA

Nui na hana kolohe a na ohua i na kalaiwa kaa oto i keia mau la. Ma ke kakahiaka o ka Poaono aku nei i hala aneane i ka hora 12, he kalaiwa Korean nona ka inoa o Lee Sung Choon, a nona na makahiki he 45, a ma ka oleloia aia kona hale i noho ai ma ke kihi o na alanui Muliwai ame Beritania ka i pepehua a waawaa ke poo a no ia eha oia i laweia ae ai i ka halema 'i o oa poino ulia. O ka mea a mau mea na laua i pepehi i ke kalaiwa aohe i maopopo, ma kahi ike moowili loa i loaa ae i ka Makai, ua lawe keia Korean i kekahi mau kanaka i koho waleia be poe koa no ka hoomakaikai ana ma na wahi like ole o ke kulanakauhale, a i ka biki ana mawaho mai o kekahi hale nu ke alanui Ololi Jack ua ulu ae la he hoopaapaa mawaena ona ame no hua ana o ka lawe ana, a me kekahi mea oolea i hahauia mai ai kona poo. Mahope o kona lapaau mua ia ana ma ka halema'i o na poino ulia ua lawe ia ae oia no ka halema'i Moi. wahine, a ma ka lono i hoikeia ae mai ia halema'i mai, he kulana pohihihi loa ka ko ia Korean e maoole ai kona lanakila. Ke hanu mai nei na makai mahope o ka meheu o ka poe kolohe, he hana paakiki nae ka loaa aku o ia poe i ka hoomaopopo aku.

HE $10,000 KE POHO O KEKAHI HALEKUAI I KE AHI

Maloko o ka hale kela lole a Sang Chan. e ku nei ma ke kihi o na alanui Hoi ame Betela i holapu ae ai na alelo ana ole o ke ahi i na lole huluhulu na paalole maikai a kumukuai pii loa i hiki aku ka waiwaiio i ka $5,000 i hoahuia, maloko o kekahi rumi mahope aku o ka hale kela lole ma ka papahele malalo loa o ka hale pohaku a McCandless

ma ke kakahiaka nui o ka Poaha o ka pule aku la i hala, he ahi i maopopo ole ke kumu o ka a ana ae. O ka huina nui ke poho ma ke koho a ka ona nona ia mau waiwai i hoopoinoia, aia ma kahi o ka $10,000, he $4,500 wale no nae i hoopaaia me ka hui inisua. Make ahiahi Poakolu aku e like me ia a ka mea nona ia hale keia lole o ka hoike ana ae, ua pani oia i ka puka ma ka hora 8. Mai ia manawa mai ahiki i ka komo a-» o na kanaka kinaiahi iloko o ia hale aohe mea hookahi i koe oloko oa pan mua na kanaka hana oloko i ka hoi. Aole i hoikeia ae i ka Pake nona ia halekuai ka aia ana o kana mau waiwai e ke ahi hiki i ka pio ana o ke ahi. Ma Ka Hora 4. A. M. Ka Hoikeia Ana Ae Mahope koke iho o ka hora 4 A. M. ka hoikeia ana ae i ka hale kina-iahi, a o na kaawahi Helu 1 ame 2, ame ka enekini Helu 1 o ke kikowaena ka i hoea ae. Me ka hana nui na kanaka kinaiahi o ka hana ana ahiki i ke komo ana iloko o kaki o ke ahi oiai ua paa loa ka puka mamua i ka lakaia Ma ka halelua mai o ka halehana Jade ma ke kihi o ke alanui Moi i komo mai ai na kanaka kinaiahi a wawahiia ka pale hao a i ka aaia ana me ka hana nui no i komo mai ai ahiki i kahi o ke ahi a a aaa mamuli o ka pouli a me ka ponuhunuhu loa o ka uwahi Manaoia He Ahi No Ke Kikalika No ke kumu o ke ahi o ka a aaa ua manao wale ia no kekahi poomuku kikalika i waihoia iloko olai- ¹ me ka *it«i ole ia ma ka manawa o ka Pake nona ka halekuai i hoi ai, a mai ke ahiahi okoa mai ka a malie ana ahiki i ka wa i ikeia ai ma ka hora o ka wanaao.

NA LEKA KII OLE IA MAI

AHIKI I IULAI 4, 1925 .

Haae J. Kiure, Miss C. Kaeha Alice Mrs, Kelukipi, Mary Kauhane, Mrs. (2) Emma (2) Mana, Mrs. (2) Kaulu E. Miss Maunakea, Jas. Kahai, Mrs S. Moloka, K. Koani, Mrs. Aa. Nailima, Mary K. xd« Palakiko, N. Mrs. D. H. MacADAM, Lunaleka.