Ka Nupepa Kuokoa, Volume LXIV, Number 35, 27 August 1925 — HAULE HE KAA I KA PALI A PAKELE MAI KE OLA. [ARTICLE]

HAULE HE KAA I KA PALI A PAKELE MAI KE OLA.

Oiai • holo ana maluna o kona kaa otomobile hou, ma ka auwina la o ke Sabati aku nei i hala, ma kahi e kokoke ana i Kapukaki, i haule, aku ai ke kaa otomobile o Konela Will E. Fisher o ke alanui Puunui, i ka pali, ma kahi o umikumamalima kapuai ke kiekie, me ke kuwalawala ana o kela kaa no elua manawa, me ka pakele mahunehune ana mai nae o ke ola o Mr. Fishet, mamuli o na. ulia pomaikai. I kulike ai me ka moolelo no ka loaa ana o kela ulia poino, e holo mai an& ka o Fisher maluna o kona kaa otomobile, no ke taona nei, a i ka hoea ana ma Kapukaki, i oili aku ai he kaa kalika, noliila ua hoohuli ae la oia i kona kaa ma ka aoao hema o ke alanui, i ole ai 4 hooku'i na kaa a elua i kahi hookahi. Me he mea la, ua kuhihewa paha oia i ke akea o ke alanui, a i ole, ua hookeia mai paha • ke kaa kalaka, pela i haule aku ai kona kaa ma ka aoao o ke alanui, aole he mea i maopopo i ke komu oiai maoli o kela pilikia, hookahi nae mea i ikeia, o ia no ka nui o na poino i kau aku maluna o ke kaa otomobile. Ma ka po hoi o ka Poaono aku, he eha poe i halawai me ka poino kukonukonu, ma ka huli Koolau aku nei, i ka manawa i haule ai ke kaa otomobile a lakou e kau ana iloko o kekahi auwaha ma ka aoao o ke alanui holopuni, he elua mile ma ka aoao o ke taona nei, mai Waiahole mai. 0 na inoa o kela poe i halawai me na poino, oia o Dan Kawaihoa o ke alanui Ala Moana, Frank Keola ame ka laua mau wahine elua; ua eha like lakou apau loa. 1 kulike ai me ka hoike i hoihoiia ae i ka halewai e pili ana no kel» ulia poino, o Dan Kawaihoa ka mi nana e hook6le ana i ke kaa «tomobile, ma ke alanui Kamehameha, ma ka hora umi o ka po o kela Poaono, a i ka hoea ana o ke kaa ma kahi uakee o ke alanui, ua hiki ole iho la i ka huila hoopololei ke lawelawe i kana hana, no ia kumu, ua hu aku la ke kaa ma ka aoao o ke alanui, a haule aku Ia iloko o kekahi auwaha akea. O L. S. MeLane, ka mea nasa i hookau i kela poe i eha maluna o kona kaa otomobile, a hoihoi loa mai la ia lakou noloko o ka halema'i o na poino ulia, a mailaila i hoihoi loa ia aku ai noloko o ka Halema'i Moiwahine. He mau ulia kaa hou ae no kekahi ma kela Sabati i hala, me ka nui o na kaa i poino, a ua eha no hoi kekahi poe, aole nae i kukonukonu loa, e make ai, ua lawa no nae kela mau poino, i 'mea e pii ai ka lia maeele i ke kumu pepeiao.