Ka Nupepa Kuokoa, Volume LXIV, Number 37, 10 September 1925 — O MRS. KAPUA FONG WAI, KUU WAHINE ALOHA, UA HALA. [ARTICLE+ILLUSTRATION]

O MRS. KAPUA FONG WAI, KUU WAHINE ALOHA, UA HALA.

E Mr. o ke Kuokoa, Aloha a nui:—E noi aku ana au i kou ahonui e oluolu hoi oe e hookomo iho ma kekahi wahi kaawale o na kolamu o ka hiwahiwa a Jta lahui i- keia moolelo hoalohaloha no kuu wahine, kuu hoapili i haalele mai la ia'u, i ike mai ai hoi na kini makamaka ame na hoaloha o Mrs. Kapua Fong Wai, ua hala aku la ma kela aoao o ka muliwai eleele | o ka make, ua niau kololani aku la i ka hele ana a kona uhane ma ke ala koikua a Kane, a ua ahu iho la i kana ukana luuluu mahope nei na'u ame ka ohana na lei a mana ame na hoaloha lehulehu e hoomanao mau aku nona me na waima^

ka ike ao ame ka po. Ile lepo ke kauaka a e hoi aku no ka lepo i ka lepo, aka o ka uhana i ka mea Nana i hana, a he hope loaa kona i ka ukaliia aku, o ka minamina nae ame ke aloha he mea pau 010 ia. No kekahi manawa kona kaa ma'i ana; ua huliia no ke ola, ua uiia aku ka ike o ka poe akamai i ka lapaau a eia nae, mamuli no o ka ikaika loa o ka ma'i niamua o ka ikaika o ka laau ame ke akamai o■ ke kanaka ua hala aku la oia ma kela ao ma ka hora 3:30 p. m., o ka Poaono o ka pule aku la i hala, Sepatemaba 5, 1925, a iaia i moe aku la ua piha iaia na makahiki he 45 a oi, a ma ka ilina o Kalaepohaku i hoouioeia aku ai kona kino wailua. Ua hanauia mai oia mai ka piTbaka mai o kona makuahino Rebeka, a o Kini kona luaui makuakane, ma Kau, Hawaii, he 45 makahiki i hala. Ua hoonaauaoia oia maloko o ke kula aupuni ma Kau i kona wa kamalii, a ma kona manawa i ulu ae ai a nui ua hoohuiia maua ma ka berita o mare ika uiakahiki 19.15, a mailoko mai o ko maua mau puhaka he elna mau hoiki e ola nei, hookahi keikikane, a hookahi kaikamahine. Mahope iho o ka hala ana aku o ka hanu ola mai kona kino aku maloko o ka halekupapa'u o Mr. Borthwick, i kau ai kona kino no ke kakali ana ahiki mai kona ohana mai Kau mai, a ma ke Sabati iho nei i maneleia aku ai kona kino wailua a hoomoeia aku ma ka ilina o Kaluepohaku. He makuahine oluolu a heahea oia, he ike i ka poe kiekie a haahaa, a he malama oliana, aka nae, o ia mau ano maikai oua a pau ua hiki ole ke kaohi mai kona ola i ka manawa a ka'make e kii mai ai. He lala oia no ka Ahaliui Hoonaauao 0 na Wahine Hawaii, he lala ku maikai a moe wale aku la, a mamuli o ia kulana maikai ona i haawi mai ai ia ahahui i kana mau kokua no kona manawa e kaama'i ana ame kona lioolewa. .

Ke hamvi aku nei makou ka ohnna apau o Mrs. Kapua Fong Wai i hala aku la i na hoomaik3i piba i ka Ahaliui Hoonaauao o na Wahine Hawaii no na kokua i haawiia mai no ka makou meu aloha i haalele mai la i keia ola ana, a pela pu hoi i na hoalolia ame ns makamaka i komo pu mai e kumakena pu me makou,,a i haawi mai hoi i na maknna pua no ka hoOmakalapua ana iho i ka pahu ame ka he o ka makou men aloha, a ke nonoi ae nei ka makou pule i n« mana lani e kau mai i Kana hoomaikai, Kana hoomalu ana ame Kana kiai ahonui ana maluna o kakou apau.

Ke hooki nei au maanei me na waimaka o ka eha«ha ka"luuluu, me ka ha-awi pu aku i na hoomaikai kiekie i ka lunahooponopono o ke Kuokoa no ka ae oluolu ana mai i kekahi kolamu o ke Kuokoa no keia kajiaenae a pela hoi me kou mau paalalo ame na keiki oniuhua kepau o ka papapa'i. Na makou no me ka naau luuluu, FOXG WAI, ame ka ohana. Se.pt. 5. Kapua Fong Wai, ma ke alanui Waialae, Sept. 6. John Meheula, ma ka Halema'i Moiwahine, Sept. 6. >

MRS. KAPUA rONG WAI,