Ka Nupepa Kuokoa, Volume LXV, Number 28, 15 July 1926 — HALA IA MAU MOHO HEIHEI AU NO AMERIKA [ARTICLE]

HALA IA MAU MOHO HEIHEI AU NO AMERIKA

Iloko o ka manawa pokole loa o ka hoomakaukau ana, pela hoi ka hooikaika ana e loaa he haawina ēala, no ka hoouna ana i kekahi mau moho heihei au mai Hawaii aku nei no Pilikelepia, aia hoi, ma ka mokuahi Peresidena Ivalivilana o ka haalele ana mai ia Honolulu nei, ma ka Poaha, o ka pule aku nei i hala, i kau aku. ai o Warren Kealoha, ame Johnny Wood, me "Dad" Center, ko laua alakai, no ka hookuku ana nio na mtoho heihei au apau e hoea ae ana ma Pilikelepia. Aole i maopopo, ka holo o keia

mau kanaka opio no Amerika, ahiki i kela Poaha, aia hoi, ua akoakoa ae la na kanaka kakau nupepa, pela hoi ka peresidena o ka A. A. U., o Hawaii nei, oia ka Lunakanawai W. T. Eawlina, ame ka poe puni lealea ma ka hora ewalu o ke kakahiaka o kela la, a mahope o ko lakou kukakuka ana, no ka mea pono e hana aku ai, aia hoi, ua hoea mai la lakou, i ka lokahi like ana, he mea pono e hoounaia na moho heihei au o Honolulu nei, no laua ae la na inoa maluna, no Amerika me ka hakalia ole. Mamuli o na hooikaika aua a kekahi mau komite i kohoia maiwaena ae o ka poe i akoakoa ma ka

halawai- o kela kakahiaka, ua loaa mai la kekahi huina dala, no ka uku ana i na hoolilo o .kela poe ekolu, a o ke koena aku o ko lakou mau hoolilo, na koonei poe ia e lulu ae, a'hoike aku ma ke kelekalapa ia Mr. Center. Ma kahi o ka elua kaukani dala, ka lavra no na hoolilo o kela poe ekolu, eia nae, na loaa ka hapanui o kela mau dala mamull o na hooikaika ana a na komite iloko o ka manawa pokole, a o ke koena aku o ewalu haneri dala, o ka ko ke kulanakauhale nei ia e lulu aku ai, a hoouna aku mahope a ua makaukau keia keena e lawe mai i na kokua no keia waihona.

Kaohu Ah Nee ia Betsy Kawaiahau, lulai 12. William Ah Sec Afat ia Emeline K. Kaiuoa, lulai 13.