| | | POLOLEI KA HOOILI ANA I KE AHEWA. O ka hooili ana a ka Loio Kuhina William B. Lymer i ke
ahewa maluna o ka Meia Wilson ame na hoa Repubalika o
ka papa o na lunakiai kulanakauhale, no ke kulana paonioni i
ikeia iloko o ke aupuni kulanakauhale no na makahiki elua
i kaahope aku nei, he hoahewa pololei loa ia, e hiki ole ai i na
mana koho baloka o Honolulu nei, ke alo ae mai ke komo pu
ana aku iloko o ia ahewa hookahi ana. He mea oiaio loa o ke kapae ole ia ana o na manao pili-kino, pela hoi ka paani pilitika, ma ka aoao o ka meia ame na hoa Repubalika o ka papa lunakiai, ma ka lakou lawelawe ana i na hana o ke aupuni kulanakauhale, o ke kahua iho la ia o ka pilikia i ikeia iloko o na mahina aku nei i hala; mamuli o ka hooneleia ana o kekahi heluna mahuahua o na limahana me na hana; a e ole wale no, e komo okoa aku ke keena o ka loio kuhina ame na hoa o ka papa komisina moohelu waiwai, e hoo-ponopono i kekahi haawina, no na hoolilo o ke aupuni kulana- kauhale, pela iho la i hoopakeleia ai ke aupuni, mai ka hookauia ana ae ma kekahi kulana kupilikii, e oili okoa mai ai na hopena inoino, mamuli o kela manao hoomaau o kekahi aoao i kekahi. He oiaio no hoi, elike ma na mea i hanaia, ua hoao maoli no ka meia e lawe ae i ka mana iloko o kona mau lima a oi aku mamua o ka ke kanawai i haawi mai ai; a no ia hana ma kona aoao, aole maluna o kekahi mea okoa aku na ahewa ana e pono ai ke hookauia aku, aka maluna ponoi no ona; pela pu hoi, e pakele ole ai na hoa o ka papa lunakiai, mai ka ili ana aku o na ahewa ana maluna o lakou, no ka lakou mahele i hana ai, no ka pilikia o ke aupuni. Aia wale no a kapaeia ae na manao pili-kino o kekahi mahele no kekahi, a kapae pu ia ae ke kalaiaina mahope, a kukula mai i ka hana o ka lehulehu mamua, ma ke ano o lakou na haku maluna o na hana apau, a e lawelaweia aku kela mau hana, maluna o ke kahua o ka pono, ka pololei ame ka hoopilimeaai ole, e ike auanei kakou i ka nohoalii mai o ke kuikahi, ame ka maluhia iloko o na lawelawe hana ana apau no ko ka lehulehu mau pono. Eia nae kakou ke hookokoke loa aku nei i na la e hooukaia I , ai ke kalaiaina me ka hahana loa e na aoao kalaiaina kuloko o kakou; o ke kauleo wale no a keia nupepa, a wahaolelo o ka lehulehu, e lilo na hemahema i lawelaweia e keia mau luna oihana ae la o ke aupuni kulanakauhale, i kumu e hooiia ae ai ko kakou makaala, ma ke koho ana aku i ka kakou mau moho; a e hoike i ko kakou mau ano kuokoa, ma ka nana ana i ke kanaka ma kona mau ano kuokoa, ma ka nana ana i ke kanaka ma kona mau ano kupono; a kapae aku i ka poe i hoike okoa mai i ko lakou kupono ole. HEAHA KE KUMU O KE KAKALI ANA? l hoopu-a ae la makou i ka ninau maluna ae, no ke koi ole ae o A. F. Clark, i kona kulana i ka papa lunakiai kulanakauhale elike me kona hookohuia ana aku. e ki Meia Wilson, he mau mahina ae nei i hala. Ke olelo nei oia, ma o kana leka o ka hoouna ana aku imua o ka meia, he hoa no oia no ka
papa, o ke kumu wale no o kona hiki ole ke hele ae ma na
halawai a kela papa, no ka hoonoho o na lunakiai Repubalika i kekahi makai, no ke kipaku ana iaia mailoko aku o ka hala-
wai a ka papa. Ua kulike no ko ka Meia Wilson manao me ko Clark, no ke kuleana o Clark i ka noho lunakiai, elike me kana o ka hookohu ana aku iaia; ina pela i'o, a i wahi e ikeia ai ka pololei o ko laua manao, heaha ke kumu i lawe ole ia ae ai na keehina ma ko laua aoao, no ka hooia ana i kela manao pololei? No ka hele ole ae o ka Lunakiai Cunha ma na halawai o ka papa pela me ka Lunakiai Ahia, ua hookomoia ae he hoopii e ku-e ana ia laua imua o ka aha, no ko laua ku-e i ka laua! hana iloko o ka papa; o ka hopena nae o kela hoopii, o ia no ke kaa ana o ka pono ma ka aoao o na lunakiai i hoopiiia, no ka mea ua noho laua malalo o kekahi mau kumu; pehea ka meia i hookomo ole ae ai i kekahi hoopii ku-e ia A. F. Clark, no kona hoea ole ae ma na halawai a ka papa, ina he kuleana kekahi ona i kela kulana? Elike me na pilikia i kau aku maluna o Kumalae ame Ching, no na hemahema i hana ole ia e laua, pela no auanei ka oiaio loa, o keia pilikia i kau aku maluna o A. P. Clark, e pono ai e hooili aku oia i kana ahewa ana maluna o ka Meia Wilson, no ke ku ole i ke kanawai, na hana apau i hookoia ma kona hookohuia ana mai, ame ke aponoia ana i hoa no ka papa o na lunakiai kulanakauhale. O kekahi leka i hoounaia ae i ka Nupepa Advertiser, e ke Kapena Victar Houston, o ka oihana kaua o Amerika, i waiho i ka oihana, e hoakaka ana i kona manao ku-e, no kekahi hoolaha i hoopukaia ae e kekahi Kepani, e papa ana i ka poe apau e hele ana e lawai'a mai Puuloa aku ahiki i Nanakuli, no ka mea ua lilo ka pono lawai'a o kela mau kai iaia; o kela kekahi hoakaka e pono ai e loaa aku ka ike i na makaainana o Hawaii nei, no ka hiki ole i kekahi mea ke ku-e mai i ko lakou pono i haawina mai e na kanawai, no ka lawai'a ana ma na kai apuni o Hawaii nei. Ina he kuleana i'o ko kela Kepani i ha kai lawai'a i kaa aku malalo o ka hoolimalima iaia, alaila, o ka i'a wale no i kuleana ai o ka haku aina, malalo o ke kanawai, ka i lilo aku malalo o kela hoolimalima ana, aole o na i'a apau e noho ana iloko o na palena o na kai i hoolimalimaia, e hele ai e lawai'a i na i'a e ae, me ke ke'ake'a ole ia aku e kekahi mea. E hoonaauaoia kakou e pono ai, ma keia ninau ano nui! Ma ke kapae ana i kona mau manao pilikino, ame ka aoao kalaiaina mahope o ke kua, a kukulu mai i ka pono o ka lehulehu ame ke aupuni mamua, i hoike ae ai ka Lunakiai Effinger, iaia iho, ma ke ano, aia maluna ona na manao mahalo o ka lehulehu, no kana mau hana i lawelawe ai iloko o ka papa lunakiai kulanakauhale, mahope iho o ke kaawale ana aku o A. F. Clark mai ka papa aku, ka mea nana e hukihuki ana iaia me ke kaula o ke kalaiaina. Aole i nele ka huakai aku nei a Kiaaina W. R. Farrington i Amerika me na hopena e pomaikai ai o Hawaii nei, no ka mea ma na wahi apau ana i haawi ai i na haiolelo, ua hoonaauaoia aku he heluna nui o na kanaka Amerika, me ke kulana oiaio o keia teritore, he ike i loaa ole ia lakou pela mamua aku. | | | | | | | | | | Nuhou
Kuloko He ahamele, hoikeike tabalo ame hulahula ke haawiia ae ana maloko o ke Poola Hall mauka ae nei o ke Alanui Ololi Holokahana, ma ka hora 7:45 o ka po o keia Poaono iho, Augate 21, 1926. O na pomai-kai e loaa mai ana no kela hana, e holo aku no ia no ke kokua ana i ka luakini o ka ekalesia o ke Akua Ola ma Waialua. Ma keia Poakahi ae e haalele iho ai ka Rev . J. H. Kuni o ka ekalesia o Waialua o ke Akua Ola ame kona mau hoa, no ka wehe ahamele ana, hoikeike tabalo ame hulahula no Maui. E wehe mua ana lakou i ka ahamele ma Lahaina a nee aku no Kahului. No ke alualu ana i ke kulana meia no ke Kulanakauhale a Kalana o Honolulu nei ma ka aoao Repubalika, ma keia kau koho wae moho iho, o Harry E. Murray, ka luna kukeawa mua iho nei, kekahi moho o ka hoike ana ae i kona manao ma ka Poakahi iho nei. Ua hoole ae nei o Senatoa Chillingworth, no kona lilo i moho elele lahui ma ka aoao Repubalika, ma keia kau koho baloka kuloko; nolaila ke waiho nei kela kulana oihana me ka maopopo ole o ka moho a ka aoao Repubalika no keia manawa. No ka loaa pono ana aku o kekahi mau Pilipino ekolu, e lawai'a ana mahope aku o ka napoo ana o ka la, malalo ae nei o Kealakai, i ka akena o na i'a ame na holoholona, i paa ae ai lakou i ka hopuia, ma ka po o ka Poaono aku la i hala, me ka hoopa'iia ana iloko o ka aha hoomalu ma ka Poakahi nei, aole nae no kela hewa wale no, aka no ka loaa pu ana aku kekahi he ula malalo o ko lakou malu. O na manao kohokoho wale o kekahi poe ma na la aku nei i hala, no ka hookohuia ae o ka Ilamuku Amerika Cox i makai kiekie no ke teritore, ua hoole ae o Mr. Cox ma ka Poakahi iho nei, aole oia i ake aku e loaa mai iaia kela kulana oihana. No ka hoonee ana aku i na hana kalaiaina no kona kulana holo moho, i hoakaka ae ai ka Makai Nui Trask, aole ona makemake e kamailioia na hana pili kalaiaina, ma kona mau hora hana, a maloko paha o kona keena, aka mawaho o ka manawa hana o ke aupuni, a maloko hoi o kona keena kalaiaina, e weheia uku ana ma keia mua koke iho. Ke ku hou mai nei ke alalauwa i keia manawa, no ka mea he nui ke alalauwa i kuaiia ae ma ka makeke kuai i'a ma ka Poakahi iho nei. Ma ka la ekahi o ka mahina ae nei o Sepatemaba, e hoomaka ai ke komo hou ana o na kula aupuni apuni ke, teritore, me ka pau o ka hoonohonoho ana a ke komisina hoonaauao, i na kumukula no kela ame keia Kula pakahi. Ma ka Poakahi iho nei, i hoole mai ai ka Luna kanawai Parsons i ke noi a na loio o ka Puuku D. L, Conkling, no ka hoopau loa ia o kekahi mau hoopii i koe e ku-e ana iaia, malalo o ke kumu, ua hookuuia ka Puuku Conkling no ka elua o ka manawa e na kiure na lakou i hoolohe i kona hihia, ma ke kumu hoopii ekahi. No ka lele ana o kekahi keiki e kau ana maluna o kekahi kaa kalaka, me ke kakau ole ahiki i ke ku ana o kela kaa, i hina ai o George Nip a hooku'i ke poo iluna o ke alanui paakiki , ma ka auwina la o ka Poakahi iho nei, me ka lilo o ka poino i loaa i kela keiki i kumu nona e hoihoiia ai maloko o ka halema'i no ka lapaauia mai. No ke kuai ana i na pua, maho-
pe aku o ka hora umi o ka kakahi-
aka o ke Sabati iho nei , i hopuia ae
ai na ona no lakou kekahi mau wa-
hi kuai pua ma kela la, no ko la-
kou ku-e i ke kanawai Sabati. Mahope iho o ka hoohala ana i kona mau pule hoomaha ma ka Mokupuni o Hawaii, i huli hoi ae ai ka Lunakanawai John R. Desha no kona keena o ka aha hookolokolo kaapuni , ma ke kakahiaka o ka Poakahi iho nei. Ma ke Star-Bulletin o ka Poakahi iho nei , i houpuupuia ae ai ka inoa o ka Rev. Akaiko Akana ma ke ano ke noonoo nei oia no kona holo aku he moho elele, lahui ma ka aoao Repubalika, ma keia kau koho baloka wae moho. Iwaena o na moho o Hawaii i ma-
kemake loa ia e holo mai no ka
hale o na lunamakaainana, i kulike
ai me kekahi meahou o ka loaa ana
mai i Honolulu aei, ma keia kau
wae moho iho, ka inoa o Mrs. Aiu. | POMAIKAI KE AUPUNI MAMU-
LI O NA DALA I HOAIEIA Ma ka hoakaka a ka Loio Kuhina Lymer, ma ka Poalima aku nei i hala, o na dala i hoaieia aku, i ka poe hookuonoono, e ka papa komisina hoaie, aole ia he mau dala, auhau, aka he mau dala ia i hookaawale maoli ia ae no, mai na loaa laula mai o ke aupuni, o ka hopena nae i ikeia ma o ka hoohanaia ana o kela mau dala, o ia no ka loaa o na pomaikai nui i ke aupuni. O ka haawina o hookahi haneri kaukani dala i hookaawaleia ai i kinohi, no ka hoaie ana aku, i ka poe hookuonoono, ua hoihoi hou ia mai ia, a ua paku'iia aku hoi i kela huina he mau dala mahuahua hou ae, ahiki i ka piha ana o ka huina o $750,000 i keia la, he huina i loaa mai , ma o na aina i hooliloia aku, a mai na uku panee mai o na dala i aieia, a i uku hou ia mai. Ua hoakaka hou ae ka Loio Kuhina Lymer , o na dala i aieia mai e ka poe hookuonoono, aole ia i holo pololei aku i'a lakou, aka no na hana hou wale no maluna o ko lakou mau ailia, ma kela ano iho la, ua hoopomaikaiia aku ke aupuni, ma ka hoopiiia ana ae o ka auhau o na aina. Mawaho ae o kela pomaikai pili i ka auhau, wahi hou a ka Loio Kuhina Lymer, ua hoaieia aku na dala, me na waiwai hoopaa kupono e laa na kuleana ame na aina hookuonoono, eia nae o ke kuleana hapalua wale no o ka poe hookuonoono i na aina hookuonoono, ia i hoopaaia make ano moraki. No na moraki apau i hanaia, me ka uku ole ia mai o na dala a ke aupuni, aole i poho iki ko ke aupuni aoao; a ma kahi o ke kanakolu-kumamaono poe i uku piha mai i ko lakou moraki. MAKE IA KEIKI
HAWAII MA AMERIKA Ma kekahi kelekalapa o ka hoounaia ana mai i na aliikoa o ka oihana kaua o Amerika malalo ae nei o Puuloa, ma ka pule aku la i hala, i hoikeia mai ai ka make ana mai nei o ia keiki Hawaii, o Tho-mas Wright ka inoa, maloko p ka oihana kaua ma Brooklyn, ma ka la 6 iho nei o ka mahina o Augate nei, a e hoihoiia mai ana kona kino wailua, no ke kanu ana ma Hawaii nei. No na makahiki ewalu ae nei i hala, i noho hana ai keia keiki opio iloko O ka oihana kaua moana o Amerika, a na kona pauaho e ana mai la i keia ola ana, i hoopau ae i kana hana ana ma ka honua nei. Ua hanauia o Thomas Wright, ma Hookena, Kona Hema, Hawaii; o kona mau makua, oia o Mr. ame Mrs. W. E. Wright, o Hookena l Kona, Hawaii mamua, a i hoi mai nae a noho paa ma Honolulu nei, mauka ae nei o ka Helu 1230 Alanui Kamehameha IV. Ma ka manawa o ka loaa ana mai o ka hoike i na aliikoa o ka oihana kaua malalo ae nei o Puuloa ua lilo i hana pohihihi ma ko lakou aoao, ka huli ana aku i kahi o na makua o ke kanaka opio i noho ai aka i wahi nae e hoomamaia ae ai kela hana, ua hoikeia mai la ka lohe no kela make ana i ka nupepa Advertiser, a ma kekahi la ae no, ua loaa koke aku la ka hoike i kela mau aliikoa no na makua o ke kanaka opio ame ke laua wahi i noho ai. Ma kela hoomaopopo ana, i ka hopena i kau mai maluna o ka laua keiki, i loaa ai na kukakuka ana mo na aliikoa, no ka hoihoiia mai o ke kino wailua o Thomas Wright, no Honolulu nei; a elike me ia ma-kemake, i hoounaia aku ai ka lohe i na aliikoa ma kahi hoomoana o ka oihana kaua ma Brooklyn, e hoouna mai i ke kino wailua o Mr. Wright no Honolulu nei. Aia a hoea mai ke kino wailua, e malamaia ana he hoolewa me na hoohanohano ana apau a ka oihana koa o Amerika maluna ona, elike me ka mea maa i hana mau ia ma-luna o na koa apau o kela oihana, i haalele mai i keia ola ana. Ma ka manawa i haalele mai ai o Thomas Wright i keia ola ana ana, ua piha iaia na makahiki he iwakalua-kumamahiku. ELUA MAU KANAKA I MAKE I KA WAIPUILANI MA NU IOKA E hoakaka ana kekahi meahou o ka loaa ana mai ka Associated Press mai o ka Poakahi nei no ka make ana o kekahi mau kanaka elua, ka nalowale honua ana o kekahi kanaka okoa aku, ame ka eha ana o elua mau kanaka , ka ulaaia ana o na kumulaau a hina ilalo ame ka hoohioloia ana o kekahi mau hale e kekahi waipuilani ikaika o ka nee ana mai ke Kaikuono mai o Long Island ma ka hora 9 o ka po Sabati i hala, a ua lilo ia waipuilani i mea hoopoino i na wahi e pili ana i ke kapakai no ka hapalua mile ka loa. O keia ka mua loa o na poino i ikeia ma-muli o ka waipuilani ma ka moolelo o ke ae. | Nuhou
Kuwaho NOGALES, Ariz., Aug. 6— Ma ka
hoakaka a ka mea kakau meahou
no ka Nupepa Herald Mexico City
ua lawe ponoi ae o Ernesto Garza
Perez, ka lunakanawai kiekie a he
hoahanau koikoi hoi no ka hoomana
Kakolika i kona ola iho me ka po-
ka o ka pu panapana. SPRINGFIELD, Mass., Aug 6.— I keia la i poalo ae ai o B. C. Bearse i na maka o kona makuahine me ka hana hoomainoino ana iaia ahiki i kona make ana iloko o ka manawa i ulupuni ai oia me ka ma'i pupule a lilo oia i kanaka hupo loa mahope iho. Loaa aku oia e noho ana ma ka aoao o ke kino make o kona makuahine. He keikikane o Bearse na ka puuku kalana, a he enekinia hoi i puka pono mai ke Kula Nui Northeastern mai, Ua paa oia i ka hopuia a hoopaaia aku maloko o ka halepaahao. LOUISVILLE, Ky., Aug. 8— O
Mrs. John W. Langley, ka wahine
a ka Lunamakaainana Langley o
ka apana 10 o Kenetuke, ka i ko-
hoia i lunamakaainana ma ka la
i nehinei a haule o A. J. Kirk. Ua
kohoia oia no ka hoopiha ana ma
kahi o ka manawa i pau ole o Lang-
ley, kana kane i hoahewaia ai no
(a ohumu ana e ku-e i ke kanawai
hookapu waiona. BUFFALO, N. Y . Aug. 8— He umi
poe i make, he mau keikikane ame
na kaikamahine ka hapanui, i ka
manawa o kekahi poe auau i koia
ai e ke au maloko o ka Moanawai
Erie a lilo i ka hohonu, a no ko la-
kou ike ole i ka au i pau loa ai i
ka make. RIO JANEIRO, Brazil, Aug. 5— He iwakalua-kumamaono poe i piholo a make ma ke ahiahi o nehinei i ka manawa o ka mokuahi Bitar e holo ana mawaena o na awakumoku o ka akau ma na kapakai Berazila i hooku'i me ka waapa nui (pontoon) ma kahi kokoke i ke Kaikuono Araras a piholo. TOKIO, Aug. 14— Hookahi haneri ame kanaono-kumamawalu mau bebe i hanauia maloko o keia kulanakauhale i kela ame keia la, he averike o aneane ehiku bebe i ka hora, elike me ia i ikeia maloko o ke keena hoopaa o na hanau mare ame ka make e na luna aupuni maanei. O ka heluna nui o na hanau iloko o na mahina 12 o ka makahiki he 62,398. O ka heluna lahui maloko o Tokio wale no he 2,000,00. PARISA, Aug. 15— He lono ma ka uwea kelekalapa mai Beirut, Suria mai, ke hoakaka ana o ka poe kipi 5000 ka nui i paa ai i na wahi mawaho aku o Damaseko, ua hoauheeia aku a ua hoi aku i ko lakou mau kulanakauhale iho. WAKINEKONA, D. C. Aug. 15— Elua mau kanaka i make a he ka kini a oi aku poe i maule i hoikeia mai ianei i keia la mamuli o ka ikaika loa o ka wela. Eia ke kulanakauhale iloko o ka umii a kekahi au wela loa i ike ole ia mamua. SAN DIEGO, Aug. 15— O Earle C. Parker, he kanaka Amerika ame ewalu mau kanaka Mekiko ka poe i hopuia e na akena o ka oihana hookolokolo ma kahi he ewalu mile ma ka hema aku o nei, a hoopiiia ae no ke ku-e i na kanawai hoomalu o kekahi aupuni kuokoa. Ma ka olelo a ka poe i hopuia ai e hele ana la-kou no ke Awawa Imperial a mailaila aku no Mekiko me elua mau kaa kalaka i piha me na pu mikini, na pu raifela ame ka poka. He kanaka lawelawe oihana kalepa o Parker no San Diego nei. MORGANTOWN, Ky., Aug. 3-O ka Rev. W. A. Moss, o 32 ame Jerome Robinson, o 30, he mau wahine haieuanelio, ua pepehiia laua laua a make i keia la ma ka mana-wa a laua e himeni ana i ka himeni wehe no ke auaina hoeueu maloko o kekahi halekula kuaaina ma Early Kenetuke. Ke huli mai nei na makai i ka poe hana waiona ka poe i manaoioia ua huhu lakou i na wahine haieuanelio no ka hana kinai waiona i hoolalelaleia ai o laua. NA MARE. Samuel Kahana ia Emma W. K.
Needham, Aug. 14.
Ernest Peter ia Elmira Melemai,
Aug. 16.
NA HANAU. Na Mr. ame Mrs. Isaac Aken,
he keikikane, Iulai 24.
Na Mr. ame Mrs. Frank K. Jonah
he keikikane, Iulai 26.
Na Mr. ame Mrs. Eddie Holt, he
kaikamahine, Aug. 9.
Na Mr. ame Mrs. Jack Makini,
he kaikamahine, Aug. 12. | E HOLO MOHO HOU AKA O
CLEM GOMES NO KA AHAOLELO Iwaena o ka poe i hookomo mai nei i ko lakou mau palapala noi holo moho no ka ahaolelo, me ke kakauolelo Raymond C. Brown o ke teritore o Clem Gomes o Kauai kekahi , e holo hou ana no ka hale o na lunamakaainana, ma ka aoo Repupalika, ma keia kau koho baloka wae moho , e hoea mai ana iloko o ka mahina ae nei o Okataba. O ka Hon. C. Games kekahi hoa o ke kau ahaolelo aku nei i hala , i kohoia mai Kauai mai; oia kekahi hoa opiopio loa iloko o ka ahaolelo , eia nae , oia ka mea kiekie loa o na baloka i kohoia, maluna o na moho apau i holo ma kekahi kulana oihana, he elua ae nei makahiki mai Kauai mai. No kona piha ohohia ia e na mea apau ma Kauai, pela kona makemakeia, pela iho la i loaa ai iaia kela heluna baloka kiekie ma ia kau; a no ka pau ole no o kela hilinai o na makaainana koho baloka iaia, mahope iho o ka ike ana i kana mau hana maloko o ka ahaolelo aku nei i hala, pela lakou i noi okoa aku ai iaia e lilo hou i moho na lakou i keia kau. He keiki hanau oia no Kauai o Manokalanipo, ua ulu pu ae me na keiki Hawaii o kela mokupuni iloko o ko lakou wa liilii, ua ike i ke ano o ka noho ana o na kanaka, ua kamaaina i na hemahema ame ka pilikia o kela ame keia wahi o kona mokupuni iho; a no ka haawi ana aku i kekahi mau pono ame na pomaikai i ka lehulehu, na mea i loaa ole ia lakou i keia manawa, pela iho la i hookomoia aku ai na manao uilani iloko ona, e lilo i wahaolelo no lakou iloko o ka hale kaukanawai, me kona manaolana; elike no me na manao ohohia o ka lehulehu o na mana koho o Kauai i haawi aku ai iaia, ma ke kau aku nei i hala, pela no lakou e papahi hou aku ai iaia, me ka lanakila ma keia kau. E HOLO MOHO HOU MAI ANA O WM. HUSSEY E holo moho hou mai ana o Wm. K. Hussey o Kauai, ma keia kau koho baloka wae moho e hoea mai ana, no ka hale o na lunamakaainana, ma ka aoao Repubalika; oia kekahi iwaena o na moho lehulehu e holo mai ana ma keia kau. Eia oia ke lawelawe mai nei i ka oihana loio ma Kauai; me kona halawai mau ana me na makaainana koho baloka, i kela ame keia manawa. Iwaena o na hoa oloko o ka hale o na lunamakaainana ma ke kau aku nei i hala, o ka Lunamakaainana Wm. K. Hussey kekahi mea i ike maoli ia kona hooikaika, ma kekahi mau hooponopono ahaolelo, i pili i ka pono o na makaainana, a ua nui kana mau bila i lilo i kanawai. He elua ona kau ahaolelo i noho ai iloko o ka hale o na lunamakaainana. Ma kona manawa mua loa i kohoia ai, mai ka pana elima mai, ma ka mokupuni o Oahu nei, a ma ka elua o ka manawa mai Kauai mai, a ke holo hou mai nei no oia, no ka ekolu o ka manawa, me ka paa loa o kona manao, aole no ko Kauai poe, e hoohewahewa ana no ka lakou mea i hana aku ai nona ma ke kau aku nei i hala. O Mrs. Rosalie Keliinoi no kekahi e holo moho mai ana i kela kau; eia ma Honolulu nei kona noho ana i keia manawa, aka nae e hoi aku ana no oia no Kauai, malaila oia e noho ai, ahiki i ka wa koho baloka wae moho. Me kela hilinai mau no maluna o na makaainana o Kauai, no ko lakou mau manao ohohia nona, me ka makaukau e hoikeike aku i kana mau hana maloko o ka aholelo aku la i hala, aole he kanalua iki iloko o Mrs. Keliinoi, no ka hooili hou mai o kona mau haku makaainana i ka lei o ka lanakila maluna ona, ma ka la koho baloka wae moho e hoea mai ana. NA MAKE. Mrs. Kalama Joe, ma ke alanui
Kahala, Aug. 9.
Iona Kawahamana, ma ke alanui
Kanakanui, Aug. 10.
Charles Palaualelo, ma ke alanui
Kamika, Aug. 10.
John Kawainui, ma ke alanui
Beckley, Aug. 11.
Charles Kaui, maka apana La-
nakila, Aug. 12.
Charlotte, Kamikana, ma ka Ha-
lema'i Kepani , Aug. 12.
Lucy Kahili , ma ke alanui 15,
Kaimuki, Aug. 14.
James Kaai Jr., ma ke alanui
Moiwahine Hema, Aug. 14.
Solomon Kalaaukahi Lo, ma ka
Home Leahi, Aug. 14.
Sarah Pau, ma ke alanui Kua-
kini, Aug. 15.
Julia Foster Kahalewai, ma ke
alanui Kapahulu, Aug. 16.
Chas. H. Rose III, Jr., ma ke Awa-
wa o Manoa, Aug. 17.
Harriet H. K. Merseberg, ma ke
alanui Liliha, Aug. 17. | | | | | | | | | | | |