Ka Nupepa Kuokoa, Volume LXV, Number 43, 28 October 1926 — MAI HOOLOHE I NA OLELO HAKUEPA! [ARTICLE]

MAI HOOLOHE I NA OLELO HAKUEPA!

I ka Lunaooponopono o ka Nupepa Kuokoa; Aioha: —E oluoiu oe e hookomo iho i keia mau -wahi mapuna leo oi ike mai ai na kini oiwi Hawaii o ko lakou aina aloha. Aikena ka hoi i na hana kalaiaina 0 keia mau la e hoino ana ae haehae ; ana i ka moho Elele Bepubalika Victor Kaleoaloha Houston, a kakou no apau e lohe nei, a e ike nei malako o na Nupepa o ke kaona nei. Ka mua o na olelo hakuepa a kohuole e pili ana no ka inoa o keiā elele '' Kaleoaloha.'' Wahi a na Demokalaka, he inoa apo wale mai no keia a mai ka puu opala mai. Ea, uwoki! E nana mai no kakou ke ola nei no kekahi poe'kahiko o ka aina 'i kamaaina i ke alo alii, a i ike, a i loho na ko Kamalii Kuth Keliikolani i hookau a haawi aku i keia inoa "Kaleoaloha-o-Kapuaiwa" maluna o keia keiki i kona wa bebe, 1 ka manawa a kona makuahine i hoi mai ai me kana kamaiki i ko kakou aina aloha nei. He Hawaii hoi kona makuahine ma ke koko, a i laweia e hoonaauao, a ua noho malalo o ka malu o ka Moi Kamehameha V, Kapuaiwa. Aole i lawa iho la keia mau hoino like ole i ka Elele Kaleoaloha, aka huli mai la ka nupepa namu New rreedom o Okatoba la 22, ka wahaolelo hoi o na Demokalaka, ma kekahi o kona mau kolamu, a pehi mai ]a i ka Elele Alii Kuhio e moo la i ka moe kapu o Niolopua, ma Maunaala, e olelo ana he molowa (indolent) ke Alii a ua oi aku na mea i hanaia i ke kau o Jarrett (Haalilio) e holo ana mamua o ko ke Alii Ke waiho aku nei keia makanau e na oiwi Hawaii e nana iho i keia mau olelo hookano i ke Alii Kuhio, ka mea nana i hooikaika i wahi e hoona ai kona lahui, o ia hoi ka lepo e ku ai ka wawae maluna o ko kakou aina aloha, o ia hoi keia bila hoopulapula. E ala e na oiwi o Hawaii nui o Keawe, ka moku kui)u i ka hikina a ka la; E ala e Maui o Kama, na hono kapu o Piilaui; E ala o Molokai nui % a Hina, E ala e Oahu nui a Kakuhihewa, E ala e Kauai o Manookalani, E ala e Niihau i ka inole o Lehua. Mai hoolohe i na olelo hakuepa a hookano e hoea aku ana imua o oukou, aka e ku a maloeloe a e koho i nei moho Elelo Victor Kaleoaloha Houston. Mai hoohewahewa i nei keiki-he Hawaii ma ke koko. Me ka oiaio, Kalani Kiekie. OIWI HAWAII.