Ka Nupepa Kuokoa, Volume LXV, Number 46, 18 November 1926 — Page 2

Ka Hopena o ke Koho Baloka Kulanakaahale a Kalana i malamaia ma ka Poalua, Novemaba 2, 1926, Kulanakauhale a Kalana o Honolulu


PIHA KA HALEPAAHAO I KA POE ONA MA KA LA HOOPAU KAUA Ma ka Poaha o ka pule aku la i hala, ka la hauoli no ka pau ana o ke kaua, aole i malamaia ka ha- nohano o ia la ma ke ano naauao e kekahi poe ma kekahi mau wahi o ke kulanakauhale; maloko o ka bu- ke a ka oihana makai he mau mo- olelo e pili ana i ka hakaka, na ulia kaa otomobile, ka ona, ka aihue kaa otomobile ame na hewa liilii e ae he nui ka i ikeia, a ua piha oloko o ka halepaahao o ka halewai i ka poe hakihaki kanawai like ole i loaa aku e hikaka mai ana kekahi poe ma na kihi alanui, me ka loaa pu aku o kekahi poe na malule a e moe ana maluna o na wahi i makemake ole ia i ka wa noonoo kanaka, no ke kaumaha loa i na ukana (ona) a lakou e auamo ana. Ma na hora kakahiaka o ia la he ekolu poe i laweia ne e ka Makai Nui Trask mai ke alanui Muliwai ame Vinia mai, kahi oia poe i hopuia mai ai no ka hoohaunaele i ka ohana. Ma ka auwina la, o ke Kapena Koa Waldo E. Ard, o Leilahua ka i laweia ae i ka halewai a hoopiiia ae no ke ku-e i na kanawai e pili ana i ka holo ana o na kaa. Ma ka hoike a ke kauka makai nona oia keia: "Ula kona helehelena: Hohono rama kona hanu i ka ale- kohola. 145 pana ana a ka puuwai, he 32 manawa e hanu ai i ka minu- ke. Aohe hiki pono ke hoopuka mai i ka olelo. Hikaka ke kauohaia aku e ku. Aohe hoomaopopo mai	i ke kauoha." Ma ka hoike hoi a ka Makai George Cypher, ka mea nana mo- kokaikala i hopu ma ke alanui pe- nei kana: la Joseph Wong e kala- iwa ana i kona kaa mokokaikala a e holo Ewa ana maluna o ke ala- nui Moi ia wa ke kaa oio i holo mai ai mahope a hina oia ilalo, a hooma aku la no o Waldo E. Ard i ka holo ana, a oiai owau mahope mai ona ua ike mai la au i ka hoo- kui ana o ko Waldo E. Ard kaa i ka mokokaikala o Joseph Wong. Ua hahai mai au iaia ahiki i ke kaa ana o ka'u kua mokokaikala mamua o kana kaa a hookui kona kaa me ka pae mahai o ke alanui. Wahi a Ard, o ka olelo ana mai ia'u ua ike no ka oia i ka hooku'i ana o kona kaa i ke kaa mokokai- kala o Joseph Wong. Ua ona o Waldo E. Ard ma ka manawa o ka hooku'i ana o kona kaa i ke keiki. Ua hookuuia o Ard i ke ahiahi ana iho o ia la, mamuli o ka olelo a na hoaloha o Ard e hoea mai ana no oia imua o ka aha ma ke kaka- hiaka Poalima mai. He Kepani lawelawe no ka Owl Cafe, o K. Kanataro ka inoa ka i haki kona iwi umauma lei ma kona manawa o ka paani hakoakoa Ke- pani ana me kona hoapaani S. Te ruya, ma ke poo o ke alanui Lewis, ma Waikiki. Ua laweia mai oia ahiki i ka halema'i o na poino ulia a mahope o kona lapaauia ana ma- laila ua aeia aku kana noi e hoou- naia oia i kona kauka ponoi no ka lapaau ana mai iaia No ka holonui me ka noonoo ole i ko ha'i pono i hoopaaia ae ai ko Ernest Lindsay inoa ma ka buke a	na makai. Oia ame kekahi mau hoaloha ona me elua mau omole okolehao e kau ana a hooku'i ke kaa ia Sabio Bebia. he keiki hana no O. N. Tyler, ma ke alanui Ku- kui kokoko i ka muliwai. E hele- wawae ana o Sabio ma ka aoao o ke alanui ma ka akau ma kona manawa o ka hooku'iia ana aku, me ka hookani ole o ke kalaiwa i kana o-le. Ua eha loa ia keiki me ka haukae a nahaehae pu o kona lole. Ma ka halema'i ulia oia i lapaauia ai a mahope iho i kiiia mai ai e kona haku a hoihoiia aku i ka hale. HULI HOI MAI NEI KA LUNA- KUKEAWA MRS. HYDE Mahope o ka hoohala ana he elua mahina ma Wakinekona i huli hoi mai ai o Mrs. Jeannette Hyde no ^''o kulanakauhale ma ka mokuahi Maui, o ka Poalua iho nei, me kona hoole loa ana mai, no ka pololei o na mea i hoikeia ae maloko o na nupepa, no kona olelo ana, e kipa- kuia na Pukiki ame na Kepani kuai waiona mai Hawaii aku nei. Wahi ana, o na manao i hoopu- kaia maloko o na nupepa, he mau mea wale no ia e hapala mai ana iaia ame ka aoao Repubalika, eia nae ua hiki ole e ko kela manao hoo- pilikia, no ka mea ua kaa ka lana- kila i ka aoao Repubalika ma ke koho baloka aku nei i hala. No ka hopena o kana huakai ma Wakinekona, wahi ana, he maikui walo no, aka nae no na hana i pili loa aku i kona keena, ma ke ano he luna kukeawa no Honolulu nei aole oia i hoike wale ae i ke akea.

HE PAHI KE KUI I

HOOPAAIA AI KEKAHI PA-
LAPALA MA KA PUKA

Eia ka Hui Ku Klux Klan maloko o keia kulanakauhale, wahi a Maurice Rey ka ona o ka halehana lauoho ma ke alanui Emma. Ma ka hoopii a Rey imua o ka Makaikiu Kellett ma ka Poaono aku la i hala ua loaa mai iaia kekahi hoike mua no kekahi pilikia e hanaia mai ana maluna ona, no ia kumu i make-make ai oia e waiho ae iaia iho iloko o na lima o ka oihana makai no ka hoopakele aua iaia, a ua noi pu ae oia e hoopakeleia oia mai na hana hoopilikia mai a kekahi puulu o ka poe kolohe i ike mau ia maloko o kona apana.

Iaia i hele aku ai i kona halehana ma ke kakahiaka Poaono i hala o ka mea mua loa a kona mau maka o ka ike ana aku e kau mai ana ma ka puka he palapala i hoopaaia aku me kekahi pahi i pena ulaula ia a e mau ana hoi ka maka-o ke pena maluna o ia pahi. Eia na olelo i kakauia maloko o ia palapala. "E Mr. Freitchie, Mai ae oe i ka la e napoo maluna ou maloko o keia kulanakauhale. E MAKAALA, K. K. K."

E kaa ana na ka oihana makai e makaala aku i keia ano hana hooweliweli a e hoao aku ana e huli a e hopu i ke Kaula Imeperiala a ka hui Klan e noho nei maloko o keia kulanakauhale.

NA MARE

William H. Holbron ia Lily Moss-man, Nov. 4.

Abraham Kauihana ia Luciana Ka mai, Nov. 6.

Thomas E. McLean ia Lydia Halaole, Nov. 6.

Kenneth H. San Yuen ia Emma
H. Malahu, Nov. 9.
J . P. Ferreira ia Edith Saunders,
Nov. 10.

Thomas H. Kapua ia Irene Kealoha, Nov. 11.

Robert L. Bebout ia Louise Kupi he, Nov. 12.

NA HANAU

Na Mr. ame Mrs. Keoni Kaikaka, he kaikamahine, Nov. 9.

Na Mr. ame Mrs. Paul K. Baker, he kaikamahine, Nov. 10.

Na Mr. ame Mrs. Nohola Moke, he keikikane, Nov. 11.

Na Mr. ame Mrs. William K. Karratti, he kaikamahine, Nov. 12.

Na Mr. ame Mrs. Charles Kahuakaiola, he keikikane, Nov. 14.

Na Mr. ame Mrs. Charles Kane, he keikikane, Nov. 14.

Na Mr. ame Mrs. John Kekino, he kaikamahine, Nov. 14.

NA MAKE

Julia Keliipupuka H. Kaninaualii, ma ke Alanui Kapunahou, Nov. 6.

Beke Kawaa, ma ka Home Lunalilo, Nov. 6.

John Kele, ma ke Alanui Kukui, Nov. 6.

Samuel Kekaha, ma ka Halema'i Moiwahine, Nov. 3.

Kalani Umi Austin, ma Kalihi-uka, Nov. 7.

Palau Makua, ma ke Alanui Keawe, Nov. 9.

Palakiko, he bebe hanau hou, ma ke Alanui Colburn, Nov. 9.

Joseph Lokana, ma ka Halema'i Teritore, Nov. 11.

Samuel Jones, ma ka Halema'i Moiwahine, Nov. 11.

Karratti, he ebe hanau hou, ma ke Alanui Beritania, Nov. 12.

John Pau De la Cruz, ma ka Halema'i Moiwahine, Nov. 13.

Samuel laea, ma ke Alanui Kukui, Nov. 14.

Kekino, ma ke Alanui Moiwahine, Nov. 14.

Ah Yee Young, ma Kamoiliili, alanui
Waialae, Nov. 15.

Aberahama Kioula, ma Kamoiliili, Alanui Waialae, Nov. 16.

HOPUIA NO KE KUDALA MA
KA PO.

Ma ke ahiahi o ka Poaono i hala aku la i paa ae ai o James Elston i ka hopuia a hoopiiia ae malalo

o ke Kanawai 195 o na Kanawai o
ke Kau Ahaolelo o ka 1925, no ke
kudala ana i na waiwai me ke ku-e

i ke kanawai ma ka po. Ua ku-
dala o Elston malalo o ka laikini
kudala a ka Harry Armitage Co.
He kanaka haua aku o Elston ma-
lalo o ka Vierra & Son, he mau ka-
naka kuai mau mea gula, a o keia
kudala ana no ka hoao ana i ke
ku o ia hana i ke kanawai, a ua
hanaia me ka manao e hoopau ia
ka hoopilikia wale ia ana mai o na
kanaka o keia Teritore o ka poe
kalepa e holo mai ana i Hawaii nei
a kudala aku i ka lakou mau wai-
wai ma ka po elike me ia i hanaia
i na makahiki i hala, ka laweia
mai o na waiwai emi loa i keia
kulanakauhale mai Kapalakiko mai
a kuaiia aku i na kanaka ne nana
hoopilikia aku i ka poe kuai mea
kula e ae maloko o keia kulanakau-
hale.

O ka Pauku Kanawai kahi o keia hoopii i ku ai e heluheluia penei: Pauku 1974 A. Nahora. Aole kuai ma ke kudala no na mea gula, kala, na pohaku momi, na uwaki nunui a liilii ame na mea gula e hanaia mawaena o na hora eono (6) o ke ahiahi a ka hora ewalu (8) ma ke kakahiaka.

Na L. Stan-Leigh, he mea kuai mea gula ma ke alanui Hokele, i hookomo ae i keia hoopii. Ua hoike m. - aku ka ka makai i ka mea kudala ua ku-e o A. H. R. Viera, ka lunahoohana o ka halekuai hui a Viera & S on, ua hoole nae o Harry Elston i ka hoopau i ke kudala ana, oiai, wahi ana, ua loaa ae kekahi a'o kanawai iaia mai kekahi loio ae no keia hana a ua oleloia aku iaia aole e nana i ka papa a ke kanawai.

OI NA MARE O OKATOBA

I KO KA MAKAHIKI I HALA

Maloko o ka hoike o kela ame keia mahina a ka buro hoopaa papahelu no na mare, hanau ame make o ka Papa Ola no ke kulanakauhale

o Honolulu e hoike ana ia i ka

oi ae o na mare i ka mahina o Oka-
toba i hala a emi iho na hanau
ame na make i ko ka mahina o
Okatoba o ka 1925.

No na hanau, 383, na mare 122; na make 131. O ka huina lahui oloko iho o ke kulanakauhale i hookahuaia maluna o ke koho ma ka la 30 o Iune o keia makahiki he 104,300; no na hanau he 44.07 no ke 1000; na mare he 1404 no ke 1000 a no na make he 15.05 no ke 1000 no ka makahiki.

O ka helu nui o na make aia ma na kamalii, he 32 ka nui o na keiki i make malalo o hookahi makahiki a he 43 no na keiki malalo o elima makahiki i hoikeia ae i ka papa ola. No na makua i oi aku maluna o ke 60 makahiki he 26, a he elima o ia heluna mawaena o ke 80 ame 89 makahiki. I ka ma'i akepau, ka numonia, ka ma'i loulu iloko o ke kino, ka ma'i puuwai a pela aku ka hapanui o ka poe i make ai. He ekolu poe i make mamuli o ka lawe ponoi ana no i ko lakou mau ola, a he eha poe i make mamuli

o ka limaikaikaia, a hookahi i make

i ke kaa otomobile.

O na make ma na kama penei; he 72 mau kane, a he 58 mau wahine. No na make ma na lahui penei:

Na Hawaii hui pu me na hapa Hawaii he 19 he 40; na Kepani he 37; na Amerika he, 17; na Pilipino he 12; na Pukiki he 4; Korea, he 4; Poko Riko, 1; Rukini, 1; na lahui e ae i maopopo ole ka lahui, he 2 a no na Kelemania aole.

PAA AE EHA MAU KANAKA
I KA HOPUIA NO KA POWA

Ma ke ahiahi loa o ka Poalua he pule aku la i hala, ua holo mai la kekahi Pake kuke o kekahi aina mahi malino (sisal) i Honolulu nei me $200 iloko o kona pakeke no ke kuai ana i kekahi mau meaai no ke pakaukau a kona haku.

Inia i hiki mai ai halawai mai la oia me kekahi puulu o na Pake piliwawai a koi mai la iaia e hele pu me ia i kekahi hale piliwaiwa, a hahai aku la no hoi oia, a i kulike ai me ka hoakaka ma ka moolelo, iloko o ka manawa pokole loa o ka paani ana ma ia po iho ua loaa iaia he $500, a hui me na dala elua haneri ana i holo pu mai ai ua hiki aku ka huina i ka $700. I ka loaa ana o ia mau dala nui iaia ua koi mai la kekahi o kona mau hoaloha e hoopau i ka piliwaiwai ana a ua hooko aku la oia ia olelo a lakou a hoi mai la i ka hale o kona mau hoaloha me na dala pepa iloko o kona pakeke.

Eia nae, o keia oleloao a kona mau hoaloha iaia aole ia no kona pono ponoi; a ma kekahi la ae ua koiia mai la oia e kekahi mau kanaka e haawi aku ia mau dala apau ana ia laua me ka waha o ka pu panapana e kau ia mai ana imua ona, aole no na ka mea e aku na na hoaloha no ona i koi mai ai iaia e hoi a e hoopau i ka piliwaiwai ana, a mahope o ka lilo ana aku o na dala apau mai iaia aku pepehiia iho la oia a wali na au. Mahope o kona hele ana ae i ka halema'i o na poino ulia a kauia mai ka laau e loaa ae ai ka maha iaia, ilaila i hoike aku ai oia i ke kumu o kona eha ana i na Makaikiu Stagbar ame Trouche, a hoomaka koke aku la laua i ka huli ana i na hoaloha hulumanu o Yee Chang Young. O ka inoa keia o na Pake kuke la i powa a pepehiia ai.

Mahope iho o ka huli ana o na makaikiu no kekahi manawa he eono mau kanaka i paa ae ia laua, he ekolu mau Kepani a he ekolu mau Korea, he poe i hooiaioia ae na lakou i powa. He hapa o ke dala ka i hoihoiia ae a i laweia mai ia lakou mai, a he aneane $400 i koe aole i loaa, a ua manaoia i paaia ia mau dala i uku no na loio o ia poe.

Ma ka Young moolelo he kaikamahine ka i hoohanaia i mea nana e pahole iaia, na ia kaikamahine i lawe ia Young i ka holokaa otomobile. O ke kaikamahine ame kekahi hoaloha hou i loaa i ua o Young ka holo nui ana ahiki i kekahi hale inu ii ma Waikiki, a malaila i ai nui ai kekahi mau meaai. O ke koena iho o ka puulu e hoohalua ana ia Young, maluna lakou o kekahi kaa otomo-bile okoa o ka hahai mamao ana aku mahope, me ke kauohaia aku o ke kalaiwa o hahai pololei mahope o ke kaa a Young e laweia la mamua; mahope iho keia o ka pau ana o ka Young ma ai aikilima ana. Ua kauoha mua ia ke kalaiwa o ke kaa a Young e kau ana me ke kaikamahine ame kekahi kanaka okoa, mahope iho o ka haaleleia ana o ka haleinu ti.

Ma ke alanui Ala Moana ka holo ana mai o ko kaa a Young e kau ana, a i ka hiki ana mai o ke kaa ma kekahi wahi pouliuli o ke alanui mahope o ka hala ana aku o ke alahaka mua, ia manawa i haawiia mai ai ke kauoha i ke kalaiwa e ku iho. Ua ku iho la ke kaa, a he elua mau kanaka i hele mai a ku ma ka aoao

o ke kaa me ke kau ana mai i ka
laua mau pu panapana a kauoha pu
mai la i ka poe e kan ana e lele
iho ilalo a e haawi aku i na dala
apau iloko o ko lakou mau pakeke.
Aohe hoololohe hon ana iho a ka
poe e kau ana, ua lele ak la lakou
apau ilalo akau ae la i na lima iluna,
a oiai ua ike na kanaka powa i ka
mea e paa ana i na dala oia o
Young, ua pololei mai la .i ka laua
hele ana a huli i ke kino o Young,

alilo aku la na dala apau mai kona pakeke aku. Ua hakoko aku o Young no kona pono, a oiai hookahi wale no oia a he elua e ku-e mai ana iaia, ua pepehiia iho la oia a wali ka auwae, a holo aku la na kanaka powa.

'e ka eha ame ka hoomanawanui

i hele wawae mai ai o Young ahiki
i ka halema'i o na ulia poino a ma-
laila i lapaauia aku ai, a malaila oia
i hoike ae ai i ka moolelo o kona
powaia ana, a o ke kumu hoi o na
makaikiu i hele aku ai e huli ahiki

MISS LOUISE POHINA


	E WEHE HOU ANA O MISS LOUISE POHINA I AHAMELE Mamuli o na noi lehulehu i waiho- ia ae e ko Honolulu nei poe i pau ole na manao hoohihi me ka hialaai pu i ka leo kani me ka nani o Miss Louise Pohina, a no ka haawi ana aku no hoi i manawa hope no ka poe i lohe mua ole i kona himeni ana ma kana mau ahamele elua i haawi ae ai maloko o ka Halekeaka Prin- cess, ma ke ahiahi o ka la 4 ame ha la 5 o keia mahina iho nei, e wehe hou ae ana o Miss Louise Po- hina, he ahamele maloko no o ka Halekeaka Princess, ma ke ahiahi o keia Poaha, Novemaba 18. O kana mau himeni apau e mele mai ana ma keia ahamele, he mau himeni hou wale no, aole o kela mau himeni ana i mele mai ai, ma kana mau ahamele mua elua. No ka pomaikai o ko Honolulu nei poe, e mele mai ana oia i kela hi- mela hookuku, ana i aha'i ai i ka makana, he medala gula, ma Los Angeles, kela himeni i komo pu mai ai na puukani kaulana he nui, e hookuku me ia. Elike no me ka ho- lopono loa o kana mau ahamele elua i wehe mua ai, pela no kona mau hoaloha lehulehu e kau aku nei na manaolana, no ka holomua o keia ahamele, a i ole, oi aku paha. Oiai he holo hoomaha wale mai HOEHAIA NA AKENA HOPU- HOPU OPIUMA Oiai e hookolo ana mahope o ka meheu o ka poe kuai opiuma, i aluia mai ai he elua mau akena hopuhopu opiuma, e kekahi puulu, ma ka hora elima o ke kakahiaka o ka Poalua iho nei, me ka paa ole nae o ka poe kolohe i ka hopuia. O na inoa o kela mau akena hopu- hopu opiuma, oia o Harold Doolittle ame K. Annis, ua laweia ae laua maloko o ka halema'i o na poino ulia, no ka lapaauia mai o ko laua mau wahi i eha. Ma ka hoakaka a kela mau akena i na makai, e hookolo ana ka lana mahope o kekahi kaa otomobile, a laua i hoohuoi ai, aia maluna olaila	nei no keia o Miss Louise Pohina no ka hoohala ana he mau pule kakai- kahi maanei nei, a e huli hoi hou aku ana no oia no Amerika, no ka hoomahuahua hou unu ae i kona ike me ka makaukau himeni, he hana maikai loa na ko ke kulanakauhale nei poo. e hele hou ae e hoolohe iaia, ma keia ahamele hope, mamua o ko- na holo ana aku no Amerika, aole wale no no ka lohe hou ana i kela leo kani kohu iiwi makapolena, aka no ke kokua ana aku i keia kaika- mahine Hawaii ma La hoopiha ana ialoko o ka Halekeaka Princess. O keia malalo iho A"' k . papaku- hikuhi o na himeni ana e mele mai ana ma keia ahamele: Roberto, o to she adore.. Meyerbeer O Sleep, why dos't thou leave me ................... Handel Break O' Day .......... Sanderson Bell Song ................. Delibes Hoomaha Kuu Ipo Kuu ..ei (hoolaaia no Kiaaina W. R. Farrington . . .............. Mary C. Beckley Ka Makani Kaili Aloha (hoo- laaia no ka Elele Kaleo- aloha Houston) ........... ............. Matthew H. Kane Lei Loke o Kawika (hoolaaia no ke Kamaliiwahine Kawana- nakoa) ........... Peter Kalani L'Ete ................. Chaminele Je sios Filania ........... A. Thomas ka poe kuai opiuma, i ka hoea ana o kela kaa otomobile, no ke alanui ololi Jack, ua holo aku la ma kela alanui, a iloko ka o ko laua nanea, ua oili mai la kekahi puulu, a lele mai la maluna o laua, me ka hoeha ana mai i na kanaka o ke aupuni. Ma ka hoakaka a kekahi o kela mau akena, oiai ka laua e nokeia ana i ke ku'i ame ka pepehi e kela puula, ua lohe aku la oia i ka hoo- puka ana ae o kekahi o kela poe i keia mau olelo: "O olua na mea a makou e noke nei i ka hakilo." I ka nanaia ana o na wahi o kela mau kanaka o ke aupuni i eha, aole no i kukanukanu loa, he mau eha liilii wale no ma ko laua mau kino.

i ka paa ana o eono mau kanaka.

O na inoa o ia mau kanaka i paa ae ai o L Tanaka, K. Terakawa, Takitsa Masa, John Park, Chun Choon Sik ame Chung Dai Soo. Aia keia hana iloko o na lima o ka Makaikiu Kellett ame ka Loio Kulanakauhale Hathaway e huli mai nei.