Ka Nupepa Kuokoa, Volume LXV, Number 48, 2 December 1926 — Page 2

Page PDF (1.64 MB)
ELUA NUPEPA KUOKOA, HONOLULU. T. H. POAHA, DEKEMABA 2, 1926
HAINA NANE.
E Mr. Lunahooponopono o ka Nupepa Kuokoa; Welina hou no kaua: —I ka lanakila ana o ke kama a ke keiki o Keoua mai na poka ae
o ka pu mikini i na manawa i hala
mua ae nei, pela no i mau ai kana
kaena ana ma ka mahele mua:
Owau no ka Alepa ame ka Omega, ke kumu ame ka welau, owau ka
oi maluna o na meaulu apau ma ka honua, aohe mea nana e pa'i kuu poo.
Pela paha! You don't know!
Mahele elua—Owau no ia, aia au i ka nui ka loa ame ka laula.
Mahele ekolu—Pololi oukou hanai aku au ia oukou i ka ai, makewai oukou hoohainu aku au ia oukou i ka wai, kukulu iho la ka ninau.
Owai au i ka mahele ekahi. Haina. A
Owai au i ka mahele elua? Haina. A.
Owai au i ka mahele ekolu. Haina, PELE.
Owai kuu inoa piha ke hoohina? AAPELE.
Ea, aole anei i loaa pono aku la ke kama hanaino aina a balala i ka poka o ka pu mikini o ka A. D. 1927, helu 18 a oi iloko o ka mamamao o eha mile, oiai oia e ku ana malalo o ke kumu ohai. Sure. Ua loaa pono!
I ka hooki ana ae i ka hana hooni noonoo a balala; ke haawi aku nei i ke aloha a nui i ka Lunahooponopono, kou nau hoapaahana, o'u mau hoa huli nane, na hoaloha e ka Nupepa Kuokoa, a ia balala (2. P. K. K.) pu no hoi, kekahi o na loea hooni noonoo o ke Teritore o Hawaii.
Me ka haahaa,
POHAKUOPELE,
Aohe i loaa mai la ke kama a
olua ua lalau loa mai la kau mau
poka, ua poholo aku la ma na puka
a Kaniho. Huli hoa ia mai!—L. H.
LOHEIA KA LEO O MISS
L. POHINA MA KAWAIAHAO
Mahope o ko Miss Louise Pohina hoi ana mai i Houolulu nei mai Ha-waii mai, kahi ana i holo hoomaha aku ai a i haawi aku ai hoi i kekahi mau ahamele ma kekahi mau wahi o ia mokupuni, ua haawi ae oia he ekolu mau himeni imua o kekahi anaina piha loa maloko o ka halepule o Kawaiahao ma ka manawa o ka malamaia ana o ke anaina haipule kakahiaka o ke Sabati nei.
He ekolu ana manawa o ke noiia ana aku e himeni mai, a hookahi a kana kumukula Mrs. Edwards, a mahope iho o ka pau ana o ka laua himeni ana ua hapaiia he lulu dala a loaa na dala hookahi haneri a haawi makana ia aku iaia.
Ma ka auwina la hora 4 o ke Sabati ma ka hale kikowaena Y. M. C. A. o na oihana kaua aina ame moana oia i haawi aku ai i kekahi mau himeni lehulehu, a ma ia po iho maloko o ka halepule o ka Hoomana Metokita.
Ma ka po aku la i hala, maloko oia o ka halepule o Kaukeano hou kahi i himeni ai no ka hooko ana aku i kekahi noi, a ma ka po o ka la apopo he malihini koikoi ana oia na ka Ahahui Hawaiian Civic Club ma ka hale Golden Dragon, a he mau himeni lehulehu kana e haawi ana malaila.
Ma ka mokuahi Calawaii o ka
NA KUHINIA ONO O Koni
KAUAI.
Ulumahiehie no ka haliwiik., mau a Kaumualii, i malamaia auW hale hookolokolo o Koloa. ma kL, o ka la 20 o ka mahina i hala, ^K mau lala i hoea ae ma keia ^iiiA kahi kiu hanu meahou hoi, ^a^ hoea ae ma ia po, oiai ua puka i. laholio o kahi kaa hehi -^.. L ua wahi lapuwale nei.
He halawai keia no ka l^-^A '
ana ae i na inoa, o na Iunanui ii
keia makahiki ae o hiki mai ana
a pela pu no hoi me na hoike a ,]
komite, e pili ana no kela Carnival
o ka huina loaa no kela holowi
nui, i malamaia ma Lihue no n ii
ehiku he $22.000 lawe na hoo!-!? l
pela pu no hoi mi Eddie Fernandez
me kona mau kanaka koena ma ka
waihona o ka ahahui $5.000 a e!. l
O keia ae la na mea ano n -($]
keia halawai, ame kekahi mau ku-
muhana ano nui e ae no.
I ka hookuu ana o ka halewai
ua paneeia mai la ao kela ke-4 AI, '
loa e lawa ai, keia poe apau loa
ua inu iho a puu ka nuku, wela mau
no ka waha i na keiki o Koloa.
Ma Lihue ka halawai koai, i keia mahina no ka hookohu pu ana i na lunanui, ame kekahi mau kumuhana okoa BA
He paina makaluhi ka na i^ Kaumualii o Koloa, i haawi ae ai ma Kuhio Park, ma ka la 21 o ka mahina i hala, kahi poi no hoi puaa laulau, puaa kaluakele opihi, nenue momona, wana, uala waimomona, a pela wale iho, he ono kui, he ono keia.
Malaila pu ae no kekahi mau hoi. hanau o Kapaa, ame Waimea, kahi
i haupa ai i na ono; a na keiki o
ka Uanoe o Koloa, a ua kono pu
ia aku o Mr. ame Mrs. Eddie Fer-
nandez ame kela poe Kentuckey Mi-
nistrel Show, ame kekahi poe okoa
aku i hiki ae malaila.
Ua ai a lawa, ua inu a kena i ka
wai a ka naulu, a huli kaaniai ki
alo o Hanale ilalo, oa loaa -^ea?
mai la i ka puupuu wela a KMB!
Bulu.
Mahope o ka paina, he paikii M na mea apau, a he mau himeni i- a hookani pila, mai na paele hana W aka mai.
Na na lala o Kaumualii na himeni hookuu o ka la, o ia hoi aloha -e, Hawaii ponoi a hookuuia na hiu
o ia la me ka mahalo nui ia.
Ua lawa keia maa ono, a iwili hou aku no, me ka lunahooponopono ke aloha nui, ame na keiki hoononohua ka welina pau ole.
Me ka haahaa,
PETER KAMANO, SR,
Poipu Beach, Koloa, Kauai
NEW YORK, Nov. 23.—O ka ue. ku kalepa kokua Kelemania 0amwa
i hopuia ai ma ka la aku la i nehi.
nei e ka moku kiai awa ma kahi ke
140 mile mawaho aku o Nu Ioka
me 100,000 mau pahu lama waioli
Sekotia, ua kauohaia mai e hookuu
aku. Ma ke kakahiaka o ka U ip^
po e koloia aku ai iwaho o ke awi,
Ua kauohaia mai ke Kanikela Kelemania e ke Kuhina Kelemania l. ninaninau pono i ke kumu o ka hopuia ana o ka moku. He nau ka-naka lehulehu e ke keena kanikela i nana i na pepa o na waiwai o ka moku, a ua hoike no lakou i na luna aupuni federala no ia mea a lakou i ike ai no ia kumu ka hookuuia ana mahope iho.
HE MAU NINAU AME NA HA-
INA PILI I KA HOOLE
WAIONA.
(Hoomakaukauia e Rev. Collins G. Burnham.) Heaha ka mea iloko o ka bia, -. .-liua, waiseke ame na waiona e ae apau o ia ano. Aia iloko o lakou he alekohola. I ka wa a na kanaka e inu ai i kekahi heluna lawa o kekahi o keia mau waiona heaha ka hopena e kau mai ana maluna o lakou. E hoohikakaia ana lakou, a i ole ina. Ka Alekohola. Ame ka Ai. Keaha ka ke kino o ke keiki mea i nele! Ka hunahuna materia e hooulu ai i ke kino. Maihea e loaa mai ai keia materia i ke keiki! Mai ka ai mai. Heaha hoi ka mea i nele i ke kino o ke kane a i ole ka wahine paha! O ke kino, elike me kekahi enekini, he pono e loaa kekahi mea nana e haawi mai ia mea i ka ma. na e hana ai i kana hana a i materia hoi e hana hou ia ae ai kona mau lala oiai lakou e hoonawaliwaliia aku ana. Maihea mai e loaa ai i ke kino ia mana e hana ai i kana hana? Mai ka ai mai. Ma ke ano hea e hoonawaliwaliia ai ka kino! Ma kela ame keia anuu a kakou e lawe ai, ma kela ame keia hanu ana, ma kela ame keia pana ana a ka puuwai, ma kela ame keia oni ana A kekahi o na i'o huki a i ole a kekahi mea paahana paha o ke kino, a ma kela ame kea manao a kakou e noonoo ai, o kekahi mau puka lii. lii a mau olona liilii ua hoopoinoia, a he mea pono e hoihoi hou ia ae lakou ma ko lakou kulana mua. Mai ke alahele hea mai e loaa ai ka malena i ke kino e hiki ai e hoihoi hou ia ae keia poino ma kona kulana mua. Mai ka ai mai. Heaha kekahi hana ano nui a wai-wai a ka ai e hana ai no ke kino! E haawi mai ana ia i ka malena e hoomauia ai ka mehana i ke kino. O ia hoi e malama mau ia ai ka pumehana oloko o ke kino ma ke 98.6 degere, ke ana o ke ola kino na ikai. Ma ke ano hea ka ai a kakou e ai ai e hoololiia ae ai a lilo i materia e hiki ai i ke kino ke hoohana aku no keia mau mea. Ma o ka hana kupanaha la o ka hoowaliia ana o ka ai iloko o ka opu hoowaliai. Heaha la ia mea he ai oiaio. O ka ai oiaio, o ia no ka mea e hoolako ana i materia no ka hooulu ana, a no ka hana hou ana ae i ke kino ma kona kulana mua; ka mana (ikaika) o ke kino e hana ai i kana hana, a me ka wahie e malama mau ai i ke ana mehana no ke ola maikai o ke kino. Heaha na ai ano nui kupono loa. O ka i'o holoholona, i'a, na huamoa, waiu, na meaai mailoko mai o ka lepo ame na hua palaoa o na ano like ole. He ai oiaio a kupono anei ka alekohola. Aole. No keaha ia i lilo ai i ai kupono? No ka mea aohe ona materia no ka hooulu ana a hoihoi hou ana ae i na olona o ke kino ma ko lakou kulana mua. Alaila he hiki no anei i ka alekohola ke kokua i pono ai ke ola. Aohe hiki. Heaha ka hana hiki i ka alekohola ke hana no ke kino ola maikai. He kumu ma'i ia o kekahi ikaika, a i ole ka mana, a me ka wela. He mea kupono anei ia iloko o ke kino ola maikai, ma ke ano he kumu kupono no ka maua ame ka wela! Aohe. O ka ai no i maamau he kumu ola oi aku ia ka maikai ame ka palekana, ame ka makepono no ke kino. O ka inu ana i ka alekohola he haawi ana aku anei ia i ka hoopakele ana i kekahi mea i waiho wale a i maule i ke anu. Aohe. O ka alekohola he kumu hoonui aku ia i ke kahe ana o ke koko mawaho o ka ili o ke kino a e haawi ana i kekahi ike no ka pumehana. He mau Ioa anei ka ikeia iho o ia pumehana. Aohe. E nalohia koke aku ana; a o ka hoomau loa ana aku i ka inu ana e hoemiia mai ana ke ana mehana o ke kino. Heaha ka hana oi aku o ka mai- kai a palekana no ka hoopakele ana a no ke pale ana aku i ke anu. O na kanaka i moe ma kahi o ke anu, e loaa aku ana ia lakou ka pumehana maikai loa ma o ka inu ana aku i na mea wela e laa ke kope, ke kikoko, a i ole ka waiu, a i ole mai na meaai kelekele mai paha, ka pia ame ke kopaa mamua o ka mehana e loaa ana ia lakou mai kekahi kiaha alekohola mai. Ina ka alekohola aole he ai oiaio no keaha kekahi kiaha bia a i ole kekahi waiona paha i kawiliia me ka alekohola i inuia o hoemi mai ai i ka ike iho i ka pololi! No ka mea na ka inu ana i ka alekohola i lawe aku i ka ike iho i ka pololi, aole like me ka ka palaoa ame ka i'o pipi hana ma o ka hoolako ana i ka ai oiaio, aka ma ke ano e hoomalielie ana i na aalolo na lakou e hapai mai ana ka manao ike iho i ka pololei. (Aole i pau.)
MOOLELO O KA AHAHUI EUA
NELIO O KA MOKUPUNI O
KAUAI, KAU O OKATOBA,
1926, i NOHO MA
HANALEI
(Hoomauia mai.)
La Hana 2, Poaono Oct. 16, 1926.
Noho hou ka Aha maloko o ka luakini o Waioli Hanalei , ma ka hora 9 a. m., elike me ia i hoopaneeia ai. Rev. I. K. Kaauwai lunahoomalu ma ka noho. Malamaia ka halawai haipule i alakaiia e ka Rev . H. P. Judd. Meleia ka himeni 36 L. H., ame ka pule a ka lunahoomalu. Ka manao paipai o keia kakahiaka ma ka Pauku 14, o ka Mokuna 3, o Ioane 1; "Ke Aloha hoahanau" Ua hoakaka mai ka mea haiolelo i ka emi nui o na ekalesia. Wahi ana ke kumu, 1. Hele aku na hoahanau. 2. Pau i ka make. 3. Mokuahana na hoahanau. Kekahi mau mahele keia nana e hoonawaliwali nei na ekalesia i keia mau la e ikeia nei. E hoopau i ka mokuahana, ola na ekalesia. Aloha aku i kekahi ame kekahi. Hooneeia na hana o ka Aha, ma ke kapae ana i ka heluhelu moolelo ame ke kahea inoa. Noonooia ka hapa hope o ke kumuhana 8. Na wahine kane-make ame na kahunapule nawaliwali. Ua kamailio nui ka Rev. G. M, Huddy no oa mea e pili ana ia Rev . R. Puuki. He mea pono e loaa kekahi ukuhoomau no keia kauwa a ke Akua. Ua hoakaka mai o H. P. Judd i ke kumukanawai ame na rula o ka Ahahui kokua i na kahu ame na wahine kane-make. Wahi ana, aole e loaa wale kekahi kokua ana i na kahu i waiho mai i ka hana mamuli o ka nawaliwali, ke loaa ole ia lakou ka pilikia maoli ma ka noho ana. Pela no na wahine kane-make, ina aole i noho kahu kana kane no kekahi mau makahiki, aole e loaa ana iaia ka ukuhoomau. Noi mai o H. P, Judd e koho ka Aha i komite o ekolu lala, no kekuka ana me Rev. Puuki, no na mea e pili ana i ke ano o kona noho ana. Kokuaia e J . K. Lota. Na komite; Rev. H. P Judd, J. D. Axtell ame J. P. Erdman. Kumuhana 9. Na opio iloko o na ekalesia. He kumuhana keia e paipai mai ana e imi aku kakou i na alahele apau, e paa mai ai na opio no na halawai haipule o na ekalesia. He ma'i nui no keia. Kumuhana 10. Ka pili mawaena o ka Ekalesia, Kula Sabati ame C. E. Wahi a H. P. Judd aole keia he mau mahele kaokoa mai kekahi ae. O ke Kula Sabati, o ka ekalesia no ia e a'o ana i ka olelo a ke Akua. O ke C . E., o ka ekalesia no ia e hoike ana i kona ano haipule. No ka ekalesia keia mau mahele a elua. Kumuhana 11. Malama ana i ke kanawai hookapu waiona. Na H. P. Judd e a'o mai aua i na haipule aole lakou e pono e lilo i poe malama ole i keia kanawai. Aia maluna o na haipule ke koikoi o ka hoopau aua aku i keia mea he waiona. Kumuhana 12. Na hana like ole. Hoike a ka puuku o ka Aha Charles Keahi, a aponoia. Hoike a ka malama ola o ka Aha o ko kau o Aperila, aponoia. Hoike ua ka Rev. L D. Axtell no na mea e pili ana i ka ekalesia pake o Hanapepe, o ia hoi e hoopau ia keia ekalesia. Kokuaia e J . P. Erdman a aponoia. Olelo hooholo na Charles Keahi, e noonoo ka Aha, a e poni aku ia C. C. Corterzan i kahu no na Pilipino. Waihoia ma ka lima o ke komite o na palapala ame ninaninau Olelo hooholo na H. W. Waiau, e hoomana ana i ka lunahoomalu e koho i mau komite na keia Aha uo ka noii ana i ka hiki ame ka hiki ole ke kono aku i ka Aha Paeaina o ka makahiki 1928, e noho ma Kauai nei. Na komite; Rev. J. D. Axtell H. B. Schwartz, G Wakai, C. Furuta, Charles Keahi, ame C. C. Corterzan. Noi mai o J. P. Erdman e hookohuia o C. Furuta i komite no ka ekalesia Kepani o Koloa, ame Hanapepe, Aponoia. Na H. P. Judd e pili ana i ka ekalesia Hawaii ma Koloa. J. K. Lota ke komite. Kumuhana 12. Hoike a na komite kumau. Na J . P. Erdman i ka lakou hoike o na palapala hoopii. 1. E apono ana ia Rev. H. B. Schwartz i lala no keia Aha mamuli o kona palapala hookuu mai ka M. E., conference mai o Nuenelani. 2. E apono ana i ka palapala mai ka ekalesia uniona mai o Koloa, no ka hoonoho ana i ka Rev. H. B. Schwartz i kahu no lakou, i ka la 17 o Okatoba, ame ke koho ana i na komite no ka lawelawe ana aku i keia hana; na komite Rev. Charles Keahi, H. P. Judd, ame J . P. Erdman. 3. E apono ana i ka olelo hooholo no ka poni ana ie C. C. Corterzan i kahu ma ka noao o na Pilipino, a e hoopaneeia ka manawa poni a kekahi wa aku. Laweia ka hoike a noonoo, a mahope o kekahi mau hooponopono liilii, ua apono loa ia ka hoike. Kumuhana 15. Kahi ame ka manawa e noho hou ai ka aha. Ma-muli o ka hooholo lokahi ana o na lala, nolaila e noho hou mai ana ka Aha ma ka Luakini Hawaii o Lihue, ma ka Poalima, la 15 16 ame 17, o Aperila, M. H. 1927. (Aole i pau.)
UA KOKOKE MAI
KA HOPENA O KE AO
(Kakauia e John Kahookaumaha) E Mr. Lunahooponopono o ke Kuokoa, Aloha a nui: — E oluolu oe e haawi mai i kekahi kowa kaawale o na kolamu o kau pepa waiwai nui, ke Kuokoa, ka Lamaku o ka Moana Pakipika, no keia manao laula, i ike mai ai na Oiwi Hawaii o'u mai ka la hiki ma Kumukahi a ka napoo ana a ka la i Lehua, i ka ke Akua hoike ma o'u la no ka hopena o ke ao, a o ka poe no e manaoio mai ana i keia hoakaka pomaikai lakou, a o ka poe no e hoolohe ole mai ana a manaoio ole, elike me ka manaoio ole o na kanaka i ke au o Noa, no lakou ia poino ana, a no ka mea ua haiia aku ke ola. Iloko o ka mahina o Maraki e keia makahiki 1926, ua kauia mai la he hapaha mahina ma ka lewa me ke kii kanaka iloko, a i ka la l mai o Apelila o keia makahiki 1926 no, ua kauia mai la he hapaha mahina i ka lewa me ke kii o kekahi wahine a hoohuiia ae la ka hapaha mahina me ke kii kane me ka hapaha mahina, me ke kii wahine a lilo i mahina piha, me ka hui ana o na kii kane ame wahine, he hoailona o hoike mua mai ana i ka hui ana o ka lani me ka honua. Iloko keia o ka moeuhane, a ua hooiaioia mai hoi keia e Pele, ka luahine o ka lua iloko o ka uwahi, elike me ia i ikeia ma ke kii iloko o ka Advertiser o ka 1925 i hala, pela hoi ka hoikeia ana mai o ka Oihana Kahuna ma ka lani maluna pono aku o Laie iloko o na la mua o ia makahiki, he mau mea hooiaio mai keia i keia mau hapaha mahina i hui ai me ka lewa, a hui iho la ka lani me ka honua i keia makahiki 1926 i Aperila, 1926. Mahope o ka hui ana ma ka po o Aperila, kauia mai la i ka lewa ke kii o Amerika Akau ame Amerika Hema no elua po, he mea hoopahaohao keia. Ka lua, ka Hapa Poepoe Komohana me na mokupuni holookoa apau o ke kai, a he mau po okolu ka hoikeia ana mai o keia mau haawina ia'u. Ke kolu, na aina o Hawaii nei, o ia o Keaukaha ma Hawaii, Kaunakakai ma Molokai ame Aiea ame Laie ma Oahu nei, o na aiha keia i hoikeia mai ia'u ahiki i Aperila. I ka la 6 mai o Mei hiki mai la o Parley Smith, ka Peresidena o ka Hoomana o na La Hope noi, a lululima pu kona uhane me ko'u a niuau mai la oia ia'u pehea la ke kulana o ko makou hoomana ma Hawaii nei. Ka ha, iloko mai o ka mahina o Okatoba, la 5, hoikeia mai la ia'u ma ka moeuhane ka hoomaemaeia ana o Amerika Akau ame Amerika Hema; i kuu noonoo ana me he. mea la e hoike mai ana ke Akua ua hoomaemaeia na kanaka e noho ana maloko o ia mau aupuni, a e koi mai ana, elike me ka hoomaemaeia ana o ia mau aupuni, pela o Hawaii nei e hoomaemae pu ia ai. O keia iho la na hoike i loaa mai ia'u, a ke hoike aku nei au ia oukou e na oiwi Hawaii kakaikahi i koe a i ka Iehulehu no apau penei: E manaoio i ka Euanelio o ka Hoomana o Iesu Kristo o na La Hope nei, o hua ae i ka hua e ku i ka mihi, e hoopololei i ke alanui o lehova a o hana hoi i Kona mau kuamoo i pololei; o keia ka leo o ka mea e kala ana ma ka waonahele, oia o Ioane Bapetite; ka lua e mihi; ke kolu, e bapetizoia iloko o ka wai nui no ke kalaia ana o na hala ame ke kau ana i na lima no ka haawina o ka Uhane Hemolele. O ke kumu manaoio 9 o ka poe hoomana o na la hope nei o ia keia: Ke manaoio nei makou ma na mea apau a ke Akua i hoike mai ai, a ma na mea apau ana e hoike mai ana i keia wa; ke manaoio nei no hoi makou ua nui wale na mea ano nui a ke Akua e hoike mai ana e pili ana i ke Aupuni o ke Akua. Kumu manaoio 10. Ke manaoio nei makou iloko o ka houluulu ana o ka poe Iseraela ia lakou iho i kahi hookahi, a i ka hoi hou ana mai hoi o na ohana he umi a e kukuluia ae auanei o Ziona ma keia aina o Amerika, a e nohoalii maoli mai no o Iesu Kristo ma ka honua nei a e hana hou ia ka honua me ka loaa o kona nani elike me ka paredaiso. Nolaila, e na Oiwi Hawaii apau, ke kuahauaia aku nei imua o oukou aohe ola e loaa mawaho ae o ka Hoomana o Iesu Kristo o na La Hope Nei iloko o keia mau la hope, iloko o keia hoomana wale no. He mau lunaolelo kona, he kaula, he mau kahu ekalesia, he mau kahuna, a pela aku. Nolaila o keia iho la na kumu manaoio o ke kaula opio i hoike aku ai i ko ke ao nei iloko o Nu Ioka iloko o ke 90 a oi ae Ia makahiki i hala, aole nae i manaoio mai koke ao nei i kana, a ke hooiaioi aaku nei keia mau hoike ana e ke kaula o Hawaii nei, John Kahookaumaha, imua o ka lehulehu, na kupa o Hawaii nei ahiki aku i ka piko o na mauna. Ua ku ka eka-lesia o Iesu Kristo i ka M. H. 30, 1927, hiki mai ke Keiki a ke Akua i ke ao nei. Nolaila e hoomakaukau a e hoi i keia mau aina i hoikeia ae la maluna mamua o ka hiki ana mai o ka ino, o ko ke Akua aloha keia e hoike mua mai nei ia kakou. Me ka mahalo i ka Lunahooponopono ame na keiki ulelehua kepau o ka papapa'i o ke Kuokoa.
Ua hoopauia e na komisina makai ka hihia o ka Makai Antone Costa i hoopiiia no ai no kona lawe ana i ke dala ki-pe mai na wahine mai i haule, a ua hoihoi hou ia ae oia ma kona kulana mua e hoomaka ana mai kona la mai i kapaeia ai.
UA HALA O PETER NOAH
KAHOKUOLUNA.
Ma ka po Poaha, Novemaba 18, 1926 i moe iho ai o Peter N. Kahokuoluna, i ke 66 o na makahiki o ka hanu ana i na ea o keia ola honua ana. Ua hanauia oia ma Kawaapae, Makawao, Maui, Aperila 1, 1860 a nee aku kona mau makua no Olowalu, Maui, noho malaila a hookomoia oia i ke Kula Nui o Lahainaluna, he hookahi makahiki i koe a puka oia ua make iho la kona kahahanai kane, a hoi aku la oia i Waimea Hawaii, a noho he kumukula aupuni no 2 makahiki a hoi mai la i Olowalu e noho kupakako me ka lunanui o ia mahiko. Mai Olowalu ua hoi mai a lilo i kumukula no Keanae, Maui, a malaila i halawai ae ai me kana wahine mua Mrs. Sarah Ann Kahanaui Kahokuoluna, ua hala he mau makahiki malaila a hoihoiia i kumukula no ko kula aupuni o Peahi no 6 makahiki, a hoi aku mahope o ia mau makahiki a noho hou no i kumukula no ke kula o Pauwela, Maui, no 4 makahiki, pau malaila lilo ao la i pani no kekahi kumu no ka halekula o Hamakuapoko, Maui, malaila i halawai ae ai oia me ka Makua H. P. Baldwin a na ia makua i koo ae iaia a lilo ae la oia i Lunakanawai no Makawao, Maui, no 8 makahiki. Ma ka Aha Paeaina o ke Teritore o Hawaii ma ka Ekalesia o Kaumakapili, Honolulu, i pauaho mai ai kana wahine i keia ola mauleule ana he kakauolelo o na C. E., o ko Hawaii Paeaina, he wahine ike a naauao a he alakai ikaika iloko o ka ke Akua hana, ia makahiki no ua lilo ae la oia i Makai Nui no Makawao, Maui, no 2 makahiki a waiho aku ia hana me ka maikai. I ka mahina o Aperila 4, 1912 i hoohuiia ae ai oia me kana wahine elua Mrs. Alice L. Rosehill Kahokuoluna a hoohalaia ae he 2 makahiki ma kona. home ma Kunu, Maui, a nee aku no Honolulu, no 7 makahiki e lawelawe ana i na hana Ioio ame kuai aina, a na ka nawaliwali i hoonee hou mai ia laua no Maui, ko laua home, he 1 makahiki malaila, a hea mai la ka Ekalesia o Wananalua, Hana, i kana wahine e lilo i Haiolelo no lakou, alaila ua nee mai la mahope o kana wahine i koo, i hoakuka a hoa ohumuhumu pu no ka hana a ke Akua he lima akau ikaika no kana wahine ahiki i ka la 1 o Novemaba, ua waiho iho la maluna o kona wahi moe, a i ka la 13 i hooneeia aku ai oia no ka Haukapila Kalana o Hana, a ma ka hora 10 o ka po i oleloia maluna, i kuu iho ai ka luhi, ua pau ka hana, ua pau ka auwe ana i na ehaeha a moe iho la. Ma ka hale kahu o ka Ekalesia o Wananalua imua o ka uui lehulehu, na hoalawehana ame na makamake i malamaia ae ai he anaina home nona e ke Kahu o ka Ekalesia o Paia, Rev. Moses M. Kahiapo, a ma ka hora 3 a oi mahope o ke ku ana mai o ka Mauna Kea i malamaia ae ai kona anaina hoolewa maloko o ka Ekalesia aua ame kana wahine i hoomanawanui ai a hoomoeia aku ma ka ilina no o ua ekaIesia nei, mamuli no o kana olelo kauoha e waihoia oia ma ke kahua o ka hana a ko Akua kahi a laua i hele mai ai. He Kahu Kula Sabati oia no Ma kawao Akau no 30 a oi ma kahiki he Peresidena na C. E., o Maui, Molokai ame Lanai no kekahi mau makahiki lehulehu, he Lunahoomalu no ia Aha Makua no kekahi kau he elele C. E. mai ka Mokupuni 6 Maui no St. Paul i Amerika i ka makaiki 1910, o kona mau hoahele o Rev. Moses Nakuina, Judge Mahaule, William Wenner a oia nei ka hope loa o lakou i moe aku nei. I ka makahiki 1913, ua holo hou i elele no ia mokupuni no me kana wahine hou ame Rev. Poai o Oahu no Los Angeles a na ka nawaliwali ana i kaohi mai i kona ikeia i na Aha Paeaina. He koo ikaika iloko o ka Ekale-
sia o Paia a pela iloko o ka Eka-
Iesia o Kawaiahao no ke Kahu Aka-
na, ahiki i ko laua hoi ana mai no
Maui nei.
He kanaka kuokoa, aole hoopilimeaai, he kupaa no ka hana a ke Akua a mamuli o kana mau a'o ikaika ana amo na alakai ana i hapai ae ai oia i kana wahine hou Mrs. Alice L. Kahokuoluna ahiki i kona poniia ana i kahu no ka ekalesia o Wananalua a ua maikai ka hana aole nae i pau pono na hemahema kuu mai la i kana wahine e ka'i hookahi aku i ka hana a kona Haku ana i aloha ai eia nae e hoomaikai-ia o Iehova ua ko ae la Kana i
HE HOOMANAO ALOHA NO MR.
PETER N. KAHOKUOLUNA.
E ka Lunahooponopono o ke Kuokoa:—E oluolu hoi oe e hookomo iho i keia wahi manao ma kahi kaawale o ka hiwahiwa a ka lahui i ike mai na kini haipule apuni keia Paeaina no ka mea i hoikeia ae la maluna.
E Mrs. Peter Kahokuoluna, ka wahine-kane-make i hooluuluuia ka naau, mamuli o ka lono kaumaha i loaa mai ma ke Sabati 21, 1926, ma ka luakini o Kawaiahao, e hoike mai ana o ka mea Hanohano Mr. Peter N. Kahokuoluna, ua haalele mai i keia ola ana. Aloha Wa-le waiho iho la ia oe e ka wahine kane-make ame ka ohana apau mahope nei me ka ukana nui he luuluu ame ke kaumaha ame ke aloha mokumokuahua, nau e ka wahine kane-make ame ka ohana e paiauma aku mahope nei.
Ma ka aoao o ka Ekalesia Makua o Kawaiahao ma o ke Kahu ame kona Ahaluna la ke komo pu aku nei iloko o ka luuluu ame ke kaumaha no ka hoomanao pu ana no kau mea aloha i haalele mai i keia ola ana; ua hoi aku la ka uhane o kau mea aloha me ka mea Nana haawi mai, a waiho iho la i ke kino lepo i ka honua nei, aka o ke alahele o kau mea aloha he alahele like ia no na mea apau a he home kona i hoomakaukauia maluna a ke puana ae nei makou i keia wahi lalani mele, penei:
Ka Lani kuu home e malia mau ai,
Pokole paa ole kuu noho maanei,
No keaha e ohumu ke kau paapu mai, Na eha na luhi na kaumaha e.
HUI.
Eia mal na anela ke memele nou,
Memele memele ahiki i o.
Ma na puka Mabela e ku ka poe
maikai, A mele aloha no kou puka ana ae.
Me ka minamina nui no i ke kipa ana mai o ka anela o ka make a lawe aku la i ka hanu ola o kuu mea aloha he kane; ua pau kana hana maanei, ua pau ka ike ana i na ehaeha o keia ola honua ana, ua kuu ka luhi, a nou ka olelo hoolana e ka wahine kane-make, o ka mea ua hala ua hala ia, a ke nonoi ae nei makou i ka Makua Lani i kana mau hoomaikai maluna ou e ka wahine kane-make, a Nana no e lawe aku i na ehaeha na kaumaha ame ka luuluu i kau iho maluna ou ame ka ohana no apau, Oia walo no ko kakou puuhonua e lanakila ni maluna o na mea apau ke kupaa kakou no Kona inoa laahia.
O ka lawa keia o kahi manao hoolana nou e ka wahine kane-make, a e oluolu hoi oe e lawe aku i keia mau olelo hoolana ia oe ame ka ohana apau mai ia makou aku, ke kahu ame kona ahaluna.
Ma o kona mau komite i waeia.
O makou iho no me ka haahaa,
JOSEPH K. KAAHEA,
DAVID KAHAULELIO,
JOHN KE,
LILIA K. AHOLO.
HE HOALOHALOHA HOOMANAO
NO BEBE AELANI JOSEPH
FREDERICK WELCH KA-
LOI, UA HALA.
Mr. Lunahooponopono o ke Kuokoa; Aloha oe:—E oluolu oe e ae mai e hookomo iho ma kekahi wahi kaawale o ka hiwahiwa a ka lahui i kela poomanao e ka ae la maluna i iko mai ai na kini makamaka o ke kamaiki apuni keia Teritore.
Aole wahi paa maanei, nolala mai ko ke ao uwe, u ole nae ka mea maikai. He maha kona maluna ae.
Ka lani kuu home aole maanei,
Iluna no ia ma kahi maemae,
Me Iesu kuu haku e maha pu ai.
Oiai iloko o ka palaka pu ame ka nanea aia hoi ku'i ae la ka lono kaumaha o ka ehaeha me ka minamina nui, iwaena o na makamaka na hoaloha ame ka nui ohana; ua pauaho mai i keia ola honua ana o Bebe Aelani Jos. F. W. Kaloi.
Ua hookumu mai ka pilikia me ka ma'i pakeko, alaila loli hou ae la i ka ma'i flu ame ka numonia. Ua haawi ke kauka i kona ike ame kona akamai no ka hoao ana, e loaa ka palekana, eia nae ua hiki ole.
Iloko wale no o ka pule hookahi kona kaama'i ana a o-u koke ia ae la no kona hanu ola hope loa e ka lima menemene ole iho o ka make ma ka home noho o kona mau makua ame na kupuna e noho pu nei, o ia no hoi ka halekahu o ka Eka-lesia o Kaluaaha, Molokai.
Ma ka auwina la Poakahi hora 2:00 p. m., Okatoba 25 1926.
Ua hanauia o Bebe Aelani, ma ka home hanau Kapiolani ma Honolulu ma ka hora 4:00 p. m. auwina la Poakolu Aperila 7, 1926, mai ka puhaka mai o Martha Ilialoha Welch. kona makuahine ame Daniel Kaonohi Kaloi, Jr., kona makuakane a ola no ka helu ekolu o ka laua mau keiki; nolaila o na la apau o kona hanu ana i na ea huihui o keia ao, he 6 mahina 17 la ame 22 hora.
Oiai no hoi o kona makua he mau hoahanau a o kona kupunakane no hoi ke Kahu o keia Ekalesia, pela oia i kamaaina nui ia ai naloko o ka luakini o Kaluaaha. O Bebe Aelani, he mau hiona kona o ko kulana nohea ame kela kino ikaika maikai e loaa ole iho ai o na ma-nao kanalua no ka hikiwawe koke o kona poino; eia nae aole pela; oiai he mahu ke ola o ke kanaka i pu-a ae a nalo aku.
Nolaila i hoomaikaiia ai o Iehova ke Akua Nana no i haawi mai a Nana no i lawe aku.
Ua malamaia kona kino kupapau Ka mua ma ka home, halekahu; alaila malama hou ia ke koena o na hoomaikai no kona kino kupapau maloko o ka luakini e na Kahu Rev. Jos. F. Welch ame Rev. Isaac D. Iaea, a o ka hope loa ma ka luakupapau ma ka pa luakini o Kaluaaha.
Nolaila o makou o na hoahanau na haumana Kula Sabati ame na lala Hooikaika Kristiano o ka Eka-lesia o Kaluaaha ma o ko makou mau komite la, ke komo aku nei o auamo pu me olua na makua i hooneleia i ka olua leialoha he keiki na kupuna i hooneleia i ka olua milimili punahele he moopuna, na kaikuaana i hooneleia he pokii ame ka nui ohana i na luuluu kaumaha o ka ehaeha i kau pakahi iho maluna o oukou, na makua na kupuna na kaikuaana, ka nui ohana ame na hoaloha, a ke waiho ae nei i ka makou leo pule i ka Makua Lani e hoo-maha mai i ko kakou mau naau kaumaha me ka luuluu, a na ko ka kou Haku aloha Iesu Kristo e hoolana mau mai i ko kakou ola i ma keia ao.
Hooholoia, hookahi kope i na i
kua, a i hookahi kope i ka Nupepa
Kuokoa.
Kou mau komite.
DIBBLE K. ILAE, SR.,
MRS. MARIA ILAE,
MRS. CLARA P. NAKI.
NA HOOLEWA O KA POAKAHI
NEI.
He elua mau anaina hoolewa o ka malamaia ana ma ka auwina la Poakahi nei no keia mau hoakanaka i haalele mai i keia ola ana no laua na inoa malalo nei:
No Mrs. Lucy Lahapa Poepoe , ka wahine-mare a Gulstan K. Poepoe, o ke alanui Nuuanu, i haalele mai i keia ola honua ana maloko o ka Halema'i Moiwahine, kahi ona i hoihoiia aku ai no ka lapaauia mai ma ka po o ka Poalima elua pule i hala aku, a ma ka hora 3 i malamaia ai kona anaina haipule hoolewa ma loko o ka Halekupapau o Williams, a ma ka Ilina ma Makiki i hoomoe ia aku ai kona kino no na kau a kau.
Ka lua, no Louis K. Ka-ne o ke alanui Kula, i make ai ma kona home ma ka po o ka Poaha o ka pule aku la i hala; ma ka hora 3 no o ka auwina la kona anaina haipule hoolewa o ka malamaia ana maloko o ka Halekupapau o Silva ma ke alanui Kukui, a ma ka Ilina ma Maemae i hoomoeia aku ai kona kino no ka manawa mau loa.
Poaono o hoi hou aku ai oia me kana kumu no Pasadena no ka hoomahuahua hou ana aku i kona ike malalo o ke alakai ana a Mrs. Lillian Edwards, ka mea i holo pu mai nei me ia i Hawaii nei a e u hoi pu aku ana no hoi ma ia la.
olelo mai ai, e hana oukou i kuu makemake a hoea mai ka la e kii mai ai oia; pomaikai wale ua kauwa la i kona makaukau ana Aole he u ma kona waha aole he auwe ana i na la o kona waiho ana iloko o kona nawaliwali ana, hookahi no mea nui iaia e hea ana i ka inoa o ka Mea Mana Loa pomaikai na ka-naka i moe iloko o ka Haku.
NA HONO-A-PIILANI.