Ka Nupepa Kuokoa, Volume LXVI, Number 8, 24 February 1927 — PAA KA PILIPINO MAHUKA I KA HOPUIA E NA MAKAIKIU Kailiia ka Pu Panapana Mai Iaia Mai ma Kona Manawa i Hopuia ai Malalo ae Nei o Aala Paka [ARTICLE]

PAA KA PILIPINO MAHUKA I KA HOPUIA E NA MAKAIKIU

Kailiia ka Pu Panapana Mai Iaia Mai ma Kona Manawa i Hopuia ai Malalo ae Nei o Aala Paka

Mahope o ka hele lanakila ana, no ka manawa o hookahi mahina me ka paa ole i ka hopui, i paa hou ae ai o Lueas Candido, he Pilipino i ka hopuia e na makai, ma ka auwina la o ke Sabati iho nei, malalo ae nei o Aala Paka, a hoopaaia ae oia maloko o ka halepaaho, me ke kailiia ana o kana pu panapana, ma ke ano eleu loa, e hiki ole ai i kela paahao mahuka ke.hoohana i kana pu, no ka hoopakele ana iaia, mai kona a paa ana aku i ka hopuia. Hookahi nae kumu o ka paa ana o kela paahao mahuka i ka hopuin, o ia no kona hoea ana ae ma Aala Paka, ma kela auwina la Sabti, a imua o kekahi puulu, i hoikeike ae ai oia i kana pu panapana, me ka olelo ana, oia ka paahao mahuka a na makai me na kiai oloko o ka halopaahao e noke ana i ka huli me ka loaa ole; a o ka makai mua loa e hoao mai ana e hopu iaia, e hoopihaia aku ana kona k'no me na poka, oloko o kana pu panapana. [ ka loheia ana o kela mau olelo a Lucas Candido, e ka poe e akeakoa ana ma Aala Paka, ua mio malu aku la kekahi mea a nalowale mai ka paahao mahuka aku, alaila hoike mai.la oia i ka halewai ma ke kelepona, no ka hoea ana o ka paahao mahuka ma Aala Paka. O na Makaikiu St. John, Clark eme Gonsalves ka i hoounaia no ka hopu ana i ka paahao mahuka; a ia lakou e hookokoke aku ana i Aala Paka, ua ike mua aku la ia Candido, e hilinai ana i kekahi kumulaau, ma kahi kokoke i ka .halo' puhiohe maloko o ka paka. , No ka lohe mua ana. o oa kanaka o ke aupuni, he pu panapana ka kela Pilipino, ua hoomakaukau

mua lakou. i ka lakou mau pu panapana, alaila ma kulii o ko iakou hele pololei aku no kahi e nuho aua o ka Pilipino mahuka, ua hoolalau wale ae la no ka iakuu hele ana, a ia iakou no ke ike, ua uanea ka lakou pio, ua holo mai la lakou nie ka hikiwawe loa mahope mai o ke kua, a kau mai ia i na pu panapana imua oua; he wikiwiki hoi ia o kela paahao i ke kau o na liuia iluna, me ka loaa ole iaia he ma nawa e lalau iho ai i kana pu, a ki aku i na makai, elike me kaua mau olelo kaeua mamua aku. Me ka maalahi loa, me ka nui ole o ka hana, i hoopaaia ai na lima 0 kela Pilipino i ka hao, a laweia mai no ka halepaahao. No kekahi mau karaima lehulehu 1 lawelaweia e keia Pilipino, i hoopaa mua ia ai oia maloko o ke kula hoopololei o na keikikane malalo ae nei o Waialee, a iaia o ka holo mahuka ana mailoko mai o kela kula, ua lawelawe oia he niau hana powa me ka wawahihale, a no ia mau karaima ana i hana ai, i hookolokoloia ai oia, a hoopa'iia, e noho maloko o ka halepaahao, no ka manawa, aole e oi aku mamua o na makahiki he umi. He inahina ae nei i hala, ua holo mahuka āku la keia Pilipino mailoko aku o ka halepaahao, a no ka nui o na hana aihue i lawelaweia ma na kauhaule mawaeua o Waimea ame Kahuku, no kekahi mau la aku nei i hala, i manaoia ai, ua hoea keia Pilipino ma kela mau wahi; akahi nae a hoomamaia na manao o ko na kuaaina poe, ua paa keia uaahao i ka hopuia, a ua hoo nohoia ae ma/kahi e hiki Jioi:, ole ai iaia ke lawelawe i na hana aihue, a mau hana powa paha.