Ka Nupepa Kuokoa, Volume LXVI, Number 12, 24 March 1927 — HE MOOLELO No KALOKE a i ole Ka Mea i Kapaia ka Moiwahine o na Puuwai Kupaa. [ARTICLE]

HE MOOLELO No KALOKE

a i ole Ka Mea i Kapaia ka Moiwahine o na Puuwai Kupaa.

'Aole kela na ka mikini i hana, no ka mea ua nu? na dala i kakiia mai ia inakou, e ka Madame Juvene, no kona humuhumu ana me ka lima," i pane mai ai o Miss NoAvuda me ka leo hoohuhu. "Makemake anei oe e nana i ke ano o ka humuhu» muia ana?" "Aole, ua hiki no ia'u ke ike aku me ko'u nana ole i ke ano i hanaia ai o ka'u kauoha no ia oe, ina e nana oe ma kekahi aoao o ka pihapiha, e loaa aku auanei ka ike ia oe, no ka humuhumuia ana o kela uhi, maluna o ka mikini humuhumu kaulahao." "Aohe o'u manawa e hele aku ai e nana i kela uhi," i pane hou ae ai o Miss Nowuda ma ke ano pakike, me ke kaomi ana aku i ke pihi uwila, aole no hoi i emo iho, ku ana no kekahi o na kaikamahine lawelawe, a o ia kana o ka i ana aku imua o kela kaikamahine: "E kii aku oe i kekahi puolo e waiho la maluna o ke pakau? kau humuhumu a mama, a e lawe mai ia'u!" Aole i loihi kela kakali ana aku, ua oili hou mai la ke kaikamahine lawelawe a haawi mai la i kekahi puolo ia Miss Nowuda, a waiho mai Ia hoi o Miss Nowuda i kela puoio imua o Kaloke, me ke kamailio pu ana mai: "Eia maloko nei o keia puolo, na mea a'u i makemake ai nau e humuhumu, aia no maloko olaila, na ana ame na kuhikuhi, no ke ano e hanaia ai, a e paa keia mau mea humuhumu apau, ma keia Poaono iho, no ka mea ma ka la mua o keia pule ae e hele aku ai au no kekahi wahi mamao." Hopu aku la no o Kaloke i ka puolo o ka haawiia ana mai laia, aia nae iloko ona kekahi noonoo, o kela na mea humuhumu hope loa ana, e lawe mai ai mai kela ohana mai. 4< Aole o mama i ka hale nei i keia manawa, nolaila aole e liiki ia'u ke uku aku ia oe, no na mea au i humuhumu ai, aka nae aīa oe a hoihoi mai i keia mau mea humuhumu, ke paa ma, keia Poaono, e hana mai oe i kau bila, no ka huina piha o ko makou aie ia oe, a i kela nianawa e ukuia aku ai. "Ua lawa keia kamaiiio ana o kaua, no ka mea ke hoomakaukau nei au no ka hele ana aku e hui pu me ko'u mau hoa, J aia paha lakou ke kakali mai la o ko'u hoea aku, no ko makou hele i ka holoholo waapa i keia la maluna o ka muliwai." Me kela mau olelo, kaha aku la o Miss Nowuda hele no kahi 0 ka puka, a o kona oili wale aku no hoi koe iwaho, huli hou mai la oia ihope a i mai la ia Kaioke. "Ua lilo loa kaua i ke kamailio, a ua palaka loa au i ka ninau ana aku i kou inoa, e oluolu oe e hoike mai ia'u i kou inoa!" "O Kaloke Livinakona ko'u inoa," i pane aku ai o Kaloke,, no ka elua o ka manawa i ninauia mai ai oia ma kela kakahiaka 1 kona inoa, o ka manawa mua loa, mai ka makuakane mai o kana ipo aloha, a o keia hoi ka elua o ka manawa, mai ke kaīkamahine mai, e kuko ana e lilo aku i wahine na Kalifoda * • • • I V mi. "Uhu!" i namunamu liilii iho ai o Miss Nowuda, aole he kohu iki o kela inoa no kekahi kaikamahine o ke kulana haahaa elike me keia, a o ka mea oi loa aku o ke kohu ole, o ia ka u'i ame ka huapala o kona helehelena," alaila kamailio okoa ae la me ka leo nui: « "E kakali malie oe e Kaioke Livinakona, ahiki i ka huli hoi ana mai o Mrs. Nowuda nana e uku mai ia oe, no na mea humuhumu au i hoihoi mai nei, aka aole paha oia e hoi koke mai ana, e nauki loa ana oe i ke kakali, nolaila, ua hiki no ia oe ke hoi, a keia Poaono ae oe e hoea hou mai ai" o ke kaha aku la no ia o Miss Nowuda hele, me ka haawi ole mai i kona aloha ia Kaloke, ke ano o na kaikamahine a ka poe hanohano i hookae i ka poe haahaa malalo iho o ko lakou kulana. Mamuli o na olelo a Miss Nowuda i kamailio māi ai ia Kaloke ma kela kakahiaka, pela no hoi me kana mau hana, ua hoohaahaa maoli ia aku no ke kaikamahine opio, me ka hoohiki paa ana iho iloko ona, ina e pau ana na mea humuhumu ana e hoihoi aku ana i kona liale e hana ai, alaila o kela ka hope loa o ka manawa ana e hehi hou ai ma na papahele o kela home. Hakalia no a kaawale aku o Miss Nowuda mai ka'hale aku, 0 ka haalele iho la no ia o Kaloke ialoko o ke keena waiho buke, me kona piha i ka huhu, a no ia huhu, aole oia i kakali iho, ahiki i ka hoea ana mai o kekahi kaikamahine lawelawe no ka hookuu ana aku iaia e hoi no kona wahi, aka ua ku okoa ae la no oia iluna, a hoi aku la. Ma kela hoea ana aku o Kaloke no ke aianui, kamailio okoa ae la oia me ka leo nui i ka i ana ae: "Aole loa au e hoohaahaa ana ia'u iho, ma ka hele hou ana mai maloko o ka hale o ka ohana Nowuda; aka e hoounaia mai ana keia mau mea humuhumu e a'u ma ke kaaahi, ke paa 1 ka hanaia. Pehea no la hoi i kaokoa loa ai na ano o ka poe waiwai a hanohano, mai ko ka poe haahaa mai. "Ina o kela iho Ia na ano o keia kaikamaliine a ka ohana Nowuda, alaila, ua oi ae no au mamua ona. He oiaio he kaika» mahine u'i kela o kona helehelena, a he kilakila no hoi kona oiwi kino, aka nae ma kana mau olelo ame kona ano, aole oia he lcde, a ua oi kela loa aku ko'u ano mamua o koiia a aole loa a u e noho hana aku malalo o kekahi mea elike me kela. Ina he lede oiaio ke kulana o kela kaikamahine, e ike iho ana oia, he mea pono ole no kekahi kaikamahine hana, ke kakali i kona uku ahiki i ka hala ana he mau ia lehulehu, no ka meā he lilo no ko ka hele ana mai ame ka huli hoi ana aku maluna ke kaaahi; ua hiki nae hoi, ua poinaikai loa au i ko'u hele leino ana mai nei, a halawai he alo a he alo me kela kaikamahine." Me ka hoopau oie nae 1 kona manawa, ma ka noonoo ana I na tnea e pili ana no Miss Nowuda, hoi pololei.aku la no o Kaloke ahiki i kona hoea ana no ka hale hoolulu kaaahi, a aole i ku mai ke kaa i kela'manawa, kuai aku la oia i ke-

kahi nupepa puka kakahiaka, a noho iho la heluhelu, no ka nana ana i na meahou o kela la. Aole no nae i loihi kona kakali ana, ua hoea mai la ke kaaahi, o kona kau aku la no ia, a huli hoi mai la no ke kulanakauhale, a oiai ua maopopo mua kela huakai atia ia Kalifoda, ua hoea ae ua keonimana nei no ka hale hooluiu, a e kakali mai ana o ke ku aku o kc kaaahi. Ma ka hora unii-kumam*iua o ke awakea ka hoea ana aku o ke kaaahi i ke taona, oiai he wa hoomaha ia no Kalifoda, pela i loaa ai ka manawa kupono iaia no ka hele ana ae e kakali i kana aloha; ui hoi koke aku la laua no ka home o Mrs. Abe Nape. "Pehea kou manao no ka ohana Nowuda, kela ohana o kuu haku hana?" i hooniele mai ai ka Kalifoda ninau ana ia Kaloke. "Ua halawai aku nei anei oe me Miss Palani Nowuda?" "Ua halawai aku nei au me Miss Nowuda, aole nae i .loaa kona inoa mua ia'u, malia o Palani paha, aole nae hoi he mea nana e kuhikuhi mai ia'u, o ua kaikamahine-nei kela." "Pehea kou manao no kela kaikamahine ?" i ninau hou. mai ai no o Kalifod^. "Heaha auanei, oia kekahi o na kaikamahine u'i," i pane aku ai no hoi o Kaloke, me ka hoonui olelo ole aku. "Ua kamaaina au i kena kaikamahme, a mamuli o ia kamaaina, ua hiki loa ia*u ke olelo ae, no ka maikai ole o ka noonoo o ua kaikamahine !a, i kona wa i ike mai ai ia oe, o kona ano iho la no nae ia; a oiai aole oe i hoike mai nei i ka mea oiaio no ua kaikamahine nei, ke mahalo aku nei nae au ia oe, no kou ano Kristiano." Minoaka wale iho la no o Kaloke no kona kapaia aku pela e kana aloha, alaila i mai la: "Malia paha o ke ano iho la no ia o kela kaikamahine; aka aohe a kaua kamailio wale ana aku no ha'i," i pane aku ai no hoi o Kaloke, me ka lilo o kela hele kokoolua ana o laua no ka home o Abe, i mea no laua pakahi e hauoli ai. Oiai he PoaOno kela la, aole he hana o ka auwina la, nolaila ua noho iho la no o Kalifoda ahiki i ka makaukau ana mai 0 na meaai no ka paina awakea, ua noho pu aku la oia me Kaloke ame Abe e ai i ko lakou aina awakea ma kela home. Ua hoohalaia kekahi manawa loihi e Kalifoda ma ka nanea ana me na wahine elua, a oiai aia ka noonoo nui loa iloko ona, no ka ike i kona makuakane, a hoike aku imua ona, no kona hoopalauia ana me kana wahine i koho ai; nonoi aku la oia ia Kaloke e hookuu mai iaia, ma kela auwina la, a hele mai la ke kanaka opio no kahi o kona home i ku ai. Aole i huna iho o Kalifoda i kana wahi e hele ana, ame ka manao nui o kona ake loa ana e ike i kona makuakane, imua o Kaloke; a ma ka aoao hoi o ke kaikamahine opio, aoie oia 1 hoike mai, no kona halawai mtia ana me ka makuakane o kana aloha, ma ke kakahiaka o kela la; ua anēane loa no oia e kamailio mai, eia nae ua kaohi hou aku la no oia i kela manao, me kona koho ana iho, malia he oi aku paha ka pono e ike mua o Kalifoda i kona makuakane, a mahope oia e kamailio aku ai no ko laua halawai ana maluna o ke kaaahi, ame kona unuhi ana aku i ka pula mailoko mai o ka maka o Hamilakona Vini. O kekahi kumu o kona kanalua ana i ke kamailio māi, o lilo aua«ei kana mea i hana aku ai no ka pono o Hamilakona Vini, i kumu na Kaiifoda e noke aku ai i ka haanui, no ko ia nei ano, ka mea ana i makemake ole ai; nolaila ua noho pouliuli loa o Kalifoda no kela hui mua ana o kana aloha me kona makuakane. . MOKUNA IX.

Maloko o ke keena waiho buke o' Hamilakona Vini kahi i! noho ai, ma kela auwina la, e noke ana no oia i ke kakau, a ua hookahaha loa ia aku kona manao, iaia i nana mai ai i ka puka, a ike mai la i ke komo ana aku o kana keiki, o kei;i ka manawa mua loa a Kalifoda i hoea hou aku ai no kona home,! mahope iho o kona ku ana a hele mai ka hale mai o kona mau ! makua elike me ia a kaua e ka makamaka heluhelu i ike ai, j ma ka wehe mua ia ana o keia moolelo. i "He hana nui hoi keia a ua keiki hookiekie nei o ka hele ana mai nei e ike ia'u!" i nalu wale iho ai no o Hamilakona Vini iloko ona. "Malia paha ua ike oia i na hopena poino o kona mau manao uahoa o ka paakiki, pela oia i hele mai la e noi i na kokua ana aku a kona makuakane nei." "O ke aloha no kou!" i pane aku ai o Kalifoda imua o kona makuakane iaia i komo aku ai noloko o ke keena heluhelu buke, a noho iho la iluna o kekahi noho kaawale." "O oe mai la ia e I\alifoda," i pane mai ai no hoi ka makuakane ma ke ano hoihoi ole, "akahi no nae oe a ike hou ia mp ko makou wahi nei!" "No ko'u paa loa r ka hana, pela i hiki ole ai ia'u ke mai i ka hale nei e ike ai ia oukou.'* "Ua lohe mai au pela, ua paa loa kou manawa i ka hana, a ke hauoli loa nei au i ka hoike ana aku ia oe, no kou hoomaopopo ana i ka mea pono loa ma kou aoao e hana aku ai, eHke me ka'u i hoike mua aku ai ia oe," wahi a Ilamilakona me ka leo kuoo, a mai kela ano mai, i hoololi ae ai oia i ke ano 0 kona leo, a kamaiKo hou mai la me ka olu6lu: "Pehea, ua makemake no anei oe i kau hana e lawelawe mai nei ?" "Aohe a'u mea e hoohalahala ai, oiai ua hoikeike mai o Mr. Nowuda i kona mau ano oluolu me ka makee nui no'u, a ua like oia me kekahi hoaloha maikai loa no'u." Ke hoomaopopo la o Hamilakona i kona hewa, no kona a'o ikaika ole ana i kana keiki mai kona mau la kamaiii mai ahiki 1 ke'kanaka makua ana, aole nae ona makemake e hoike okoa mai i kona hewa imua o kana keiki; aia nae iloko ona kekahi noonoo, e hoea mai ana no he la e kaa ai ma ka aoao o kana keiki ke koi ana aku, e ae mai kona makuakane e apo mai iaia, elike me na la i hala. O ka manao koho iioko o ka makuakane no keia hoea ana aku o Kalifoda, no ke noi ana aku no ia i kana huikala ana aku, no na mea a ke keiki i hana ai; ina o kela i'o ka manao nui o kela huakai, alaila ua makaukau ioa oia e haawi aku i na pono ame na pomaikai i maa ka ioaa ana i kana keiki i na ; makahiki loihi i kaahope aku, aka ua makemake* nae oia e hoo|haahaa mua kana keiki iaia iho, alaila mahope aku e pana'iia mai ai na mea a kana keiki i makemake ai e loaa aku iaia. "Ae, o Mr. Nowuda kekahi kanaka maikai loa, a he hoaloha oiaio oia, no kekahi kanaka ana i hoihoi ai, a ina nei no kou noho hana malalo o kekahi mea mawaho aku o'u, aole a'u kanaka i hilinai nui ai elike me Mr. Nowuda, a oiai eia oe ke noho hana nei malalo ona, ua hoomama loa ia mai kuu noonoo nou, a pehea ke loaa nei nae paha he ukuhana maikai ia oe ea?" . • N Ua maopopo no i ka makuakane ka ukuhana e loaa ana }

kana keiki, oiai ua hui kukakuka mua no oia mc Mr. Nowuda., aka he n\au qjel6 hoao wale no kela ana i kamailio mai ai, 110 ke ake e lohe pono i ka manao o kana keiki. "O ka ukuhana e loaa nei ia'u, ua kulike no ia me ka ukuhana i haawiia aki| e Nowuda i ke kanaka i noho kakauolelo mua nana," i pane aku ai no hoi o Kalifoda, me kona hilahila ole, no kona ukuia mai no kā hana ana i lawēlawe aku ai no ha'i. "Ua laki maoli oc, i ka loaa ana o kekahi uku maikai loa, no ka mea he kanaka hou loa oe o ka noho hana ana aku malalo o Mr. Nowuda; aka aole anei ua ike oe i ka pilikia o kou noho ana i keia manawa, mimuH o kou lawa ole i ke dala no kou mau makemake iho?" me ka hakilo loa ana mai o ka makuakane ma ka helehelena 6 kana keiki, a no ka pane koke ole.aku o Kalifoda, hoomau hou mai la no oia i ke kamailio ana: . • "Ua kakali aku au. o kou huli hoi hou mai imua o'u kou makuakane nei, no ka mea ua maopopo loa ia'u, he liana paakiki nau, na kekahl keiki i maa i ka noho ana ma ke ano maalahi, me ka piha o na pakeke .i ke dala, ka hoomanawanui ana me na dala liilii loa e loaa nei ia oe mai kou haku hana mai. Ua makaukau au e kokua aku ia oe e kuu keiki, iloko o kou wa o ka pilikia, no ka mea ua hoohauoli loa mai oe i ko'u manao, ma kou komo ana e lawelawe i kekahi hana, a e hookaawale mai ka puulu mai o ka poe uhauha. Heaha ka nui o kau maū kokua i makemake mai ai e loaa aku ia oe mai a'u aku?" "No kou mau manao maikai, me ka makaukau e kokua mai ia'u, ke haawi aku nei au i ko'u mahalo ia oe e Ikuu makuakane; a i hoike aku no au ia oe ea, aole o'u pilikia e noho mai nei, ke hoao nei au e hoolilo i ka'u mau dala, malalo iho o na dala e loaa mai nei ia'u; a i ko'u hele ana mai nei e ike ia oe, aole ia no ke noi ana aku 1 kekahi mau kokua pili dala mai ia oe mai." "Ua hookahaha loa mai oe ia'u e Kalifoda i keia la, ma na mea au i kamailio mai la; a iloko no hoi o ia manawa hookahi, ua hoohauoli pu mai oe i ko'u noonoo, a ke paa nei kuu manao, 0 oe aku ana kekalii kanaka holomua ma ka lawelawe oihana ana ma keia mua aku. "E hoopoina like kaua i na mea o ka wa i hala, a e kikoo aku 1 na mea o ka manawa e hoea mai ana ; e lilo kaua i mau hoaloha oiaio loa. Ina aole ou makemake ike dala, ai na kokua ana paha mai ia'u aku, no kou pono o ka noho kaawale ana mai kou makuakane nei aku, alaila heaha keia manao nui o kou hoea ana mai nei e Kalifoda?" Aole i wikiwiki ke kanaka opio ma ka pane ana aku, ke noonoo la oia i ka mea pono ana e hoike aku ai imua o kona makuakane, alaila kamailio aku la oia me ke akahele loa: "Ua loaa ia'u ka ike no ko'u hana ole ana aku i na mea apau e hoohauoliia ai kou manao o ka wa i hala; aka iloko o ia manawa hookahi, ua noonoo iho no hoi au, ina he okoa loa kau mau mea i hana mai ai no'u, ina aole e loaa ia kaua kekahi pilikia; aole nae au i makemāke e hoala hou mai i na mea o ka wa i hala, a e hookau aku paha i na hoahewa ana maluna ou ma kekahi ano, aole loa koe wale no keia, ua hooholo au i ko'u manao, ua oi loa aku ko'u noho ana no'u iho, a e hooikaika aku, elike me na kanaka e ae, e loaa ia lakou hanohano ame ka waiwai me ka hou 0 ko lakou lae, ame ka noonoo o j ko lakou poo.

"Ua makemake pu au, e hoilioiia mai kela manao aloha o ka makua 110 kana keiki, a pela hoi ke keiki no ka makua. No ka'u liuakai o ka hoea ana mai la imua ou e kuu makuakane i kela la, no ka hoike ana aku no ia i kekahi mea pololei loa, me ko'u makemake ole e hoopunipuni aku ia oe ma kekahi ano-—" aole nae i pau aku na mea a KaTifoda i makemake ai ē kamailio mai, ua kahamaha e mai la kona makuakane i ka pane ana ae: <4 Ua hoopiha loa mai oe i kuu uhane ika hauoli, aoi aku mamua o ka mea hiki ia'u ke hoakaka ae ma na huaolelo maopopo loa," wahi a ka makuakane me ka hoike okoa ana mai 0 kona no ka piha me ka ilihia no na olelo a kana keiki imua ona. "He oiaio, e hoopau loa kaua i kela manao kuee o kekahi no kekahi, a e lilo kaua i mau hoaloha maikai loa, a i hoike hou aku imua ou ea, ua hele au a piha me na manao haaheo nou e kuu keiki, no kou ku okoa ana mai imua, a hoike mai he kanaka opio oe me ka iwikuamoo. "He mea oiaio loa, ua kalele pau ko'u noonoo maluna o ka'u mau oihana malalo iho la o kela ano, pela au i hoohemahema aku ai i ka hui mau ana me oe aka nae no keia manawa, ke hauoli nei au i ka hui mau ana aku me oe ma keia mua aku? a e kamailio pu kaua no na mea e pomaikai like ai, me ka hoala hou ole niai i na mea o ka wa i hala. "He nani hoi ia, ua hele okoa mai nei oe e ike ia'u, a ua hoakaka like kaua i na manao maikai, e hoopoina loa ana i na mea 1 hala, ke makemake nei au, e hoi mai oe e noho hana ma« loko o ko'u keena oihana, me ko'u uku aku i kekahi ukuhana kupono loa ia oe." "Ke mahalo aku nei au ia oe e papa no keia mea au e koi mai nei iVu, a ke manaoio loa nei au, mamuli no ia o kela manao makee iloko ou, no ka pono o kau keiki nei; aka ina ko'u manao nae, aole paha he hana maikai ma ko'u aoao ka haalele ana aku i ka hana a Mr. Nowuda i keia manawa, mahope iho 0 ka hoikeike ana mai, ame ke kuhikuhi ana mai a kela kanaka ia'u i na mea apau i pili i oihana." liookuekuemaka iiui iho Ia o Mr. Vini, no kela hoakaka a kana keiki, aole no kona noonoo ana iho, ua pololei ole kana keiki, aka no kona makemake ole i ke ku-eia aku o kana mau mea 'apau i manao ai. Aole no he ku-e iloko o Mr. Vitii, no ka noho hana aku o fcalifoda malalo o Mr. Nowuda, no ka niea ua maopopo iaia, o Mr. Nowuda kekahi kanaka akahele loa ma ka lawelawe oihana ana, a aole he haku oi aku o ke kupono o kana keiki e noho hana ai, o kela wale no; nolaila ua ulupuni mai la o Mr. Vini 1 ka huhu, no ka hoi aku o kana ke'iki e noho hana malalo o ke kanaka okoa, aole hoi malalo ona. 0 kekahi kumu nana i hoopilikia loa aku i ka manao o Mr. Vini, o ia no ke ala mai o na ninau khulehu mai kona mau hoaloha mai, no ke kumu i noho hana ole ai o Ka!ifoda malalo ona; ahe mea maikai ole hoi, ka loaa ana aku o ka ike i kela poe, aia na manao ku-ee mawaena o ka makua ame ke keiki* 1 kinohi o na olelo 1 kamailioia mawaena o ka makua ame ke keiki, ua ōluolu maoli ko Mr. Vini manao, aka i keia hoole ana aku o Kalifoda aole e noho hana me kona makuakane, ua hoopii hou ia ka manao piena iloko o ua kanaka nei, a o ia kana o ka pane ana mai: "Malia paha e inoino ana ko Mr. Oowuda manao ina nei no kou haalele aku i ka noho hana ana malalo ona. nolaila ua hiki no ia oe ke hoomau aku i ka hana ana no kela kanaka, aka nae, he mea pono e hoi thai oe no kou home nei e noho ai, aole e noho ma na rumi hoolimalima; no ka mea me ka uku e ioaa nei ia oe, ua aneane hiki ole e hoolawai* kou mau makeniake, ma--1 waho ae o kau mau weaai."

Minoaka iho la o Kalifoda no kela mau olelo a kona makuakane, no ka mea, ke hoala mai la kona makua i na olelo, e hoea'! mai ai i ka oili okoa ana aku o ka manao nui o konx hele anaj aku e ike i kona makua ma kela la. "No na hoolilo o ko'u noho ana, aole he pilikia iki, a ua maoli iho no au i ko'u akahele me ka pakiko maoli, i ka'u wahi | loaa liilii; ahe nani hoi ia ke koi mai nei oe ia'u e hoi mai; o ka! manao a'u e hoakaka aku ana imua ou, a o ka hana nui hoii nana i kono mai ia'u e hele mai i keia la, e hui pu me oe he alol a lie alo." |f "Auwe no ka hoi e! la maoli keia no na nuhou maikai he nui," i kamailio hoopaani wale mai ai no ka makuakane, me' ka maopopo ole nae iaia o ka Kalifoda mea i makemake ai e, kamailio aku, a o ia kana o ka i hou ana mai: fā "Heaha keia mea ano nui au i makemake ai e kamailio maij ia'u ?" £ "Eia ua manao nei; mahope iho o ko'u haalele ana ia oe ame kuu home nei, ua halawai aku la au me kekahi kaikamahine opio, ka mea nana i hookomo mai i ka manao hoohihl iloko o'u nona," i hoomaka aku ai o Kalifoda e kamailio, ka pii o .ka ula ma kona mau papalina. Hoopinana ae la o Mr. Vini i kona mau lehelehe, me he mei la e hoohenehene mai ana oia ia Kalifoda, eia nae ua hoauhee aku la oia i kona manao hoopohala, mamuli o kona noonoo ana iho, malia paha o ke kaikamahine a Mr. N T owuda, ka mea i komohia ai na manao hoohihi iloko o Kalifoda, a ke olioli loa la oia, me ka pane aiia mai: "He nuhou maikai kena au e hoakaka mai la e Mr. Kalifoda. v a owai ka inoa o kela lede opio i hoohihi ai oe iaia?" 0 "O ka inoa o kela lede opio oia no o Kaloke Livinakona, i pane aku ai 110 hoi o Kalifoda. f# Ua hoopuiwa loa ia aku kona makuakane no kela inoa, oiai he kaikamahine okoa Joa ka Mr. Vini e noonoo la, oia ke kaikamahine a koua hoaloha o Mr. Nowuda, eia ka he kaikama-j hine okoa loa, a o ia kana o ka i ana mai: "Owai ka inoa o kela lede opio?" me ka hoohuli ino ana mai] i kona noho imua o Kalifoda, a hoike okoa mai la kona hele-J helena i ka piha maoli me ke kahaha. ►

Hookahi kumu o kona kahaha, o ia no ke ala koke ana mai^ 0 na hoomanao iloko ona, o kela no ke kaikamahine hookahi 1 noho pu ai me ia maluna o ke kaaahi r ma ke kakahiaka o kela ' la, a o ke kaikamahine hookahi no hoi nana i unuhi i ka pulai mailoko ae o kona maka. Ua komohia ka manao mahalo a hoohihi iloko o Mr. Vinn no Kaloke ma kela manawa o ko laua hookamaaina malihini ia ana, aole nae he wahi manao iki iloko ona, e lilo kela kaikamahipe i wahine na kana keiki, nolaila i ka hoopuka ana aku 0 Kalifoda i ka inoa o Kaloke Livinakona, ua hoopuiwa koke ia o Mr. Vini, a ua hoopiha pu ia aku hoi oia me ke kahaha, me ka hiki ole iaia ke pane koke aku, a o ia ka Kalifoda o ninau hou ana mai: "Aole anei i maopopo aku la ia oe e papa ko'u manao?rO.J Miss Kaloke Livinakona ka inoa o ke kaikamahine i haulehia! ai au i na manao hoohihi nona." "Manao no anei oe e Kalifoda ua halawai mua au me Wela| lede opio?" me ka nana pono loa ana mai o ka makuakane' maluna o na maka o kana keiki. I 1 "Aole o'u manao, ua halawai mua oe me kela lede opio*v "Ihea oe i halawai ai me kela lede opio, a owai oia a owal kona mau makua?" i ninau mai ai o Mr. Vini me ka leo kuoo. "Aia kekahi moolelo loihi, e pili ana i ke ano o ko'u halawai ana me kela lede opio, a e hoike aku ana au i ua moolelo la ia oe, a e hoolohe mai no hoi oe. "Ma na ano apau, he kulana lede oiaio loa ko Miss Kaloke Livinakona, a o ke ano o ko'u halawai ana me ia, he kupaianaha loa, a ua lilo oe i mea kokua mai ia'u, no kela halawai ana o'u me ua kaikamahine nei." "Ma ke ano hea iho la au i lilo ai i mea kokua aku ia oe, no kou hui ana me keia kaikamahine?" "He oiaio loa keia mea a'u e kamailio aku nei imua oti e kuu makuakane, no ka mea ina aole au i haalele iho i ka hale nei ma kela po a'u e poina ole nei, aole loa au e halawai me kela lede opio," alaila hoomaka aku la o Kalifoda e hoike i ka moolelo piha o kona hoopakele ana ia Kaloke mai ka make mal, elike me ia a kaua e ka makamaka heluhelu i ike ai ma na mokuna mua o keia moolelo. Aole malaila wale iho la no pau kana mau mea i hoakaki aku ai imua o kona makuakane, aka hoakaka pu aku la oia i ke ano o ko Kaloke ola ana iloko o kona mau la e noho pu ana me kona makuahine, alaila hoikeike pu aku la oia i ke kulana. kilakila o kela kaikamahine, ka u'i ame ka huapala o kona helehelena, a o ka mea oi loa aku, o ia no ka maemae ame ka oiaio o kona mau ano apau. Ke hoolohe malie mai la o Mr. Vini i ka moolelo a leana 4 keiki e hoike aku nei, me ka hele loa o kela kanaka a piha' 1 ka huliu me na manao kuaki, aole nae ona kahamaha mai,a i ole hoikeike mai paha i kona hoowahawaha ma kona helehelena, o ke ake nui wale no iloko ona, o ia ka hoea aku o Kalifoda i ka hope.na o kana moolelo, a ia manawa oia e popo ai i kana niea e kamailio mai ai imua Q kana keiki K Ke hoike pau la o. Kalifoda i kana mau mea apau 1 noonoo ai no kela kaikamahine opio; a aole loa i huna iho no ka lilo ana o na atyo o Kaloke, i kumu narja e hoololi ae i kona mau ano, ka mea a kona makuakane i ike mai ai he kanaka ano hou oia; a iaia o ka hooki ana iho i kana moolelo, noi aku la oia i kona niakuakane, e haawi mai i kona apono, no ko iā nei hoopalauia me Kaloke Livinakona no ko laua mareia aku i kekahi la e hoea mai ana, a e aeia hoi kona makuahine ame kona kaikuahine, e liele mai e ike i kana wahine hoopalau i na manawa apau, ma ka home o Mrs. Abe Nape. No ka pane koke ole mai nae o Mr. Vini no na mea a Kalifoda i hoakaka aku ai imua ona, e pili ana no Miss Kaloke Livinakona, ia wa i hoomau hou aku ai ke kana.ka opio i kana kaniailio ana: w O kela ke kaikamahine nana i hookomo mai ike ola hou iloko o kuu kino a mamuli o kona mau ano kilakila, i konoia mai ai au e hoolilo ia'u iho i kanaka makua, a ma ka lilo ana auanei o kela kaikamahine opio i wahine na'u, me kona aloha I e hoopuni ana i ko maua ola ana aku, ua hiki loa ia'u ke olelo I ae i keia mahawa, e hoea mai ana no he la ma keia mua aku, e hoea ai au ma ka panepoo o ka hanohano ame ka waiwai; nolaila me na manao hiipoi apau iloko o'u no kaikamahine, ua konoia mai au e hele mai imua ou e papa i keia la a noi aku i kou apono ana mai, no ko'u hoohuiia aku iloko o ka berita o ka mare me Kaloke Livinakona." Ma kela wahi o na olelo a ke keiki imua o ka makuakane, ua hiki hou ole iho la ia Mr. Vini ke hoomanawanui, ua hele hoi kona helehelena a haikea, me ka nana ana mai ma na maka o kana keiki me ka uahoa, alaila me ka leo kuoo hoomaka mai la oia e kamailio: (Aole i pau.)