| | He Moolelo
-No Ka- Lanakila ma o ke Kali Ana MOKUNA XXXI. "Ke haawi hou aku nei au i ko'u mahalo ia oe no ka elua o
ka manawa," me ka pii ae Ia nae o ka ula ma ko Eseparana
mau papalina lahilahi, me kona hoao e huki mai i kona mau
lima, e ke mau Ia no nae; ka lima o ka anakala i ka paa.
"E ae mai oe e nana pono aku au i kou helehelena," wahi
a ka anakala, me ka huki ana aku la iaia ahiki i ka puka ani-
ani, kahi o ka malamalama e hiki pono ai iaia ke ike mai i ko
"Eseparana helehelena nohea, a i kona mau onohi onaona hoi,
a i hou mai la:
"Ua loaa mau ka manaolana ia'u he helehelena kou i kulike
Ioa me ko Ame, ko makuahine, aka nae, ia'u e nana aku nei
aohe kulike, he helehelena kou o ka lahui e, ae, no ka lahui
e!" a nui iho la kona hanu, ke ano nei o ka mea i piha me ke
kaumaha.
"O ke kii o kou makuakane o ia ka mea iluna ou, o ko De
Mabilona helehelena okoa no a pau o ia ka iluna ou, ke ano
no o ka helehelena o ka poe Palani, aohe wahi hiohiona iki
o kou makuahine maluna ou, koe wale no ou mau onohimaka
ame ko oho."
Ua piha loa iho Ia o Eseparana i ka ukiuki ia manawa no
ka hoinoino o ka anakala i ka makuakane, oiai ke aloha iloko
ona no ka makuakane i make e mau ana no ka makamaka hou
iloko o kona houpo, a oiai, no ka lahui Palani io no kona ma-
kuakane, a he ku-e hoi na Pelekane i na Palahi, ua hiki ole
iho la iaia ia manawa ke paa hou i kona mau waimaka.
Aole i loaa ae iaia ka. maha no na olelo hoino a ka anakala
ka makuakane, hoomau hou mai la no ka anakala i kana olelo
ka i ana mai me ka leo oluolu loa, no ka ike ana mai paha
kona uwe.
"Ua make io anei ko makuakane iloko o ke kaua i ka ma-
nawa e hoopuniia mai ana ke kulanakauhale o Palika e na koa
Perusia?" Aole oia i kamailio mai ma ke ano he manaoino
kona, aka o kona ano iho la no nae ia he kanaka oolea a ma-
kona o ka olelo e lilo ai no i mea no kekahi poe e aku e eha
ai"
Aohe hiki iho la ia Eseparana ke hoomanawanui i kona eha-
eha no ka oleloia ana mai o kona makuakane, "he kanaka Pa-
lani lokoino", a ia manawa ala mai la iloko o ko Eseparana
noonoo na hoomanao ana no ka mahina o Novemaba, ka ma-
nawa i make ai kona makuakane, a ua hiki ole hoi iaia ke ka-
ohi iho i kona mau waimaka, a eia nae, no ka ninau a ka aka-
kala pane aku la:
"Ae, ua make oia, a ua haalele ia iho au me kunane Gasepa
he mau keiki makuaole ilihune ma keia ao, a no ia ilihune i
noiia mai ai kou aloha, a oia au i hiki maila ianei no ke kaa
ana aku malalo o ka oukou malama ana mai, ke alohaia mai
hoi." Me ka ha'uha'u uwe mau o Eseparana i pane aku ai i
kekahi inau huaolelo liilii, alaila huli ae la e nana ia Konelia,
me he mea la e noi aku ana iaia no kona hookaawale koke ia
aku.
"E makemake ana anei oe i nei manawa e hoi koke aku ilo-
ko o kou rumi, oia anei?" i ninau ae ai o Konelia. "Ina hoi
ha pela, ukali mai mahope o'u a na'u e kuhikuhi aku ia oe
i ke alanui e hiki aku ai i kou rumi."
Aohe hoololohe hou ana iho a Eseparana me ka hauoli loa
oia o ka hahai ana aku mahope o ka hoahanau, no kona ma-
kemake e kaawale koke aku oia, a ke hiolo mau la no hoi
kona mau waimaka me ka huna ole iho, a hele aku la maloko
o ka holo ahiki i ke alapii oka e moe ana iluna.
O ko Konelia aloha a pau nona ma kana olelo i hoikeia mai
ai iaia i ka i ana mai, "Mai nana aku oe i kana, aole o'u ma-
nao ua ike mai kou makuakane e uwe ana oe," he mau olelo
paha keia e hoonanaia mai ai ka noonoo o kekahi kaikamahine
Pelekane, aka, nona iho aohe i lawa ia mau olelo e hooluolu
mai ai i kona noonoo.
Lawe aku Ia o Konelia iaia ahiki i kona rumi a haalele aku
la iaia malaila, mahope o ka olelo ana aku o kona rumi ana
ia e noho ai, me ka i pu ana aku, aia a kani mai ka bele no
ka aina ahiahi maloko o ka hora hookahi mai ia manawa aku,
alaila iho aku oia i ka rumiaina.
Ia Konelia no a hala aku, o kona hina aku la no ia iluna o
ka moe a hoohanini aku la i kona mau waimaka, me ke kahea
ana me ka manaolana poho no ka hele mai o ka makuakane,
a me ia hoomau oia i kona uwe ana ahiki i ka hiki ole ana ke
uwe hou aku, no ka ike ana iho i ka aneane e pau kona aho.
Holoi ae la oia i kona mau waimaka, a oiai aohe mea nana
e hoonana mai iaia, hoopau ae la oia i kona uwe ana, a hoo-
maka ae la ka nana ana ma o a maanei o ka rumi. He akea
ia rumi aohe nae he mau Iako kupono e hoohauoli mai ai i ka
inoonoo a he mau o'a ke koo ae ana i kaupaku, a no ke ano
pili kokoke loa ae i kaupaku, a he ano kau koke iho no hoi
maluna ona e mohala ole ae ai ka nana ana, a iaia e nana iho
ana i ka moena weleweka lepo kahiko ua lilo ia i mea e eha
ai kona mau maka ame ka noonoo, he oi aku ka ka papahele
unnihapa a puupuu o kona home kahiko ma ke kakela Mabi-
lona mamua o keia mau mea ana e ike aku ana.
No ka hoihoi ole iho Ia ona i na mea e hoopuni mai ana iaia,
ku ae la oia a hele aku la i kahi o ka puka aniani, me ka iini
iloko ona e ike aku i kekahi mau mea maikai a nani e hanai
mai ai i kona noonoo.
Oiai no oia e ku ana ma kahi o ka puka aniani a e nana aku
ana iawaho hooho ae la oia i kekahi leo hauoli no kona ike
ana aku i ka halepule Kakolika e ku mai ana ma kahi ma-
mao aku, a pela hoi i kekahi mau hale nani e ae e hoopuni mai
ana.
Me ka nanea Ioa oia i ka nana i puiwa ae ai oia i ke kani
ana mai o ka uwaki a hoomanao ae Ia oia no ka Konelia mea
o ka olelo ana mai iaia no ka aina ahiahi, a ke hoihoi ole la
oloko ona i ka iho aku ilalo i ka rumiaina, no kona ike mua
iho he mau mea hoehaeha hou no i kona noonoo ke hanaia
mai ana iaia, a he manawa ia nona e komo ai i lole hou nona.
Aohe ona makemake e hui hou aku me kona mau pilikoko
i hoihoi ole mai iaia ma kana koho iho, aka aohe hiki iaia ke | hana ae nona iho aia oia iloko o ko lakou mana me ka lakou
mau hooponopono ana mai nona.
Ma keia manawa ua haalele mai na manao pihoihoi iaia, a
ua ike iho me ka hoomaopopo o kona home ana ia e noho mau
iho ai, o kana mea nae e ike iho ana ia manawa ua luhi ma-
oli oia me ka maikai ole o ke ola kino, a ua loaa ole hoi iaia
ka ikaika o ka manao e kamailio pu me ka poe Pelekane ma
ke ano nei i kupono ka luana ana aku me lakou.
I kona lohe ana aku i ka bele i ke kani mai, iho aku la oia
i ka rumiaina a komo pu aku la me ka nui ae o ka ohana, a
maloko o kekahi rumi e a ana ke kukui gas, a ua paa no hoi
na puka aniani i ka paku ia me ka pale puka aniani manoa-
noa, a ua paa ae la ka malamalama o ka la e aneane loa ana
e napoo mai ka ike ia aku.
O Mrs. Moateleka ka mea nana i hoakaka mai iaia no ke
kumu o ka pakuia ana o ka puka aniani me ka uhi manoanoa,
no ka makemake ole o ka makuakane e ai i ka manawa e kau
ana no ka la, akahi no o Eseparana a maopopo oia ka ke kumu
o ka pakuia ana o ka puka aniani, a i kana nana iho iaia he keu
aku o ka maikai ole o kana hanu ana no ka loaa ole mai o ke-
kahi aheahe makani, aka hoomanawanui iho la no nae oia.
Ma ka mea oiaio ke olelo ae, aole oia i maa i na meaai mai-
kai loa mamua aku; i ka makahiki mamua aku, me na wahi
meaai kumukuai haahaa loa laua o ke ola ana me ke kaikuna-
ne, me ka hoomanawanui ame ka pakiko loa i ko laua mau
hoolilo, ma na meaai ana e ike iho ana maluna o ke pakaukau
ma keia manawa he mau meaai wale no i hoomakaukauia na
ka poe waiwai a kieke.
He liilii loa na olelo i kamailioia iloko o ia manawa a lakou
o ka ai ana, ua uiia mai oia no kekahi manawa, a ua pane
aku no hoi oia ma na huaolelo maikai loa ana e ike iho ana,
a hakalia no a pau ka ai ana, hoi ae la na lede noloko o ka
mmi hookipa, kahi o ka ea oluolu a maemae, a oia pu kekahi
i noiia mai e hoi pu aku malaila.
No Bela, i ka hiki ana ona iloko o ka rumi hookipa, lalau
aku la oia he buke a hoi aku la ma kekahi rumi mahope aku
e heluhelu ai no ia ahiahi. No Mrs. Moateleka ame Konelia
o laua na lede i noho iho, a noke mai la i ka niele iaia, aole
no he mau ninau pohihihi loa e hiki ole ai iaia ke pane aku,
he mau ninau moakaka wale no, a ua paneia aku ia mau ninau
eia me ka hikiwawe, a no ka hapalua hora paha ia ninaninauia
ana mai ona i keia mau ninau malalo nei:
"Owai ka inoa o kou kai kunane? Ehia ona mau makahiki?
A ehia hoi ou mau makahiki? I ka mahina hea oe i hoi mai
ai i Ladana? Ma ka mahina hea i pau ai ka hoopuniia ana
mai o Palika e na Perusia? Ua paneia aku na haina a pau
no keia mau ninau a Mrs. Moateleka.
I ka hooki ana iho o Mrs. Moateleka i kana ninau ana ua
maha loa ae la ko Eseparana noonoo a hoi aku la hoi o Mrs
Moateleka no kona rumi.
Alaila huli ae Ia o Eseparana me ka maha o kona noonoo
a nana ia Konelia, aka nae aole no i maha kona noonoo no
kamea ua noke hou ia mai la oia i ka ninauia eia, he ninau hoi
e loihi ai na olelo e pane aku ai me ka hookahaha pu mai iaia,
"Pehea i hiki ai e hoomauia kou hoonaauaoia ana?
Ua paakiki loa keia ninau i ko Eseparana noonoo e loaa
pono ole ai paha ka haina kupono, eia nae, pane aku la:
"Iloko o ka manawa e kaua ana aohe mea hiki ia'^ ke hana
aohe no hoi he hiki ia'u ke hele aku i ke kula no ka makau i ke
kaua."
"Ma kahi o ka makemake nui e hana i kahi mea aia no he
alahele," i pane mai ai o Konelia, ''He hana kuhihewa nui loa
ia ka ae wale ana ia oe e ola me ka hooikaika ole oiai ua nui
oe; pehea la ka nui o ka hana e hanaia ana i na makahiki
mahope mai aole ia e uku aku ana i ka manawa o na maka-
hiki i hala. Owai kau kumukula?"
"O kuu makuakane no ka mea nana e ao mai ia'u i na mea
apau," wahi a Eseparana i pane aku ai, me ke kulou ana iho
ilalo i ole ai e ikeia mai ka haale mai o ka waimaka ma kona
mau lihilihi, "koe wale no, i ka manawa a makou e noho ana
ma ke kakela Mabilona, maloko o ke kula vilikina au e a'oia
mai ai ma na haawina himeni ame ka humuhumu ma ka au-
wina la."
"A mai kela manawa mai o ke kaua, pehea, he hana no anei
kekahi au i hana ai?" wahi a ka Konelia ninau me. ka leo
ano kalakala i lilo iho la i mea hoehaeha i ko ke kaikamahine
noonoo a hiki ole ai iaia ke uumi i kona akaaka malu, a ke
hana ala nae kona noonoo ia wa no kana haina e pane aku ai.
"Ia maua me Gasepa maloko o Ladana he hooikaika no ma-
ua i ka huli haawina. He lehulehu na buke ma ka olelo Pele-
kane a'u o ka heluhelu ana, he mau buke i haawiia mai ia'u
mai ka hakuwahine mai a maua i noho aku ai.
"O, he hana naauao loa ia a olua i hana ai, a ke hauoli nei
au i ka lohe ana aku. "Heaha na mea i hoopaaia maloko o
ia mau buke?" wahi hou a Konelia o ka ninau ana mai:
"Ua hoomaka au i ka heluhelu ana me ka Foka mau buke
e pili ana i ka hoomaauia ana; he nani kela moolelo a'u o ka
heluhelu ana, a o kekahi buke e ae a'u o ka heluhelu ana e pili
ana i ka ohana o Feakaila, he nui na mea hoohauoli mai i
ka noonoo maloko o ia buke."
"He mau buke waiwai ole loa kela au i heluhelu ai, no ka
mea e ike iho ana no oe i ka haiki maoli o na mea hoonaauao
ia oe maloko o ia mau buke," wahi hou a Konelia me ke ano
hoowahawaha.
Ua loaa iho la ia Eseparana ka ehaeha ia manawa no ka
mea, ua nui na mea hoonaauao mai iaia mailoko mai o ia mau
buke, a ia Konelia nei hoi he mau buke waiwai ole loa ka
ia e heluhelu ai, a i aku la:
"O kela wale no na buke i hiki e loaa ia'u, a ina au e hoa-
hewa iho ana i na mea i hoopaaia maloko ua hoike ae au i
ko'u ano naaupo maoli. Eia ko'u manao i nei manawa, e olu-
olu oe e ao mai ia'u alaila aole au e hana kuhihewa hou.
Haawi mai la o Konelia i kona ae maikai no ke a'o ana iaia
ame ke kokua ana hoi ma na mea apau e hoonaauao mai ai
iaia ma ka olelo Pelekane maloko o na bake, a ma kana mau
olelo apau o ka hoopuka ana mai he oluolu e hoeha oleia iho
ai ko Eseparana noonoo, alaila haawi aku la oia i kona mahalo
no ka Konelia mau olelo oluolu i kupono i kona makemake.
Ua maha Ioa ae la kona noonoo i ka manawa a ka anakala
Kolisona i hoi mai ai, no ka mea, ua pau maila ka Konelia ni-
naninau ana iaia me kana mau ninau lehulehu hoouluhua, a
ua hele aku la hoi o Konelia e hoomakaukau mai i kekahi ti
no ka makuakane, nolaila aohe mea hoouluhua hou mai i
kona noonoo, a ke hauoli loa la oia ia wa.
Mahope iho o ka pau ana o ka ka anakala inu ti ana, ua
hoohalaia ia ahiahi me na kamailio like ole a maluna hoi o
na kumuhana like ole, a ma ka hora umi ponoi, ua akoakoa
mai la ka ohana no ko lakou anaina haipule ohana mamua o
ka hoi ana aku o kela ame keia no kona rumi iho.
Mahope iho o ka pau ana o ka haipule ohana ana, aohe e
mea hauoli e ae a Eseparana, o kona ike wale ana iho no aia | oia maloko o kona rumi moe a e makaukau ana hoi e hiolani
aku no ia po, oiai nae, he ano mehameha a he hamama pu hoi
kona rumi a me ka ihoiho kukui oia e hele ai ma kela a ma
keia wahi no ke ano pouliuli.
He ano hoomaka'uka'u no kona i ka moe hookahi maloko
o ia rumi, aka nae, aohe no ona makau ia mea he akua lapu,
eia nae, iaia i kukulu iho ai i ka ihoiho maluna pono o ke
pakaukau, Ua ike aku la kona mau maka i kekahi aka o ka
maalo ana ae, he poo nui ma kekahi aoao mai o ka paia.
Ua hoopihaia oia i ka makau no ia mea anoe ana o ka ike
ana aku la, a he minuke nae ma ia hope iho, akahi no a mao-
popo iaia he aka ka no kekahi pua nui i lele pku akaa ikeia
aku la ma ke aniani nui, a kekahi mea o ka lawe ana mai a
kau iluna o kana pakaukau ma ka manawa o ko lakou aina
ahiahi ei akoakoa ana maloko p ka rumiaina.
He hana maikai loa ia i hanaia mai nona i kana noonoo iho,
o ka makamua loa ia o ka hana aloha iaia i hanaia mai e kona
ohana, mai kona manawa mai o ka hiki ana mai ia home. He
mea oiaio, o kona hookipaia ana aku iloko o ia home he hana
lokomaikai loa ia, aka nae, ua lilo no ke ano hoihoi a ohaoha
ole mai o kona mau hoahanau iaia i mea hoolilo iho la i keia
maikai i hoike ia mai ma o ka pua nui la i mea maikai ole
ma kekahi ano, a oiai ua mahalo oia no kona hookipa a ma-
lamaia ana maloko o ia home, he hana hauoli nae i like ole me
kana i makemake ai me ka makana pua i mahao mua oleia.
E aneane loa ana oia e puhi aku i kona ihoiho kukui, ki-
keke mai ana kekahi mea mawaho mai o kona puka, a komo
ana no he wahine kauwa luahine no ka ninau ana mai iaia
ina he makemake oia iaia no kekahi mea.
"Aohe a'u hana i makemake aku ai ia oe e kokua mai, ua
pau mua iho nei no ko'u mau pono aahu ame na mea liilii e
ae i ka weheia mailoko ae o ka pahu, a ina o kau hana ia i
manao ai a i hiki mai la, ea, ke haawi aku nei au i ka mahalo
ia oe. Hiki anei ia oe ke hoike mai i ka inoa o ka mea nana
i lawe mai i keia poke pua iloko nei o kuu mmi a kau maluna
o ke pakaukau?" i ninau aku ai o Eseparana.
"O keia mau pua anei e kau mai la maluna o ke pakaukau?
Ke hauoli nei au i kou makemake ana ia mau pua, a ke ma-
nao nei no hoi au e lilo ana ia mau pua i hoa noho nou maloko
o keia rumi," i pane mai ai ka wahine, aohe nae he hoike mai
i ka inoa o ka mea nana i lawe mai ia mau pua a kau iluna
o ke pakaukau.
"No kou hoike ole ana maila i ka inoa o ka mea nana i lawe
mai i maopopo iho la ia'u o oe no ka ka mea nana i lawe mai.
O, lokomaikai a piha noonoo maoli no oe no kou lawe ana mai
ia mau pua noloko nei o ko'u rumi! He mea oiaio, he make-
make mau au i na pua, i kuu wa i ike aku nei ua ala koke mai
no na hoomanao ana iloko o'u no ka makou kihapai pua ka-
hiko maloko o Palani, he nani ka ulu ana o ka meakanu ma-
loko o ke kihapai, a ma na paiia hoi o kekakela kahiko i na-
haha." .
"Aohe au i ike he ulu no keia ano meakanu ma na aina e
aku eia ka ua laha loa no, elike me ia au i hoike mai la a
ke manao nei au e lilo ana kela mau pua i mea nou e manao
iho ai ua like no kou noho ana maanei me kou noho ana ma
kou home kahiko. Aole anei pela?"
"Ae, pela ko'u ike iho; e oluolu oe e honi mai ia'u mamua o kou hoi ana aku, no ka mea owau wale no maloko o kela rumi
a ua mehameha maoli iho la no hoi, a ua lilo kou mau ano olu-
olu i mea hoala mai i na hoomanao ana iloko o'u no ka makou
kauwa-wahine kahiko Iavote, i make."
Honi iho Ia ka wahine kauwa iaia oiai no oia e moe ana iluna
o ka moe, alaila hooponopono iho la ke kauwa i kona mau
kapa, a i ka pau ana haalele mai la i ka rumi; a oiai ua uwe
oia ahiki i kona hiamoe ana, eia nae, ua hoomamaia ae kona
noonoo ma kekahi ano no kona ike ana iho he hoaloha kona
maloko o ia home i like Ioa me kona kahuhanai i make.
MOKUNA XIII. Mahope o ko Eseparana hoi ana aku no kona rumi, ua hoo-
lolohi iki iho la o Mrs. Moteleka no kekahi manawa maloko o
ka rumi o Konelia, no ke kamailio liilii ana no na mea i hanaia
o ka la mamua ae, a no ke kuka ana no hoi no na hana. o ke-
kahi la ae.
"Heaha kou manao no Eseparana?" i ninau ae ai oia ma-
hope iho, no ka hoomau ana aku i ka laua mea e kamailio ai no
kona makemake e ike aku i ko Konelia manao.
"Ua kau koke loa keia manawa na'u e hoike aku ai i ko'u
manao ma ka mea e pili ana no Eseparana, no ka mea, aole
au i noonoo nui no kekahi mea e pili ana nona, aka, ina paha
no kekahi manawa aku, e loaa ana ia'u ka'u mea e noonoo a e
hana aku ai," i pane ae ai o Konelia.
"E hoopanee mau aha no hoi pe i kau mea e hooholo ai no
kekahi hana, a e makaala mua mau ana oe nou iho mamua o
kou hana ana aku i kekahi mea," i noke ae ai o Mrs. Moatele-
ka i ka akaaka. "No'u iho aohe hiki ia'u ke heluhelu aku i
na ano a pau o kela hoahanau o kaua i nei manawa, aohe no
hoi o'u makemake e lawe mai i kau hoakaka no kona mau ano
a o ka'u ia e hooiaio aku ai, aka, e huli aku ana no au no'u
iho, i maopopo kona mau ano apau ia'u."
"Pela wale no paha e hiki ia oe ke ike, aku; o ka hana wale
no e hiki ai ia oe ke ike aku i kona mau aoao apau oia no ke
kamailio mau aku iaia, ka haawi ana aku i hana nana e hana
ai, a e makaala aku hoi i ke ano o kana hana ana.
"E hakilo pu aku oe i ke ano o kona kahiko ana iaia iho,
kona hoomaopopo i kona mau pono aahu, ka hoomaemae i ko
na rumimoe, a ma kekahi mau hana e ae au e makemake ai
iaia no ka hoao ana aku i kona makaukau ma ka hana," i pahe
aku ai o Konelia. "Ma ko'u manao ame ka nana pu aku i
kona ano he kaikamahine hana oia, a e hoolohe mai ana oia
i na mea apau i makemakeia nana e hana, a oiai he kaika-
mahine makua ole oia, o kakou kona makua i nei manawa,
he mea pono ia kakou e ao aku iaia i na ano hana a pau nona
e pono ai ke kanaka makua ae oia."
"Ma ka'u nana aku," wahi a Mrs. Moateleka o ka i ana
mai, "he kaikamahine hookiekie kela elike me Lusifera."
"Oia wale no kau mea i ike aku la e pili ana nona? Auwe
no'u iho aohe no i nui ka'u mea i hana ai a i hakilo aku ai
hoi i kona mau ano iloko o keia manawa pokole loa, aka hae,
e nui aku ana mahope o ko'u kamaaina pono ana iho i kona
mau aoao apau; hookahi a'u mea i hoomaopopo, he ikaika
kona kino, he mau maka ikaika kona, he mau lima i makau-
kau no ka hana, a ina no kona a'o pono ia nei, elike ana oia
me kekahi o na lede hanohano a kiekie o Pelekane nei. O
kahi i laki loa ai, i ka nana aku ua nui ka makemake ame ka
hauoli o ko kakou makuakane iaia."
"Pela anei kou manao?" i ninau ae ai o Mrs. Moateleka, me
kona piha loa i ke kanalua. Aole hiki ia'u ke olelo aku ua
lokahi ko'u manao me kou, no ka mea i la manawa mua loa | no o na maka o ka makuakane o kakou i ike aku ai ia Esepa-
rana, ua hoike mai kona helehelena no kona hoohokaia ana
aole ka helehelena o kona kaikuahine iluna o Eseparana, aka
o ko ka makuakane."
"O; o na manao mua ona he liilii loa, ina ka makuakane o
kakou aole i makemake iaia, no keaha oia i hoihoi mai ai iaia
ianei; eia oia me kakou maanei i nei manawa, nolaila, o ka
hana wale no i koe ma ko kakou aoao o ka pulama, o ke ao
aku iaia, o ka hoonaauao aku iaia i mea nona e lilo ai i uhane
waiwai, a i kona naauao ana e panai mai ana oia i ka maikai
no ka maikai i hanaia aku nona."
"He kaikamahine Palani oia ma na ano a pau ke nana aku,
nolaila, aole no e nele ana ka hana o ke koko Palani iloko ona,
elike me ka hana a na kanaka Palani hookiekie a pau; a eia
hou aole no oia he kaikamahine ui; manao anei oe he kaika-
mahine ui oia?"
"Me ka oiaio loa au e hoike aku nei ia oe, ina no ka ninau
ia mai p ko'u manao no ko Eseparana ui, owau ka makamua
loa e hooiaio aki ai no ia ui ona. Ma ka'u mau mea i hoomao-
popo aku ai ma kona helehelena oia ana kekahi o na kaikama-
hine huapala loa, a ke hauoli nui nei no hoi au no ka loaa ana
he hoahanau Palani ui ko'u. No keia manawa e hoike ae no
au, he hohoma kona mau papalina, he helehelena ia i loaa ma-
muli o ka ai nui ole, a ua maopopo no ia oe ke kumu ua ilihune
laua, a o ke kumu hoi ona i hoihoiia mai ai me kakou, a o ke-
kahi kumu ui loa ole ona he helehelena ma'i kona. E hoopau
koke kaua i ke kamailio ana maluna o keia kumuhana no keia
manawa — o ke aloha po no kou."
"Ae, aloha!" ku ae la o. Mrs. Moateleka iluna a hopu aku
la i ka ihoiho kukui, a huli aku la hele me ka i pu ana mai"
me ka oiaio loa au e hoike ae i keia aole he ui o kela kaikama-
hine!" I ka lohe ana aku o Konelia i na olelo hope a ke kaikuaana,
nanahu iho la oia i kona kui, a eia iho a i ka paa ana aku o ka
puka mahope o ka hoahanau, akaaka liilii iho Ia oia, a i iho la."
"Ua maopopo loa ko ia la manao! Ua lili o i ala ia Esepa- rana no ka hoihoiia ana mai nei ia nei no kona nana i ka
pono o Bella, kana kaikamahine, o ka hoomaka ana keia o kona
manaoino ia Eseparana. O ka makuakane o makou ka mea
kuleana, aole oia.
"O, e Karisibela; liilii loa kou loli i keia la mai kela mau
la mai e lilo ana na aha hulahula i mea hauoli nui nau, a i
keia po nae aole o oe kekahi o na belle iloko o na aha hulahula;
ia manawa ua manaoia oe ka moiwahine o Rikekeka nei, i
loaa ole ka lua ma kekahi wahi okoa aku.
"Aka nae, laki loa he mau makahiki lehulehu ke kaawale
mawaena o Bella ame Eseparana o ko laua mau pomaikai ma
he mea la aole e okiia ana, aka, ke ike mua aku nei nae au e
lilo ana ka Karisibela hana i mea hookaumaha aku ia Bella
i kona wa e oo ai.
"E nui maoli ana na hoolilo ana e haawi ai no ka hoonaauao
ana ia Bella— he mea ku no i ka ehaeha o ka noonoo. No
Eseparana, he mea pono ia'u e haawi i kekahi manawa o'u
nona, koe wale no keia he nele no hoi au e hiki pono ole ai
ke hoolawa aku iaia me na mea apau e pono ai oia."
Ma kekahi kakahiaka ae ala ae la oia me ka piha o ka noo-
noo no ka hana o ka la — ho-a ae la i kekahi ihoiho kukui, a
hoomakaukau iho la iaia no na hana o ka hale e hoopuni mai
ana iaa.
Me ka helehelena mohaha ame ka uhane hauoli hoi o Ese-
parana o ke ala ana mai ma kekahi kakahiaka nui ae, me ka
makaukau e lawelawe aku, i na hana kupono e haawiia mai
ana nana e hana. Mamua o kona haalele ana iho i kona rumi,
ua hoopaa mua ae la oia i kekahi pua ma kona umauma, mo
ka himeni ana ae i kekahi himeni i paanaau iaia oiai oia ma-
loko o ke kula vilikina.
Ma ka hora ewalu o ia kakahiaka i noho iho ai ka ohana a
pau e ai i ka aina kakahiaka, a oiai he wela maoli oloko o ka
rumiaina i ka Eseparana hoomaopopo iho aneane e hiki ole
iaia ke hoomanawanui; he lehulehu na meaai i hoomakaukau-
ia eia nae, hooholo iho la o Eseparana i ke kope wale no i
maa iaia ame ka palaoa palai kana e ae ai, a no ka ikaika loa
o ke kope i kulike ole me kana i makemake ai ua hoole aku la
oia no na manawa lehulehu i noiia mai ai oia e Mrs. Moate-
leka e inu, aka nae, no kona hookikina loa ia ana mai inu liilii
ae ai oia mamua "hoi o ka hoole loa aku.
He oluolu owaho o ke kihapai me ka malumalu i kana nana
aku, me he mea la e koi okoa mai, ana no iaia e oili aku iwaho,
a hakalia no a pau kona aina kakahiaka, nonoi ae la oia no
kona hookuuia mai ke pakaukau aku no ka hele ana aku iwa-
ho; a ua lilo nae ia makemake ona i mea hookahaha aku i ko
Konelia noonoo.
"Ina he makemake oe e hele iwaho ea, e hele oe, eia nae la
aohe mea waiwai nui owaho au e ike aku ana maloko o ke ki-
hapai pua,— a eia kekahi aneane loa keia i ka manawa a o ke
anaina haipule," i pane mai ai o Konelia.
"Pela anei? He anaina haipule ana anei ke malamaia ana
maloko o ka halepule? O, he iini nui ko'u e ike aku ialoko
o kela halepule," wahi a Eseparana o ka hoike ana ae i kona
mahao.
"E loaa ana ia oe Ke mau manawa lawa laa e ike aku ai ia
loko o ia halepule, no ka mea he elua manawa e malamaia ai
ka halawai, i ke kakahiaka nui a i ke ahiahi; e makaau mua
oe a e makaukau hoi i elima minuke mamua ae o ka manawa
haipule, oiai he makaala loa ko makou makuakane i na mana-
wa haipule, aole ona makemake e haule mahope o ka manawa
e hoomaka ai ke anaina haipule."
Hele aku la o Konelia a haalele iho la ia Eseparana, me ka
naka ano-e wale ae la no o kona kino, oiai nae, aohe maopo-
po iho la o ke kumu o ia ano e ana iho la oha. O ia mau na
kona nana iwaho ma ka puka makani me ke kaumaha loa o
kona noonoo I ka manawa i hoi mai ai o Mrs. Moateleka a e
kai ana hoi ma kona lima i kekahi kaikamahine uuku o aneane
eono makahiki ma kona lima, a mai lilo paha oia kekahi a
na kaikamahine ui loa, koe wale no kona wahi kee oia hoi ka
pioi o kona nuku i kekahi manawa, me he mea la ua oiha mau
o ia i ka huhu a i ole ka hookeekee.
"Holo aku e honi i ko hoahanau hou, e Bella," i kena iho ai Me ia nui o ko ka makuahine hookikina iho pela no ko Bella
pipili mau aku iaia me ka i pu ae, "Aole o'u makemake!"
Oiai o Eseparana he makemake mau oia i na kamalii elike
me Bella ke ano, hele mai la oia imua me ka hoomalimali pu
mai e hele aku o Bella imua ona, o Bella e hele
mai o ka ka makuahine keakea koke ana mai hoi i ka i ana mai
"E kala mai oi e Eseparana e waiho mai no oe iaia me a'u
ma ka mea pololei loa ea, na'u no e malama i ka'u keiki"
(Aole i pau.) | |